Məşhur yazardan İzzət Bağırova SƏRT SÖZLƏR: Ordan-burdan...
05.09.18

Müğənni İzzət Bağırovun baş rolda çəkildiyi, həmçinin prodüseri və ssenarisi olduğu “Ümidlər puç olanda” filmi ekranlara çıxmamış tənqid hədəfi olub. Layihə afişanın təqdimatından sonra sosial şəbəkələrdə müzakirə olunmağa başlayıb.

Tanınmış yazıçı Qan Turalı da müğənninin ssenari yazmasını sərt tənqid edib.

Qan Turalı Publika.az-a verdiyi açıqlamada İzzət Bağırovun filmini tənqid etməsinin səbəblərini açıqlayıb və ümumilikdə Azərbaycan kinosunun bugünkü durumu ilə bağlı kəskin fikirlər səsləndirib:

“İzzət Bağırov sənətçidirsə bəs Akif İslamzadə kimdir? O, orta səviyyəli müğənnidir. Problem ondadır ki, özünü öz sənətində təsdiq edə bilməyən adamlar özündə müstəsna keyfiyyətlər aşkarlayaraq müğənni, rejissor və aktyorluq iddiasında çıxış edir. Ordan-burdan sponsor tapır və beləliklə ortaya film adlandırdıqları keyfiyyətsiz məhsul çıxarırlar. Bu, artıq həmin şəxslərin özü-özünü aldatması deyil, incəsənətin probleminə və böhranına çevrilib. Məsələ budur. Yoxsa ki, İzzət Bağırov film çəksə və ya çəkməsə nə olacaq? Kommersiya filmi o demək deyil ki, ağzına gələn ssenarini yazıb onu çəkməlisən. Əvvəllər filmlərin ssenarisini İsa Hüseynov, Elçin, Anar, İsmayıl Şıxlı görkəmli şəxslər yazırdı. İndi də İzzət Bağırov da ssenari yazır. Bu, məni narahat etmir, lakin kinomuz niyə bu günə düşməlidir? Kimsə etiraz səsini ucaltmalıdır ki, belə olmaz”.

Tanınmış yazıçı və ssenarist müğənninin filminə baxmadığı halda niyə irad bildirməsinin səbəblərini belə açıqlayıb:

“Ümid edir ki, onun filminə baxıb irad bildirəcəyəm? O qədər optimistdir? Yüzlərlə film izləmişəm, yüzlərlə kitab oxumuşam. İzzət Bağırovun ssenarisinin necə olacağını təxmin etmək çətin deyil. Onun çəkdiyini filmin necə faciəvi və dramatik hadisə olduğunu bilmək üçün filmə baxmağa ehtiyac yoxdur. Məsələn, Qan Turalını Azərbaycan Milli Futbol komandasının hücumçusu yerinə qoysalar və buna görə tənqid etsələr, deməliyəm ki, oyunuma baxdıqdan sonra fikir bildirin. Absurddur, hər şey onsuz da ortadadır.

İzzət Bağırovu həyatda görməmişəm, tanış deyilik, onunla şəxsi qərəzliyim yoxdur. O, müğənnidir, mən isə yazıçı. Onunla əlavə bölüşə biləcəyim heç nə yoxdur. Məsələ ondadır ki, son illərdə Azərbaycanda çəkilən filmlərinin böyük faizi keyfiyyətsizdir. Əsas məqsədim də Azərbaycan kinosunun bu gün hansı vəziyyətdə olduğunu vurğulamaqdır.

Müğənninin ssenari yazıb baş rolda çəkilməsini çox məsum şəkildə qəbul etmək olar. Yaradıcı insan kimi özünü bu cür ifadə edə bilər. Lakin ümumilikdə Azərbaycan kinematoqrafiyasının təbiətinə baxsaq, aşağı səviyyədə olduğunu görə bilərik. Azərbaycan kinematoqrafiyasını niyə bu səviyyəyədir? Necə oldu ki, İzzət Bağırov ssenari yazmağa başlayır? Bax, bu səbəbləri qabartmaq lazımdır”.

