Rizvanə Behin - Yağış yağır - tərif yağışı.
18.09.18

Rizvanə Behin Tehranda yaşayır. 1961-ci ildə Təbrizdə doğulub, atası Qazaxdan olduğu üçün bir yaşında ikən Azərbaycana gəlib, Bakıda yaşayıb. Orta məktəbi bitirdikdən sonra Neft-Kimya İnstitutuna daxil olub, oranı 1983-cü ildə qırmızı diplomla bitirib. Neft mühəndisi olsa  da həmişə ədəbiyyatı, xüsusilə də poeziyanı sevib. İlk şeirini üçüncü sinifdə yazıb. İnstitutu bitirdikdən sonra Elmlər Akademiyasında işləyib, anası iranlı olduğuna görə İrana qayıtmaq istəyib, 1984-cü ildə İrana qaıdıblar. İrada neft şirkətində işləyir və həmişə özünü Azərbaycana borclu sayır. Milli musiqimizə, muğamatımıza, ədəbiyyatımıza həmişə marağı olub. Bakıya tez-tez gəlir. Avanqard.net Rizvanə Behinin bir neçə şeirini oxuculara təqdim edir.








Keçəl Həmzə

Ağlama ürəyi yandıran sözə,
Dillərdə quruyan sözlərə ağla.
Ağlama ağlayıb kor olan gözə,
Doğru görüb danan gözlərə ağla.

Dünya insanları itirmədi, yox,
Əfsus ki insanlıq getdi dünyadan.
İndi göz yaşını öz içində boğ,
Kişilik, dəyanət itdi dünyadan.

Allahlıq eyləmək istədi insan,
Kişinin, qadının əsli dəyişdi.
Elə namərdlər var bəlkə Həmzə də
Qalsaydı utanıb yerə girmişdi.



Ağıllı - dəli

(Bakının 5-ci mikrorayon xatirəsi)

Köhnə məhləmizdə bir “dəli” vardı,
Hər gün eşidərdik yüksək səsini.
Küçə süpürərdi min bir şövq ilə,
Vicdanla görərdi vəzifəsini.

Quşlara daş atan dəcəl oğlanlar
Quş tək qaçardılar görünəndə o.
Bir şillə vurmuşdu qardaşıma da
Ağac budağını sındıranda o.

Bir anası vardı dünya varından
Xəstəydi, üstündə titrər, əsərdi.
Özü ac qarnına yeməyib, oğul
Anasına toyuq yedizdirərdi.

Bir gün qonum-qonşu yığışıb ona
Dedilər: ananı ver aparsınlar,
Qocalar evində yaxşı baxsınlar.
O özündən çıxdı: mən ölmüşəmmi,
Axır gününə tək baxaram özüm,
Sınsa da ayağlm, çıxsa da gözüm.

Ana ölən gündən oğul qəm çəkdi,
Taqət gətirmədi, bir neçə ayda
O da köçüb getdi ana dalınca,
Azaldı bir “ dəli” indi dünyada.

Köhnə məhlənizdə bir “dəli” vardı,
Bütün ağıllılar ona gülürdü.
Dünyanın qəribə işləri vardı,
Köhnə məhləmizdə bir “dəli” vardı.



Heyf

Ürəyim bir sınmış güzgüyə bənzər,
Orda surətin də çilik-çilikdir.
Onu sən sındırdın, ürəyimə yox,
Sənin surətinə heyifim gəlir.



Dənizə qovuşdur məni

(Sevgilisi dənizdə
işləyənlərin dilindən)

Dənizə gedirsən, məni də apar,
Apar göy dalğalar sinəsində sən.
Məni iztirabın köksündən qopar,
Boğulum o dəniz gözlərində mən.

Xəzərin səsini dinləyək birgə,
Sehirli dünyaya məni də apar.
Sularda iz salsın qoy qoşa kölgə,
Başımız üstündə yansın ulduzlar.

Dənizdən titrəyən külək səsinə
Qatım sinəmdəki haray səsimi.
Dalğalar can versin cansız qəlbimə,
Ulduzlar dinləsin nəğmələrimi.

Dənizə vurğunam, bir də ki sənə,
Dərinsən mənimçün dənizlər kimi.
Gəl son qoy, əzizim, sənsizləyimə,
Dənizsən, dənizə qovuşdur məni.



Qarpız

Səhərdən axşamacan
Yağış yağır - tərif yağışı.
Hamı tərifləyir bir-birini,
Gördüyünü, eşitdiyini,
Görmədiyini, eşitmədiyini,
Bildiyini, bilmədiyini.
Tərifləyənlər cılızlaşır,
Təriflənənlər qürrələnir,
Başlar şişir, böyüyür,
Yenə yağış yağır  tərif yağışı.
Eyni sözləri eşitməkdən deyən xəstələnirəm,
Gözlərim zəifləyib,
Hara baxıramsa baş yerinə
Şişmiş qarpız görürəm.

