Qorunan milli dəyərlərimizin təbliğ olunduğu ünvan: Milli Dəyərlər Muzeyi
02.10.19

Muxtar respublikada fəaliyyət göstərən muzeylər sırasına daha bir muzey əlavə olundu: Milli Dəyərlər Muzeyi. Bu muzeydə 70 il sovet imperiyasının balta çalmağa çalışdığı, lakin xalqın illərlə öz məişətində, şüurunda, ürəyində yaşadıb, bəslədiyi milli dəyərlərimiz nümayiş olunur. Əslində muzeyin yaranmasına qədər muxtar respublikada bu istiqamətdə məqsədli şəkildə bir sıra işlər görülmüşdü. Dövlət tərəfindən həyata keçirilən maraqlı layihələr hamı tərəfindən rəğbətlə qarşılanıb. Bəs nədir o milli dəyər, nələrdir onun nümunələri?

Buraxınız, seyr edəyim, düşünəyim, oxşayayım,
Şu sevimli üç boyalı, üç mənalı bayrağı.

1918-ci ildə AXC-nin qaldırdığı üçrəngli bayrağı vəsf edən Cəfər Cabbarlının ürəyində daşıdığı bayraq sevgisini 1991-ci ildə öz milli dəyərləri uğrunda savaşa çıxmış xalq yenidən bərpa etdi. Naxçıvanda ilk dəfə 3 rəngli bayrağın Ulu öndər tərəfindən dalğalandırılması ilə milli dəyərlər də intişar tapdı. İllərin buxovlarından azad oldu sovet imperiyasının məngənəsində sıxılan milli mənliyimiz. Bütün dünyaya Azərbaycanın müstəqilliyini bəyan edən üçrəngli bayrağın kölgəsində qol-qanad açdı, sevildi, gənc nəslə aşılandı. Milli dəyər hər bir xalqın milli kimliyinin göstəricidir, mənəvi pasportudur. O mənəvi pasportda xalqın müstəqilliyi var, müstəqilliyini simvolizə edən bayrağı, himni, gerbi var. Doğma dilinə mənsubluğu, mədəniyyətinə, tarixinə sahiblik hissi var. Bu varidatın qorunduğu yerdə torpaq da qorunur, ölkə də inkişaf edir, gənclik gələcəyə milli zəmində qurulmuş möhkəm dayaqlar üzərində addımlayır. Müstəqillik əldə etdikdən sonra ölkəmizdə, eləcə də onun ayrılmaz parçası olan muxtar respublikamızda milli dəyərlərin təbliği, gənc nəslə aşılanması istiqamətində mühüm addımlar atıldı. Bu baxımdan “Xalq yaradıcılığı günlərinin keçirilməsi haqqında” Naxçıvan Muxtar Respublikası Ali Məclisi Sədrinin 7 fevral 2009-cu il tarixli sərəncamı milli dəyərlərə qayıdışa, sahiblik hissinə səsləyən mühüm tarixi sənəd olub. Bütün bunlar öz nəticəsini göstərib. Tarixi abidələrə yeni həyat verilib, xalq yaradıcılığı günləri təşkil olunub, milli kökə bağlılıq nümayiş etdirilib. Ağacişləmə, papaqçılıq, dülgərlik, toxuculuq, xalçaçılıq, dəmirçilik, misgərlik, dulusçuluq kimi qədim sənət sahələri qorunub saxlanılıb.

2012-ci ildə muxtar respublikada “Milli dəyərlər ili” çərçivəsində beynəlxalq rəsm, folklor və muğam festivalları, ədəbi tədbirlər, yaradıcılıq təşkilatları üzrə müsabiqələr, ailə dəyərlərinin qorunub saxlanılması ilə bağlı seminarlar keçirildi, milli dəyərlərin əsas daşıyıcısı olan xalq yaradıcılığının müxtəlif sahələri üzrə kurslar təşkil olundu. Aparılan tikinti-quruculuq işlərində milli ornamentlərin tətbiqinə üstünlük verilib, qədim milli musiqi alətlərində ifalara və milli geyimlərimizin təbliğinə diqqət artırılıb. Ötən dövr ərzində “Naxçıvanqala” Tarix-Memarlıq Muzey Kompleksində milli mətbəx nümunələrimizdən “Plov”, “Kətə”, həmçinin  “Yallı”, Yaradıcı əllər”, “Xalq yaradıcılığı”, “Milli geyimlər” festivallarının keçirilməsi milli dəyərlərimizin daha geniş auditoriya qarşısında təbliğinə xidmət edib. Artıq bir ənənə halını alan bu festivallar turistlərin də maraq dairəsindədir.

