Qaşqarlı hekayə müsabiqəsinin Azərbaycan üzrə qalibləri mükafatlandırıldı
12.12.18

Azərbaycan Yazıçılar Birliyinin (AYB) "Natəvan" klubunda V Beynəlxalq Mahmud Qaşqarlı hekayə müsabiqəsinin qaliblərinin mükafatlandırma mərasimi keçirilib. Mərasimdə AYB nümayəndəliyi, qaliblər, münsiflər heyəti və digər qonaqlar iştirak ediblər.

Tədbiri giriş sözü ilə açan AYB-nin katibi Rəşad Məcid Avrasiya Yazarlar Birliyi tərəfindən keçirilən müsabiqə və onun Azərbaycan mərhələsi haqqında məlumat verib: "Beynəlxalq Mahmud Qaşqarlı hekayə müsabiqəsi artıq beşinci dəfədir ki, Avrasiya Yazarlar Birliyi tərəfindən bütün türkdilli ölkələr arasında keçirilir. Hər ölkə öz daxilində keçirdiyi mərhələnin qalibini təqdim edir və son mərhələdə Türkiyədə keçirilən mərasimlə qaliblər müəyyən olunur. Azərbaycan da bu illər ərzində bu beynəlxalq müsabiqədə kifayət qədər uğurlu nəticələr göstərib. Tanınmış şair və nasir Əjdər Ol 2013-cü ildə II Mahmud Qaşqarlı hekayə müsabiqəsinin öncə Azərbaycanda, sonra isə Beynəlxalq müstəvidə qalibi olmuşdu. Bu gün münsiflər heyətində təmsil olunan Təranə Vahid isə "Mən toz dənəsiyəm" hekayəsi ilə ötən - IV Beynəlxalq Mahmud Qaşqarlı hekayə müsabiqəsinin Azərbaycan üzrə qalib oldu, Beynəlxalq mərhələdə də yer qazandı. Bütün bunlar bizim hamımız üçün çox sevindirici haldır".

R.Məcid builki müsabiqə haqqında məlumat verərkən deyib ki, yarışmaya 19 müəllifin 22 hekayəsi təqdim olunub: "Hekayələri mənimlə birlikdə Tahir Kazımlı, Natiq Məmmədli, Mirmehdi Ağaoğlu, Təranə Vahid, Cavid Zeynallıdan ibarət münsiflər heyəti 10 ballıq sistemlə qiymətləndirib. Nəticələrə əsasən, Reyhan Yusifqızının "Qumlu şəhərin hekayəti" hekayəsi 50 balla birinci, Vüsal Nurunun "İlda" hekayəsi 45 balla ikinci, Aslan Quliyevin "Döyüşçü" hekayəsi 44 balla üçüncü yeri qazanıb. Onu da qeyd edim ki, münsiflər hekayələri müəlliflərin kimliyini bilmədən, şərti ad altında oxuyub dəyərləndiriblər. Seçim tamamilə obyektiv şəkildə aparılıb. Buna görə bütün münsiflərə təşəkkür edir, qalibləri təbrik edirəm. Reyhan xanıma isə müsabiqənin sonuncu mərhələsində də uğurlar arzu edirəm".

Daha sonra R.Məcid sözü münsiflər heyətinin digər üzvlərinə verib.

Tahir Kazımlı çıxışında seçilən hər üç hekayənin həqiqətən də bu yerə layiq olduqlarını, orijinallığı, ideyası, mövzu seçimi və müəllif təhkiyəsi ilə müsbət mənada fərqləndiyini vurğulayıb.

"Ədəbiyyat zövq məsələsidir" - deyən Təranə Vahid çıxışında deyib ki, hekayələrin hamısı olmasa da, çoxu yaxşı idi, münsiflər isə içində ən işıqlı hekayələri seçiblər.