Tanınmış yazıçı tənqid etdiyi “Ümidlər puç olanda” filminin afişasındakı səhvlərdən də danışıb:

“Məlum olduğu kimi, afişada filmin ümumi mahiyyətindən bəhs edən şüar qeyd olunur. İzzət Bağırovun filminin afişasında “...Bəzən də üz çevirib getmək istəyirsən heç kəsin olmadığı yerə” sözləri yazılıb. Birincisi, istəyirsən sözündən sonra vergül qoyulmalıdır. İkincisi, bu cümlə filmin ssenarisi haqqında əvvəlcədən artıq müəyyən fikir yaradır. Üçüncüsü, filmin rejissoru Samir Qulamovdur. Samir Qulamovun əvvəl çəkdiyi film haqqında da ürəkaçan sözlər söyləmək olmaz”.

Daha sonra Qan Turalı Azərbaycan kinosunun bugünkü durumundan söz açıb:

“Azərbaycanda o qədər keyfiyyətsiz film çəkilir ki, arasından keyfiyyətlisini seçib baxa bilmirsən. İstər aktyorlarımız, istər jurnalistlərimiz, istər kinematoqraflarımız, ümumilikdə hamı bu məsələlərə susmaq yolunu seçib. Hamısı keyfiyyətsiz filmlərin çəkilməsini normal qarşılayır, sanki belə də olmalıdır. İzzət Bağırov və onu müdafiə edənlər Özcan Dəniz, Burak Özçivit və ya Əmrah kimi türkiyəli sənətçilərin film çəkdiyini misal göstərə bilər. Lakin adlarını sadaladığım ulduzların çəkdiyi filmlərin türk kinosu standartlarından çox-çox aşağıda olduğunu hamımız bilirik. Bu filmlərin baxılma sayı zəifdir. Müxtəlif türk saytlarında onların reytinq göstəriciləri ilə tanış olmaq mümkündür”.

Yazıçı hesab edir ki, ssenari yazmaq üçün insanda yarıdıcı keyfiyyətlər və istedad olmalıdır:

“Ola bilsin ki, İzzət Bağırov yaxşı aktyordur, lakin onun yüksək səviyyəli ssenari yazdığına inanmıram. Bu mövzu o qədər şişirdilib ki, özümdən şübhə etməyə başlamışam. Elə bilirəm ki, hamı İzzətin böyük ssenarist olduğuna inanır, onun yaradıcılığına inanmayan tək mənəm. Belə nümunələr çox çəkmək olar.

Məsələn, “Ağanatiq” filminin ssenari müəllifi də, prodüseri də Tahir İmanov, rejissoru, quruluşçu rejissoru və baş rol ifaçısı isə Cabir İmanovdur. Halbuki, quruluşçu rejissor spesifik peşədir. Bir adamın bir neçə işi öz üzərinə götürməsi sual yaradır. Eyni hal “Ümidlər puç olanda” filmi üçün keçərlidir. Müğənni layihənin həm prodüseri, həm ssenaristi, həm də baş rol qəhrəmanıdır. Təəssüf ki, Azərbaycan kinosunu bu səviyyəyə endiriblər”.

Sonda yazıçı filmlərə baxış sayının açıqlanmamasından gileylənib:

“Bütün dünyada filmlərin baxılma sayı açıqlanır, bizdə isə gizli saxlanılır. Tom Kruzun sonuncu çəkildiyi “Impossible - Fallout" filmi ilk üç gündə 77 milyon dollar gəlir gətirib. Mən bunu bilirəm, amma Azərbaycandakı filmlərin nə qədər pul qazandığı bilmirəm. Məsələ ondadır ki, xalq həmin filmlərə baxmır. Reklamlarına külli miqdarda pul xərclənən filmlərin maksimum baxış sayı 10 mindir. Bu 10 min nəfər büdcəni xilas etmir. Sponsordan 150-200 min pul alıb film çəkirlər, baxılıb-baxılmaması isə veclərinə deyil”.

Qeyd edək ki, İzzət Bağırov Qan Turalının iradlarına ətraflı cavab verib. Müğənninin geniş açıqlamasını sabah saytımızda oxuya bilərsiniz.

