Azərbaycan, Türkiyə, Səudiyyə Ərəbistanı və Misirdən olan müəlliflərin, internet ədəbiyyati dövründə yeni oxuma, yazma, anlama və düşünmə təcrübələri, Azərbaycan mərasim folklorunda adətlər, inanclar bəşəri və milli-mənəvi dəyərlərin ifadəsi kimi, “Ən üstünün mümkünlüyü” qaydası: fəlsəfi məntiq istiqamətində metafizik nəzəriyyə, Elçinin “Baş” romanı: bədii üslub və janr özünəməxsusluğu kontekstində, transfizika yoxsa, fizikadan sonra, maarifləndirici təhsil və insan haqları kontekstində təhsil və sülh dünyası, dini mənəviyyatın gələcəyinin postmodernizm və ənənəviçilik mövqeyindən müqayisəli təhlili mövzularında məqalələri jurnalda yer alıb.

Beynəlxalq ISSN 2616-6879 nömrəsini alan  “Metafizika” jurnalı “Google.Scholar” və “Turkish Educational Index” kimi nüfuzlu indekslərdə yayımlanır. Bundan əlavə, jurnal “İdealOnline”da qeydiyyata alınıb və “Ebsco” ilə indekslənir. “Metafizika” jurnalı Azərbaycandan ictimai elmlər sahəsində bu nüfuzlu indeksi alan ilk jurnaldır.
Jurnal “Open Access” formatındadır və Azərbaycan Respublikası ilə yanaşı, dünyanın nüfuzlu universitetləri və kitabxanalarına göndərilir, jurnalın metafizikajurnali.az internet səhifəsi 3 dildə fəaliyyət göstərir.

Jurnal altı dildə (Azərbaycan, ingilis, rus, türk, ərəb və fars) ictimai və humanitar sahələrdə elmi məqalə və araşdırmalar qəbul edir. Yeddi ölkədən tanınmış alimlərin təmsil olunduğu jurnalın Redaksiya heyətinə AMEA-nın müxbir üzvü Professor Könül Bünyadzadə sədrlik edir. Jurnalın baş redaktoru Dos.Dr. Ələddin Məlikovdur.