III “Məmməd Araz poeziya günü”nə yekun vurulub
10.10.18

III “Məmməd Araz poeziya günü” çərçivəsində şairin anadan olmasının 85 illiyinə və respublika üzrə şeir müsabiqəsi qaliblərinin mükafatlandırılmasına həsr edilən mərasim keçirilib. Azərbaycan Respublikasının Prezidenti yanında Bilik Fondu, Azərbaycan Yazıçılar Birliyi və Xəzər Universitetinin birgə təşkilatçılığı ilə reallaşan yekun tədbirində respublikanın görkəmli mədəniyyət, ədəbiyyat xadimləri, Məmməd Araz şeirinin pərəstişkarları, şairin ailə üzvləri, yaxınları iştirak ediblər.

Tədbir ənənəvi olaraq unudulmaz sənətkarın ifasında lentə alınmış şeirin səsləndirilməsi ilə başlanıb. “Məmməd Araz poeziya günü” layihəsinin rəhbəri Qardaşxan Əzizxanlı ilboyu şairə həsr olunmuş silsilə tədbirlər barədə məlumat verib. Bildirib ki, layihə çərçivəsində aprel ayında Qazax rayonundan başlanan ədəbi görüşlər İsmayıllıda, Neftçalada, Bakının Xətai rayonundakı “Zəkalar” liseyində davam etdirilib. Bugünkü tədbirin əsas məqsədi ustad şairin xatirəsinə həsr olunmuş şeir müsabiqəsi qaliblərinin adlarının açıqlanmasıdır.

Qardaşxan Əzizxanlı vurğulayıb ki, şeir müsabiqəsində məktəblilərdən təqaüdçülərədək bir neçə nəslin nümayəndələri iştirak ediblər. Ən kiçik yaşlı iştirakçılar Mingəçevirdən 20 nömrəli məktəbin III sinif şagirdləri Məhəmməd Məlikzadə və Ayşən Əhmədova olub. Müsabiqəyə 30 rayondan 50-dək müəllif 100-dən çox şeir göndərib.

Sonra filologiya elmləri doktorları Cavanşir Yusifli, Rüstəm Kamal, filologiya üzrə fəlsəfə doktoru Azər Turan, Azərbaycan Yazıçılar Birliyinin katibi, şair İlqar Fəhmidən ibarət münsiflər heyətini təmsil edən, respublikanın ən gənc elmlər doktoru Elnarə Akimova şeir müsabiqəsi qaliblərinin adlarını açıqlayıb.

Şairlər Xalid Mahmud I, Mina Rəşid II, İbrahimxəlil III yerə layiq görülüblər. Şairlərdən Ağasəfaya, Mayis Səlimə və “Məmməd Araza yazılmış ən yaxşı şeir” nominasiyasının qalibi Əlizadə Nuriyə, həmçinin ustad şairin şeirlərinin ifası üzrə seçim turunun qalibi olmuş Xəzər Universitetinin tələbələri Aytən Əsgərova, Aytac Həsənova və Pinar Məmmədzadəyə, “Zəkalar” liseyinin şagirdləri Nəzrin Ağazadə, Əbülfəz Rzazadə, Nicat Səmədov, Nilufər Tağıyeva, Aydan Mehdiyeva və Şəbnəm Haşımlıya Bilik Fondunun və Azərbaycan Yazıçılar Birliyinin təsis etdiyi diplomlar, təşəkkürnamələr, habelə hədiyyələr təqdim olunub.

Mükafatları Xəzər Universitetinin təsisçisi, Qəyyumlar və Direktorlar Şurasının sədri Hamlet İsaxanlı, Milli Məclisin deputatı, yazıçı Aqil Abbas, şairin qızı, “Ədalət” qəzetinin Baş redaktoru İradə Tuncay, şair Dilsuz, Bilik Fondunun təmsilçisi Hacı Abdulla Nərimanoğlu təqdim ediblər.

Daha sonra 2017-ci ilin Məmməd Araz adına “Qartal” mükafatının laureatı, Nizami rayonu 12 nömrəli tam orta məktəbin V sinif şagirdi İbrahim Əhmədov şeir söyləyib. Onun məharətli ifası, Azərbaycan Musiqi Mədəniyyəti Dövlət Muzeyinin Qədim Musiqi Alətləri ansamblının solisti, Əməkdar artist Nuriyyə Hüseynovanın, Xəzər Universitetinin musiqi və incəsənət kafedrasının müdiri, Əməkdar müəllim Zülfiyyə Sadıqovanın, tanınmış aşıq-müğənni Solmaz Kosayevanın, müğənnilərdən İlham Əsgəroğlu və Məhsəti Cabbarovanın çıxışları alqışlarla qarşılanıb. Moskva “Dərviş” Teatrının aktyoru Şirzad Pirallahının ifasında Məmməd Arazın “Ayağa dur, Azərbaycan” şeirini bütün salon ayaq üstə alqışlayıb.