Yenililklər
07.07.20
Tbilisidəki Azərbaycan Mədəniyyəti Muzeyi fəaliyyətini bərpa edir
07.07.20
“Hacı Zeynalabdin Tağıyev və Şərqin ilk rus-müsəlman qız məktəbi” foto-sənədli animasiya filmi təqdim edilib
07.07.20
Müslüm Maqomayev adına müsabiqə gələn ilin aprelində keçiriləcək
06.07.20
Tanınmış bəstəkar Ennio Morrikone vəfat edib
06.07.20
Taleh Eminoğlu - Mədəni müxtəliflik və multikulturalizmin labüdlüyü
06.07.20
“Turan eşqi” kitabı Azərbaycanda Atatürk Mərkəzi tərəfindən nəşr olunub
06.07.20
Azərbaycan-rumın mədəni əlaqələrindən bəhs edən yeni kitab
06.07.20
Əməkdar artist Tofiq Hüseynov vəfat edib
03.07.20
Mədəniyyət Nazirliyi Rusiyanın xalq artistinə qanunsuz ödəniş edilib
03.07.20
“Xınalıq” qoruğu UNESCO-nun Dünya İrs Siyahısına namizədlik üçün ilkin siyahıya salınıb
02.07.20
Əhməd bəy Ağaoğlu yaradıcılığında azad insan konsepsiyası
02.07.20
COVID-19 epidemiyasına həsr olunan film çəkilir
02.07.20
Səməd Vurğunun şeirlər kitabı Türkiyədə nəşr olunub
01.07.20
Azərbaycan Respublikası Kinematoqrafçılar İttifaqı Kann Beynəlxalq Kinofestivalının rəhbərliyinə etiraz məktubu göndərib
01.07.20
Saedinin dünyaca məşhur “Bəyəl əzadarları” romanı Azərbaycanda nəşr edildi
01.07.20
Kinoşünas Azərbaycanda çəkilən serialları tənqid edib
30.06.20
Ermənilərin İranın siyasi həyatında oynadığı rol
30.06.20
Simran Qədimin yeni kitabı çap olunub
30.06.20
Əhməd bəy Ağaoğlu “Difai” təşkilatının qurucusu kimi
27.06.20
Pərviz Cəbrayıl - “Azğın”- onun seçilmiş əsərlərin mündəricatı
27.06.20
Bilal Alarlı - Kiçik hekayənin böyük hikməti
26.06.20
Küyüylü Nəccari Səid - Aslan Əmi
26.06.20
Mark Terensi Varronun “Latın dili haqqında" kitabı Azərbaycan dilində
26.06.20
Fərid Muradzadə - Güclü kişi 
26.06.20
Simran Qədim - Təhlükə: COVID-19
26.06.20
Məmmədov Eşqin - Payız məni darıxdırır, ilahi!
26.06.20
Cavanşir Yusifli - Bir şeirin dedikləri (Həmid Herisçi )
26.06.20
Tarix İnstitutunda “Azərbaycan Səfəvi dövlətinin xarici siyasəti” kitabı çap edilib
26.06.20
Dahilərin, yaradıcı insanların problemi: Bipolar xəstəlik
26.06.20
Azad Qaradərəli - Azər Abdullanın “Qəmərlidən keçən qatar” hekayəsinin ismarıcları
26.06.20
Mübariz Örən: "Yazıçı söz yaratmaqdan qorxmamalıdı" - Müsahibə
26.06.20
Daşkənddə “Azərbaycan Demokratik Respublikası və müstəqillik dövrü Azərbaycan ədəbiyyatı” kitabı çap olunub
26.06.20
“Məhtimqulu və Türk dünyası” adlı Beynəlxalq onlayn konfrans keçirilib
24.06.20
Orxan Saffari - Balığı güldürən azərbaycanlı yazıçı
23.06.20
İsmayıl Mərcanlı İmanzadə - Xatirələr tüstülənən ocaqmış...
22.06.20
Fərdi duyumun poetik ilməsi - poeziyanın Ağsəsi
22.06.20
Tanınmış ispaniyalı yazıçı vəfat edib
20.06.20
Atif Abbasov - Bilinən və bilinməyən Nəsrəddin Tusi
19.06.20
Bu kino ki var, bəs bizdə niyə yoxdur? - ARAŞDIRMA
19.06.20
Hacı Zeynalabdin Tağıyevin ev-muzeyinin bərpadan sonra açılışı olub
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.