Cavid Zeynallı Mahmud Qaşqarlı hekayə müsabiqəsinin onun həyatında xüsusi yeri olduğunu deyib: "Mən də keçən müsabiqədə iştirak etmiş və qaliblərdən biri olmuşdum. Buna görə də bu müsabiqə mənə çox doğma və əzizdir. Bu il mənə müsabiqədə münsif kimi iştirak təklif olunanda məmnuniyyətlə qəbul etdim. Nəticələrə çox sevinirəm, çünki mənim ən yüksək balları verdiyim üç hekayə qalib seçilib".

Mirmehdi Ağaoğlu bu müsabiqəyə iştirakçı kimi qatılmağı planlaşdırdığı halda münsif kimi iştirakın qürurundan danışıb: "Müəyyən səbəblərdən gecikdim və hekayə qəbulu bitdi. Ondan sonra isə məni münsif kimi dəvət etdilər. Bu, mənimçün çox önəmli vəzifə idi, çalışdım ki, etimadı doğruldum".

Sonra söz qaliblərə verilib. Üçüncü yerin sahibi Aslan Quliyev çıxışında qeyd edib ki, bu cür mötəbər müsabiqədə gənclərlə eyni sırada olmaq onun üçün çox sevindiricidir: "İlk dəfə otuz yaşımda bir müsabiqədə üçüncü yer tutmuşam. Ondan sonra isə indi - 60 yaşımda yenidən üçüncü yer tuturam. Nəticələr açıqlananda gənclərə üstünlük verilməsi məni çox sevindirdi. Ədəbiyyatımızın gələcəyi bu gənclərimizin əlindədir. Bu müsabiqədə zəhməti olan hər kəsə təşəkkürümü bildirirəm".

İkinci yerin qalib Vüsal Nuru da sevincini tədbir iştirakçıları ilə bölüşüb, onun hekayəsinə yüksək qiymət verən münsiflər heyətinə təşəkkürünü bildirib.

Birinci yerin sahibi Reyhan Yusifqızı isə çıxışında digər hekayələri də oxumaq istədiyini deyib: "Burda münsiflər heyətinin xoş sözləri məndə digər hekayələrə qarşı böyük maraq oyatdı. Hekayəmə güvənirdim. Birinci yer isə həm gözlənilməz, həm də çox sevindirici oldu. Hər kəsə təşəkkür edirəm".

Münsiflərin və qaliblərin çıxışından sonra mükafatlar sahiblərinə təqdim edilib. Aslan Quliyevə mükafatını Təranə Vahid, Vüsal Nuruya Tahir Kazımlı, Reyhan Yusifqızına isə Rəşad Məcid təqdim edib.

Daha sonra söz qonaqlara verilib. "Azərbaycan" jurnalının baş redaktoru İntiqam Qasımzadə hekayə janrının çətinliyindən və ədəbiyyatdakı xüsusi yerindən danışıb: "Hekayə ədəbiyyata ilk gələnlərin ən çox müraciət etdikləri janr olsa da, əslində, böyük mətləbləri qısa və lakonik şəkildə çatdırmağın özü də böyük ustalıq tələb edir. Hər kəs bunun öhdəsindən layiqincə gələ bilməz. Bu gün bu müsabiqənin qalibi olan üç yazıçımız demək ki, bu çətinin öhdəsindən gəlməyi bacarıblar. Hekayə janrı gələcəkdə onlara böyük povestlərin, romanların yazılmasında bir növ zəmin rolunu oynayır".

Yazıçı-dramaturq Firuz Mustafa müsabiqəyə təqdim olunan hekayələrin ayrıca kitab halında çapını təklif edib.

Professor Maarifə Hacıyeva R.Yusifqızının müsabiqənin beynəlxalq mərhələsində də uğur qazanacağına əminliyini dilə gətirib.

"Azərbaycan" jurnalının baş redaktor müavini Südabə Ağabalayeva çıxışında müsabiqənin ötən illərdəki nəticələri ilə bağlı xatirələrini, düşüncələrini bölüşüb, builki qalibləri təbrik edib.

