AMEA Nizami Gəncəvi adına Ədəbiyyat İnstitutunun aparıcı elmi işçisi, DGTYB- nin məşvərət şurasının üzvü, dosent  Pərvanə Məmmədli 19-21 sentyabr  tarixlərində Qazaxstanın paytaxtı Astanada, Qazaxstan Milli İncəsənət  Universitetinin  keçirdiyi beynəlxalq elmi konfransda iştirak edib.

Beynəlxalq konfrans tanınmış  qazax  yazıçısı və kinodramaturqu, Qazaxstanın dövlət mükafatı laureatı, beynəlxalq Frans Kafka mükafatı lauteatı, professor Akim Tarazinin 85 illiyinə həsr olunub. Konfrans Akim Tarazinin uzun illər çalışdığı Qazaxstan Milli İncəsənət Universitetində keçirilib. Konfransda  xarici  ölkələrdən, o cümlədənTürkiyə, İspaniya, Azərbaycan, Özbəkistan, Rusiyadan və digər ölkələrdən alim və yazıçılar iştirak edib. Üç gün davam edən beynəlxalq  elmi  konfransda yubilyarın elmi-bədii yaradıcılığı haqqında məruzələrlə yanaşı, müəllifin çoxsahəli yaradıcılığına həsr olunan Nazirə Rəhmanqızının “Akim Tarazi kinodramaturq kimi; Ssenaridən filmə  qədər”, Ularbek Nurqalımoğlının “Yazıçı  qəlbi. Akim Tarazinin əsərində mili psixologiya” kitablarının təqdimatı da keçirilib. Eyni  zamandqa Akim Tarazinin ssenari müəllifi  və  rejissoru olduğu filmlər “ Mustafa Şokay”, “Karaş aşırımında atəş” və s. filmlərin nümayişi  olunub. 

Elmi konfransda türkiyəli araşdırıcı Cəmilə Hınaçı, özbəkistanlı Mehmon İslamkulov  və  həmyerlimiz  Pərvanə Məmmədlinin məruzə və çıxışları böyük maraqla qarşılanıb. Pərvanə Məmmədlinin təşəbbüsü ilə Azərbaycan Xalq Cumhuriyyətinin yaradılmasının 100 illiyi ilə bağlı universitet  tələbələri  üçün  keçirdiyi “Master-klas” tələbələrdə böyük maraq oyadıb, ölkəmizi  daha  yaxından tanıdılmasına kömək edib.

Beynəlxalq elmi konfransın sonunda Pərvanə Məmmədliyə Qazaxstan Respublikasının Mədəniyyət və İdman Nazirliyinin və Qazaxstan Milli İncəsənət  Universitetinin  özəl serfikatı təqdim edilib.