Maqsud İbrahimbəyov Yaradıcılıq Mərkəzində “Zaman içində” layihəsinin təqdimatı olub
11.10.18

Maqsud İbrahimbəyov Yaradıcılıq Mərkəzində Könül Rəfiyevanın “Zaman içində” kurator layihəsinin təqdimatı olub. Tədbir Təşəbbüskar Kuratorlar Birliyinin (“ICU”) təşkilatçılığı və Maqsud İbrahimbəyov Yaradıcılıq Mərkəzinin dəstəyi ilə keçirilib.

Könül Rəfiyeva bildirib ki, “Zaman içində” layihəsi bütün zamanlarda ilham mənbəyi olan Azərbaycan qadınının parlaq obrazını təcəssüm etdirir. 2018-ci ildə müsəlman Şərqində ilk parlament respublikası - Azərbaycan Xalq Cümhuriyyətinin yaradılmasının 100 illiyi tamam oldu. Azərbaycan qadını bu yüz ildə sosial və ictimai həyatın müxtəlif sahələrində mühüm rola malik olub.

Layihə çərçivəsində fotoqraf-rəssam Rüstəm Hüseynovun ölkənin mədəni və ədəbi irsində əhəmiyyətli izlər qoymuş Azərbaycan qadınlarının tarixi obrazlarını əks etdirən fotoportretləri təqdim olunub.

“Zaman içində” layihəsi klassik ədəbiyyatımızın nümayəndələri Xurşudbanu Natəvan, Heyran xanım, Qəmər bəyim Şeydanın iştirak etdikləri ənənəvi ədəbi məclislərin Məhsəti Gəncəvi, Raziyə Gəncəvi və digər söz ustalarının şeirlərinin səslənməsi ilə müasir zamana uyğun formada interpretasiyasıdır.

Gecənin açılışında çıxış edən Maqsud İbrahimbəyov Yaradıcılıq Mərkəzinin direktoru Anna İbrahimbəyova qonaqları və tədbir iştirakçılarını salamlayıb .

İdeyanın müəllifi və layihənin kuratoru Könül Rəfiyeva poetik ifa tərzini milli geyimli qızların fotoportretləri ilə tamamlayan layihənin konsepsiyasından bəhs edib.

Müəllif tamaşaçını tarixi keçmişimizdən müasir dövrə aparan özünəməxsus ekskursiyaya dəvət edir. Libaslar ənənəvi qadın obrazının xarici elementlərini nümayiş etdirir, şairələrin yaradıcılığı isə zərif cinsin nümayəndələrinin daxili aləmini üzə çıxarır.

Rüstəm Hüseynov Avropa və Asiya ölkələrinə səyahətləri zamanı çoxlu sayda tarixi rekonstruksiyaların şahidi olduğunu bildirib. “Məni heyrətə salan odur ki, bu ölkələrdə ənənələr davam edir, yüzlərlə il əvvəl geyilən libaslar indi də dəbdədir, lakin tam olduğu şəkildə deyil. Onları tədricən interpretasiya etməklə, tarixi irsin müasir dizaynda müxtəlif variasiyalarını tətbiq edirlər. Mən öz layihəmə başladıqda, bunun necə göründüyünü təqdim etmək üçün kisik obrazlar silsiləsi vardı. Tədricən, ildən-ilə yeni seriyalar çəkirəm. Hətta gördüm ki, bəziləri mənim fotoşəkillərimi tarixi reallıq kimi qəbul edirlər”, - deyə fotoqraf-rəssam əlavə edib.

Gecənin musiqili hissəsində azərbaycanlı ifaçı, “The Voice” musiqi teleşousunun fransız versiyasının iştirakçısı Araz Hümbətli gitarada özünəməxsus ifa tərzi ilə “Sarı gəlin” Azərbaycan xalq mahnısını ifa edib.

Tədbirin aparıcısı, sənətşünas Rafael Gülməmmədov görkəmli şairələrin Azərbaycan ədəbiyyatı, incəsənəti və sosial həyatda rolundan, həmçinin onların mənəvi aləmi və poetik istedadından danışıb.

Sonra Məhsəti Gəncəvi, Heyran xanım və digər orta əsr müəlliflərinin şeirlərindən parçalar səslənib, müxtəlif dövrlərə aid Qərb şairləri ilə paralellər aparılıb. Azərbaycan, rus, ingilis dillərində təqdim olunan şeirləri Əməkdar artist Elşən Rüstəmov, şairələr Ülviyə Axundova və İrina Şipilova söyləyiblər.