Naxçıvan Muxtar Respublikası Ali Məclisi Sədrinin “Naxçıvan şəhərində Dövlət Bayrağı Meydanı və Muzeyinin yaradılması haqqında” 2014-cü il 22 avqust tarixli Sərəncamına əsasən Naxçıvan şəhərində Dövlət Bayrağı Meydanı və Muzeyinin istifadəyə verilməsi dövlət atributlarına ehtiramın ən böyük ifadəsi olmaqla yanaşı, gənc nəslin vətənpərvərlik ruhunda tərbiyəsi istiqamətində atılmış mühüm addımlardan biri olub. Bu gün bayraq meydanı müqəddəs and yerinə çevrilib.

2012-ci ildə “Milli dəyərlər ili” nə həsr olunmuş tədbirdə çıxış edən Naxçıvan MR Ali Məclisinin Sədri Vasif Talıbov demişdir: “Biz həyata keçirilən tədbirləri milli dəyərlərin öyrədilməsi və yaşadılması istiqamətində görülən işlərin yekunu yox, başlanğıcı hesab edirik. Bu sahədə görülən işlərlə kifayətlənmək olmaz. Milli dəyərlərimizin qorunması və gələcək nəsillərə çatdırılması hər birimizin mühüm vəzifəsi olmalıdır. Biz öz tarixi dəyərlərimizə sahib çıxmasaq, ona başqaları sahib çıxacaqdır. Xalqımızın gələcəyini düşünürüksə, bu gələcəyi möhkəm təməllər – milli dəyərlər üzərində qurmalıyıq”. Sentyabrın 23-də Naxçıvan şəhərində yeni fəaliyyətə başlayan Milli Dəyərlər Muzeyi də milli dəyərlərin qorunması və gələcək nəsillərə çatdırılması istiqamətində atılan daha mühüm addımlardan biridir.

3 ekspozisiya zalından ibarət muzeydə hər biri özündə məna yükü daşıyan eksponatlar nümayiş etdirilir. Bu eksponatlar özündə hansı dəyərləri yaşadır? Azərbaycan Respublikasının Dövlət bayrağı, gerbi və Dövlət himninin mətni, milli geyimlərimiz və qədim mətbəx əşyalarımız, xalçalar və milli musiqi alətlərimiz, milli sənətkarlıq nümunələri, muxtar respublikanın tarixi, mədəniyyəti, memarlıq abidələri, adət-ənənələri ilə bağlı çap olunmuş kitab və ensiklopediyalar, turizm potensialının təbliğinə  dair bukletlər də daxil olmaqla muzey özündə 236 eksponatı hifz edir.  

Yenidənqurmadan sonra Cəmşid Naxçıvanski muzeyi ilə eyni gündə tarixi binada istifadəyə verilən Milli Dəyərlər Muzeyi milli dəyərlərimizə sahiblik hissinin ən gözəl nümunəsidir. Qorunan milli dəyərlərimizin təbliğ olunduğu ünvan - Milli Dəyərlər Muzeyi hər birimizin yolunu gözləyir. Mənəvi sərvət dünyasına övladlarımızla birgə daxil olaq. Gələcəyimiz olan uşaqların bu sərvətdən pay götürəcəyinə əmin olun.

