Anar Məcidzadə - Nələr çəkdiyimi hardan biləsən?
10.01.19

Avanqard.net gənc şair Anar Məcidzadənin şeirlərini təqdim edir.


Qatarda

Gözlərim gözünlə bir an baxışdı,
Baxdım gözlərinə - gecədən qara.
Ürəyim dözmədi-yandı, alışdı,
Məni də apardı o gözlər hara.

Ulduzmu söyləyim, aymı söyləyim?
İlahi, nə gözəl göz yaratmısan.
Söz ilə doludur sevən ürəyim,
Bunu vəsf etməyə söz yaratmısan.

Gözlərim gözünə son dəfə baxdı,
Bir də bu gözləri haçan görərəm?
Səni bir də görmək bəlkə uzaqdı,
Bəlkə də qatara qaçan görərəm.

Ayrılığın dəmi gəlibdir daha,
Eh, nə tez çatdı ki ünvana qatar?
Səni and verirəm o tək Allaha,
Məni də özünlə, özünlə apar.


Cavanlığım

Gənclik ötdü, hədər oldu,
Qüssə oldu, kədər oldu.
Heç bilmədim nələr oldu;
Gəlib keçdi cavanlığım.
Demək heçdi cavanlığım.

Könül verdim gözəl yara,
Gözlər qara, kiprik qara.
Biləmmədim getdi hara;
Onsuz ötdü cavanlığım.
Külə döndü cavanlığım.

Ötən günlər yuxulardı,
Sevinc payı çox olardı,
Oyansaydım yox olardı;
Şən yuxulu cavanlığım.
Gül qoxulu cavanlığım.

İndi artıq doldum yaşa,
Hökm etmir ürək başa.
Döndü köçəri bir quşa;
Uçub getdi cavanlığım.
Daha bitdi cavanlığım.


Yadına düşdümmü?

Məndən kənar düşən, aralı olan,
Ürəyi hicrandan yaralı olan,
Bu elin gözəli, maralı olan
Yadına düşdümmü bu illər boyu?

Bir vaxt qonaq oldun bizim bu kəndə,
Dedim, görməmişəm mən belə bəndə.
Sözləri bənzəyən şəkərə, qəndə,
Yadına düşdümmü bu illər boyu?

İlk görüş günüydü, yağırdı yağış,
Qapını döymüşdü şaxtalı bir qış.
O gün yadındamı, söylə, din, danış,
Yadına düşdümmü bu illər boyu?

Gülüm, xatirə var unudulandı,
Xatirələr var ki yadda qalandı.
Söylə, untutdunmu o əhdi, andı,
Yadına düşdümmü bu illər boyu?

İndi aylar keçib, il dolanıbdır,
Qəlbimdə hicrindən od qalanıbdır.
Eh, nələr olubdur, nə yaranıbdır...
Sənə son sualım təkcə budur, bu;
Yadına düşdümmü bu illər boyu?


Nələr çəkdiyimi hardan biləsən

İndi düşünmək də daha əbəsdi,
Ayrılıq biz gedən yolları kəsdi.
Sənsiz gəlib-gedən quru nəfəsdi;
Nələr çəkdiyimi hardan biləsən?!

Sevgin ürəyimdə, ürək yerində,
Mən vüsal istədim, vüsal dərində.
Hey yanıb, alışdım qışda, sərində,
Nələr çədiyimi hardan biləsən?!

Gözüm pəncərədən yollara baxır,
İndi pəncərəmdən yağışlar yağır,
Hər yağış damlası hər yükdən ağır;
Nələr çəkdiyimi hardan biləsən?!

İlahi, bu imiş yazdığın qədər,
Gün qəmlə başlayır, gecələr kədər.
Gecələr bitməyir, gəlməyir səhər,
Nələr çəkdiyimi hardan biləsən?


Ay gözəl

Üzü aydır, gözü sanki aynadır,
Külək vurur tellərini oynadır.
Könül vermək, könül almaq qaydadır,
Bu könlümü sənə verdim, ay gözəl.

Hər sözümdən sən inciyib, küsənsən,
Solmaz gülüm, tər çiçəyim, süsənsən.
Günəşdən də, Ulduzdan da gözəlsən;
Bu könlümü sənə verdim, ay gözəl.

Sən Leylisən, mən Məcnunam, mən Kərəm,
Ürək sevər bu dünyada bir kərəm,
Səndən özgə çətin bir də mən sevəm,
Bu könlümü sənə verdim, ay gözəl.