Rüstəm Hüseynovun Azərbaycanın müxtəlif regionlarının gözəl və rəngarəng qadın geyimlərinə həsr etdiyi 20 fotoportretdən ibarət olan layihəsi iştirakçıların böyük marağına səbəb olub. Dizayner Natəvan Əliyevanın şəxsi kolleksiyasından da istifadə edən müəllif çəkilişlərdə XIX əsrin orijinal qadın libaslarına da müraciət edib.

Ekspozisiyada müəllif Rəna İbrahimbəyovanın ənənəvi qadın obrazının parlaq nümunəsi olan kəlağayının nümayişi də yer alıb.

Gecədə Denis Vinterin “Rəsm üçün yazı maşınkası” adlı 2017-ci il instalyasiyasının sənədli xronikası da təqdim olunub. /Azərtac/

Yenililklər
18.01.22
Qurban Bayramov - Növbəti erməni məkrinə – erməniləşdirmə faktına münasibət
18.01.22
Rövşən Yerfi - Həyasızlıq kabusu bizi məhv edəcək!..
17.01.22
İlhamə Dağlı - Tobıktıda günəş doğdu
17.01.22
Azad Qaradərəli: "AYB-dan uzaqda qalmaq, təbii çətinliklər yaradıb mənə"
15.01.22
Mübariz Örən Yaradıcılıq Fakültəsinə rəhbər təyin olunub
11.01.22
Gülnar Yunusova -  Fenomen Haruki Murakami 73 yaşında
11.01.22
Kənan Hacı - Vaxt pəncərəsi
11.01.22
Azad Qaradərəlinin hekayəsi Türkiyə saytında yayımlanıb
10.01.22
Nadir Əzhəri - “İsanın qadını” və qadın ifadəsinin keyfiyyəti
06.01.22
Kənan Hacının yeni kitabı çap olundu
30.12.21
Günel Natiq - Ayı dərisi 
29.12.21
“Qarabağ ilmələrdə” sənədli filminin təqdimat mərasimi olub
29.12.21
“Ulduz”dan oxuculara endirim
29.12.21
Hacı Zeynalabdin Tağıyevlə bağlı film çəkiləcək
28.12.21
Habil Yaşar - SMS
28.12.21
Eşqin Məmmədov - Bu il başqa arzum var, hədiyyə istəmirəm
27.12.21
Ramil Əhməd Türkiyədə qalib oldu
27.12.21
Yazıçı Varisin kitabı İranda nəşr edilib
27.12.21
Nemət Mətin - İsanın qadını və ya Səxavət Sahilin "Məhəbbət" obrazı
24.12.21
Azad Qaradərəlinin yeni kitabı çap olunub
23.12.21
İlin son "Ulduz"u nəşr olundu
23.12.21
Fərid Hüseynin İstanbulda imza günü oldu - Foto
23.12.21
Cavanşir Atəşi - Xalqının taleyinə günəştək doğulmusan!
20.12.21
“Leyli və Məcnun” dastan-tamaşası təqdim olundu
20.12.21
“Qobustan” sənət toplusunun qış nömrəsi işıq üzü görüb
20.12.21
“Salnaməfilm” studiyasında il ərzində bir sıra yeni sənədli filmlər çəkilib
20.12.21
“Uşaq Avroviziyası - 2021” müsabiqəsinin qalibi bəlli olub
20.12.21
Minsk şəhərində Nizami Gəncəvinin heykəli ucaldılıb
16.12.21
Küyülü Nəccari Səid - Atam
16.12.21
Üfüqdə hansı cərəyan görünür? - SORĞU
13.12.21
Səxavət Sahil - Əkrəm Əylisli, Axundov, Mirzə Cəlil, Sabir və Türk ədəbiyyatı
13.12.21
Mərahim Nəsib - Əllərim göy üzündə, dodağımda dualar
13.12.21
Bakıda 15-21 dekabrda Milli Kitab Sərgisi keçiriləcək
13.12.21
Azərbaycan Yazıçılar Birliyinə qəbul elanı
13.12.21
Koreya-Azərbyacan II Humanitar Forumunu keçirilib
13.12.21
Ləman L.R. - Susaq, sükutumuz danışsın
08.12.21
"Kitabi-Dədə Qorqud" italyan dilində
08.12.21
“Ərəb ədəbiyyatının ehramı Nəcib Məhfuz” kitabı çapdan çıxıb
08.12.21
Hüseyn Cavidin “Topal Teymur” pyesi rus dilində işıq üzü görüb
08.12.21
Tramp prezidentlik fəaliyyəti barədə kitab yazır
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.