Yenililklər
19.06.19
Satirik şair Mirhəsən Münsifin əsərləri nəşr olunub
19.06.19
“Azərbaycan ədəbiyyatı tarixi”nin birinci cildi təqdim edilib
19.06.19
“Nizaminin türklüyü və türklüyə münasibəti Azərbaycan nizamişünaslığında” monoqrafiyası nəşr olunub
19.06.19
Daşkənddə İmadəddin Nəsiminin özbək dilində kitabı çap olunub
18.06.19
Bəsirə Əzizəli - Əhməd bəy Ağaoğlu yaradıcılğında türk və islam dəyərləri
18.06.19
Bədirxan Əhmədli Hindistan elmi jurnalının redaksiya heyətinə üzv seçilib
14.06.19
Azərbaycan televiziyası - yeni simada
13.06.19
“Ernest Heminquey: yeni nəsr və müasir insan” mövzusunda elmi sessiya keçirilib
13.06.19
Professor Qəzənfər Kazımovun kitablarının təqdimatı olub
13.06.19
Xalq artisti İlham Namiq Kamalın 70 illik yubileyi qeyd olunub
12.06.19
Naxçıvanda “Cavidşünaslıq” oncildliyinin təqdim olunub
12.06.19
Leonardo da Vinçinin şedevr əsərlərindən biri tapılıb
12.06.19
Famil Mustafayevin verdiyi qərarı haqlı hesab edirəm
12.06.19
Xalq yazıçısı Elçinin Almaniyada yeni kitabları işıq üzü görüb
10.06.19
AzTV-də Bədii Şuranın növbəti iclası keçirilib
10.06.19
Milli Dram Teatrı “Ölülər”i yenidən təqdim edib
10.06.19
Rəşid Behbudovun xatirəsi anılıb
04.06.19
Ədəbiyyat İnstitutunun əməkdaşı Pərvanə Məmmədli beynəlxalq konfransda iştirak edib
04.06.19
XVI əsrə aid “Kitabi-tibbi-mənzum” əsəri nəşr olunub
30.05.19
"Qafqaz-Media" fəaliyyətində fərqlənənləri təltif etdi
29.05.19
Bədirxan Əhmədli: "Mədəniyyətlərarası dialoqda ədəbi əlaqələrin mühüm rolu var"
29.05.19
Bəsirə Əzizəli - Vladimir Nabokovun “Haram damğası” romanı: siyasi məzmun, ironiya, ölüm
29.05.19
Türkiyədə “Anastas Mikoyan. Bolşevik bir erməninin etirafları” kitabı nəşr olunub
27.05.19
"Özümüzdən böyük Sözümüz" təqdim olundu
27.05.19
Bakıda “Siyasi repressiya qurbanları muzeyi” açılıb
23.05.19
Azərbaycan ədəbiyyatı antologiyası qazax dilində
23.05.19
Dilçilik İnstitutunda bu il 10 kitab, 60-a yaxın məqalə çap edilib
23.05.19
Bakı Dövlət Universitetində Füyuzat Mərkəzinin açılışı olub
23.05.19
Dünya şöhrətli rəssam Zurab Seretelinin sərgisi açılıb
22.05.19
Oman yazıçısı Buker mükafatına layiq görüldü
13.05.19
Ədəbiyyat İnstitutunda Türkiyənin təsəvvüf alimlərilə görüş keçirilib
13.05.19
Musiqili Teatrda “Buratino” tamaşası nümayiş etdiriləcək
13.05.19
Ramiz Rövşən Bakı Kitab Mərkəzində oxucularla görüşdü
13.05.19
Azərbaycanın “Qarabağ” muğam qrupunun Ankarada konserti keçirilib
09.05.19
Rövşən Yerfi - Nəsimi niyə dahidir?
09.05.19
"Çöl Qala" Stokholmda təqdim olundu
07.05.19
Azərbaycan və Rusiyanın görkəmli təmsil ustalarının xatirəsi anılıb
07.05.19
Şair Dəmir Gədəbəyli vəfat etdi
06.05.19
Mətanət Vahid - Məhəmməd Hadinin irsi çağdaş ədəbiyyatşünaslıq müstəvisində
06.05.19
Romada Avropa ölkələrində təhsil alan azərbaycanlı tələbələrin forumu keçiriləcək
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.