Yenililklər
07.07.20
Tbilisidəki Azərbaycan Mədəniyyəti Muzeyi fəaliyyətini bərpa edir
07.07.20
“Hacı Zeynalabdin Tağıyev və Şərqin ilk rus-müsəlman qız məktəbi” foto-sənədli animasiya filmi təqdim edilib
07.07.20
Müslüm Maqomayev adına müsabiqə gələn ilin aprelində keçiriləcək
06.07.20
Tanınmış bəstəkar Ennio Morrikone vəfat edib
06.07.20
Taleh Eminoğlu - Mədəni müxtəliflik və multikulturalizmin labüdlüyü
06.07.20
“Turan eşqi” kitabı Azərbaycanda Atatürk Mərkəzi tərəfindən nəşr olunub
06.07.20
Azərbaycan-rumın mədəni əlaqələrindən bəhs edən yeni kitab
06.07.20
Əməkdar artist Tofiq Hüseynov vəfat edib
03.07.20
Mədəniyyət Nazirliyi Rusiyanın xalq artistinə qanunsuz ödəniş edilib
03.07.20
“Xınalıq” qoruğu UNESCO-nun Dünya İrs Siyahısına namizədlik üçün ilkin siyahıya salınıb
02.07.20
Əhməd bəy Ağaoğlu yaradıcılığında azad insan konsepsiyası
02.07.20
COVID-19 epidemiyasına həsr olunan film çəkilir
02.07.20
Səməd Vurğunun şeirlər kitabı Türkiyədə nəşr olunub
01.07.20
Azərbaycan Respublikası Kinematoqrafçılar İttifaqı Kann Beynəlxalq Kinofestivalının rəhbərliyinə etiraz məktubu göndərib
01.07.20
Saedinin dünyaca məşhur “Bəyəl əzadarları” romanı Azərbaycanda nəşr edildi
01.07.20
Kinoşünas Azərbaycanda çəkilən serialları tənqid edib
30.06.20
Ermənilərin İranın siyasi həyatında oynadığı rol
30.06.20
Simran Qədimin yeni kitabı çap olunub
30.06.20
Əhməd bəy Ağaoğlu “Difai” təşkilatının qurucusu kimi
27.06.20
Pərviz Cəbrayıl - “Azğın”- onun seçilmiş əsərlərin mündəricatı
27.06.20
Bilal Alarlı - Kiçik hekayənin böyük hikməti
26.06.20
Küyüylü Nəccari Səid - Aslan Əmi
26.06.20
Mark Terensi Varronun “Latın dili haqqında" kitabı Azərbaycan dilində
26.06.20
Fərid Muradzadə - Güclü kişi 
26.06.20
Simran Qədim - Təhlükə: COVID-19
26.06.20
Məmmədov Eşqin - Payız məni darıxdırır, ilahi!
26.06.20
Cavanşir Yusifli - Bir şeirin dedikləri (Həmid Herisçi )
26.06.20
Tarix İnstitutunda “Azərbaycan Səfəvi dövlətinin xarici siyasəti” kitabı çap edilib
26.06.20
Dahilərin, yaradıcı insanların problemi: Bipolar xəstəlik
26.06.20
Azad Qaradərəli - Azər Abdullanın “Qəmərlidən keçən qatar” hekayəsinin ismarıcları
26.06.20
Mübariz Örən: "Yazıçı söz yaratmaqdan qorxmamalıdı" - Müsahibə
26.06.20
Daşkənddə “Azərbaycan Demokratik Respublikası və müstəqillik dövrü Azərbaycan ədəbiyyatı” kitabı çap olunub
26.06.20
“Məhtimqulu və Türk dünyası” adlı Beynəlxalq onlayn konfrans keçirilib
24.06.20
Orxan Saffari - Balığı güldürən azərbaycanlı yazıçı
23.06.20
İsmayıl Mərcanlı İmanzadə - Xatirələr tüstülənən ocaqmış...
22.06.20
Fərdi duyumun poetik ilməsi - poeziyanın Ağsəsi
22.06.20
Tanınmış ispaniyalı yazıçı vəfat edib
20.06.20
Atif Abbasov - Bilinən və bilinməyən Nəsrəddin Tusi
19.06.20
Bu kino ki var, bəs bizdə niyə yoxdur? - ARAŞDIRMA
19.06.20
Hacı Zeynalabdin Tağıyevin ev-muzeyinin bərpadan sonra açılışı olub
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.