III “Məmməd Araz Poeziya günü” professor Hamlet İsaxanlının çıxışı ilə başa çatıb. /Azərtac/

Yenililklər
18.02.20
Özbəkistanda “Hər anımız Vətən desin!” adlı şeir müsabiqəsi elan olundu
12.02.20
"Təkrarın tənhalığı”nda "Sevdiyim əsər” – Fərid Hüseynin kitab təqdimatından reportaj
10.02.20
Gülbala Dadaş - “Hər kəsin öz eşqi” kitabı haqqında
07.02.20
Fərid Hüseynin kitablarının təqdimat mərasimi keçiriləcək
05.02.20
Bəsirə Əzizəlinin Muhsin Kadıoğlu haqqında monoqrafiyası çap olunub
05.02.20
İradə Musayeva -  Süleyman Rüstəmi əksinqilabçı adlandıran repressiya qurbanı
03.02.20
Cavanşir Yusiflinin Səlim Babullaoğlu haqqında kitabı nəşr edilib
02.02.20
İradə Musayeva - Bağırovun gizli tapşırığı: “Boynuna qoyuluncaya qədər döyün!”
01.02.20
"Qanun” nəşriyyatında "The Paris Review müsahibələri” adlı kitab nəşr edilib
01.02.20
Rusiya Yazıçılar İttifaqı ilə AYB arasında əməkdaşlıq müqaviləsi imzalanıb
29.01.20
İradə Musayeva - Bağırov bu tərcüməçimizi həbs etmək üçün Stalindən icazə istəmişdi
28.01.20
Fərid Hüseyn - İnsanın unutqanlığı bəzən onun ədalətidi
28.01.20
AYB-nin Gənclər Şurasının “Ulduz”u nəşr edildi
25.01.20
İradə Musayeva - Müstəqil Azərbaycan” sözü dilinizdən çıxmadımı?
25.01.20
Fazil Abbasov - Qanımı süz, şərab kimi...
25.01.20
Əsmər Hüseyn Xan - Onda balaca idik, adımız uşağıydı
25.01.20
Şəhla Aslan Türkiyənin "KonTV" kanalında aparıcılıq edəcək
24.01.20
İradə Musayeva -  Repressiya illərində  tragik həbs situasiyaları...
22.01.20
“Dünya ədəbiyyatı” dərgisinin yeni sayı esse janrına həsr edilib
22.01.20
İlham Əziz - O dünyadan gələn səslər
22.01.20
İradə Musayeva - Repressiya dəhşətləri
22.01.20
Yazıçı-publisist Aqşin Babayevin daha bir kitabı çapdan çıxıb
22.01.20

Azərbaycan Aşıqlar Birliyinin növbəti kitabı işıq üzü görüb

21.01.20
İradə Musayeva - Kirovun ölümü ilə başlayan cəhənnəm, yaxud repressiyanın 80 illiyi
14.01.20
Gürcüstanda Zəlimxan Yaqubun xatirəsinin əbədiləşdirilməsi təklif olunub
14.01.20
“Təhsil terminlərinin izahlı lüğət”i çap olunub
14.01.20
Nəsiminin həyat və yaradıcılığına müasir baxışı əks etdirən monoqrafiya çap edilib
14.01.20
 “Manqurt” tamaşası növbəti dəfə nümayiş ediləcək
09.01.20
“Ədəbi Proses – 2018” kitabı çap olunub
31.12.19
Mahirə Nağıqızı: "İstənilən ixtisası ən böyük zəhmət hesabına qazanmaq olar, amma şair kimi doğulmaq lazımdır" - MÜSAHİBƏ
28.12.19
Məmməd Cəfər Cəfərova həsr olunan elmi sessiya keçirilib
28.12.19
Ülvi Babasoy: "Çağdaş ədəbiyyatda dil bəlkə də heç onuncu yox, iyirminci yerdə dayanır" - MÜSAHİBƏ
28.12.19
"Ulduz” jurnalının dekabr sayı işıq üzü görüb
27.12.19
Bakı Mühəndislik Univeristetində Səxavət Sahilin yeni kitabı müzakirə olunub
27.12.19
Mərahim Nəsib - Şəms Təbrizinin məktubu
27.12.19
AYB-nin Gənclər Şurasının üzvləri ədəbi orqanların redaksiya heyətinə qəbul edilib
26.12.19
Əhməd Cəfəroğlunun 120 illiyilə bağlı elmi sessiya keçirilib
26.12.19
Qulu Ağsəs tələbələrə nə vəd etdi? - Pedaqoji Universitetdə GÖRÜŞ - FOTOLAR
25.12.19
Səxavət Sahil - Qafqaz müharibəsi rus ədəbiyyatında
25.12.19
Fərid Hüseyn Serbiya Yazıçılar Birliyinə üzv qəbul edilib
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.