Yenililklər
19.02.19
Əlişir Nəvainin “Külliyyatı”nın rəngli elektron nüsxəsi Fransadan Özbəkistana gətirilib
19.02.19
Heydər Əliyev Mərkəzində rus avanqard rəssamlarının nadir əsərlərindən ibarət sərgi açılıb
19.02.19
Görkəmli teleaparıcı Rafiq Hüseynovun yaşadığı evin qarşısında barelyefi açılıb
18.02.19
Rasim Qaraca - Ra günəş deməkdir, Rasim...
18.02.19
Yazıçı-ədəbiyyatşünas Vaqif Sultanlı Hindistanda beynəlxalq seminarda iştirak edib
18.02.19
Ələddin Məlikov - Alvin Plantinqa; XX əsrin analitik epistemoloqu
18.02.19
Aygün Sadiq - Qələmi təslim etdik duyğuların əlinə
18.02.19
Nemət Mətin - Kitablarımı yandırın!
16.02.19
Asif Rüstəmlinın “Cəfər Cabbarlı və milli istiqlal hərəkatı” kitabı
16.02.19
Xalq yazıçısı ilə bağlı Əbülfəz Qarayevə müraciət olundu
15.02.19
Cəfər Cabbarlının bu vaxtadək naməlum qalan romanı nəşr olunacaq
15.02.19
Strasburq kitabxanasında “Azərbaycan ədəbiyyatı” bölməsi yaradılıb
15.02.19
Bəşəriyyət üçün AVTOPORTRET
14.02.19
Selincerin oğlu:“Söhbət 50 il çap olunmadan yazan birindən gedir, odur ki, çoxlu material yığılıb”
14.02.19

Bu gün Beynəlxalq Kitab Bağışlama Günüdür

14.02.19
Beyləqanda Tarix-Diyarşünaslıq Muzeyinin açılışı olub
14.02.19
“Azərbaycan dilinin Zəngilan şivələri sözlüyü” nəşr olunub
14.02.19
Bəxtiyar Vahabzadəyə həsr olunan “Ustada sayğı gecəsi” adlı tədbir keçirilib
14.02.19
Mərahim Nəsib - Sən çıxsan qapıdan həsrətin gələr
13.02.19
 Türk sənətçisi Ozan Arif vəfat edib
13.02.19
“Azərbaycantelefilm” Yaradıcılıq Birliyi dörd sənədli film hazırlayıb
13.02.19
Günel Əhmədova - Sərhədləri aşan vətən eşqi
13.02.19
Vüsal Bağırlı - Qanadlı xilaskarlar...
13.02.19
200-dən çox incəsənət nümayəndəsi ADO üçün müraciət etdi
12.02.19
Nemət Mətin - Roman yazmaq sənəti
12.02.19
“Ustad” dərgisinin 25-ci sayı işıq üzü görüb
12.02.19
Nəvai yaradıcılığında Nəsimi obrazı
12.02.19
Sevil Mehdiyeva - Nəsimi ilk dəfə Azərbaycan türk dili sözlərinə ədəbi dil səlahiyyəti verdi
11.02.19
Kamran İmanov: "Azərbaycanda kitab sahəsində piratçılıq 61 faizdən 25 faizə enib"
11.02.19
“Qanlı kaha” kitabının imza mərasimi keçirilib
11.02.19
Mübariz Örən - Minotavrın ölümü
11.02.19
Şayəstə Yaqubova - Firuz Mustafa “At günü” əsərində qoyulan problemlər
08.02.19
Elçin Hüseynbəylinin "Gözünə gün düşür" kitabı təqdim olundu
08.02.19
İngilis yazıçısı Rozamunda Pilçer vəfat edib
08.02.19
İlqar Fəhmiyə AzTv-də vəzifə verildi
07.02.19
AMEA Nəsiminin 650 illik yubileyi ilə bağlı tədbirlər planı təsdiq edib
07.02.19
Ayaz Salayevdən çağırış: ADO-un yaşamasını istəyirəm
07.02.19
Cəfər Cabbarlının yubileyi Ankarada qeyd olunacaq
06.02.19
Qala kəndi ilə bağlı müsabiqə elan edildi
06.02.19
Bazərin Anara yaltaqlığı - Dram-dialoq
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.