Ruhiyyə Rəsulova
Naxçıvan Televiziyasının baş redaktoru

Yenililklər
26.02.21
Səxavət Sahil - İsa kimi Xocalı
26.02.21
Vətən müharibəsi memorial kompleksi və Zəfər muzeyi fondunun ilk eksponatları təqdim olunub
25.02.21

Azərbaycan kitabları Fransa Milli Kitabxanasında

25.02.21
Nəcəf bəy Vəzirovun “Dələduz” pyesində dövrün həqiqətləri
24.02.21
Görünməyən mötərizələr – Fərid Hüseyn Salam Sarvanı tənqid etdi
24.02.21
“Əlyazmalar yanmır” jurnalının növbəti nömrəsində
23.02.21
Xalq artisti Yalçın Rzazadə vəfat edib
22.02.21
Nizami Gəncəvinin 880 illik yubileyinə həsr olunmuş beynəlxalq xalça eskizi müsabiqəsi elan edilib
19.02.21
Nizami Gəncəvinin 880 illiyi münasibətilə İspaniyada xüsusi poçt markaları dövriyyəyə buraxılıb
19.02.21
Mədəniyyət Nazirliyi işğaldan azad olunmuş ərazilərdə tarix və mədəniyyət obyektlərinin vəziyyətinə dair məlumat yayıb
19.02.21
Aşıq Ələsgərin 200 illik yubileyi qeyd ediləcək
18.02.21

“İzahlı dini terminlər lüğəti” nəşr olunub

18.02.21
Xalq şairi Nəriman Həsənzadə “İstiqlal” ordeni ilə təltif edildi
18.02.21

Prezident İlham Əliyev Nəriman Həsənzadəni 90 illik yubileyi münasibətilə təbrik edib

16.02.21
Paşa Talıblı - Mənim şeirlərim başsağlığıdı...
16.02.21
Sabir Rüstəmxanlı yaradıcılığı haqqında monoqrafik tədqiqat
16.02.21
Mədəniyyət naziri ölkəmizdə fəaliyyət göstərən televiziya kanallarının rəhbərləri ilə görüşüb
16.02.21
İlqar Fəhminin "Yenilməz" romanı işıq üzü görüb
15.02.21
Tural Turan - Sazaqlı şaman ruhu
15.02.21
“Əbdürrəhim bəy Haqverdiyev arxivindən nümunələr” kitabı çapdan çıxıb
15.02.21
İsmayıllı və Sabirabad Regional Mədəniyyət idarələrinə rəis təyin edilib
15.02.21
Vüqar Əhmədin yeni monoqrafiyası nəşr olunub
15.02.21
Misirdə Azərbaycan rəssamlarının əsərlərindən ibarət sərgi açılıb
15.02.21
Azərbaycan vokalçıları Mariinski Teatrının səhnəsində
15.02.21
Nizami Gəncəvinin 880 yubileyi münasibətilə konfrans təşkil edilib
13.02.21
Fotojurnalistika müsabiqəsi elan olunub
12.02.21
Gənc və yeniyetmələr üçün növbəti rəsm müsabiqəsi elan olunub
11.02.21
Sənədli kinoya aid unikal materiallar əldə olunub
10.02.21
Sabir Rüstəmxanlının "Qarabağa dönüş"ü niyə önəmlidir?
10.02.21
Nəcəf bəy Vəzirovun “Daldan atılan daş topuğa dəyər” əsərində cəmiyyətdə geniş yayılan cadugərliyin ifşası
09.02.21
Əbdürrəhim bəy Haqvеrdiyеvin “Dağılan tifaq” faciəsində dövrün inikası
06.02.21
S.S.Axundovun “Laçın yuvası” pyesinin mövzusu və ideya məzmunu
03.02.21
“Bəxtsiz cavan” faciəsində köhnəliklə yeniliyin qarşılaşdırılması
02.02.21
Türkiyənin önəmli jurnalı xüsusi buraxılışını II Qarabağa müharibəsinə həsr edib
02.02.21
“Ozan” elm və sənət toplusunun dördüncü buraxılışı işıq üzü görüb
29.01.21
Aşıq Ələsgərin lirik şeirlərindən ibarət yeni kitab nəşr olunub
29.01.21
"Qarabağ Şəhidləri və Qarabağ Zəfəri" şeir müsabiqəsi keçirilir
28.01.21
Ali Attestasiya Komissiyası dissertasiya müdafiələrinin distant formada keçirilməsi qaydalarını müəyyənləşdirib
28.01.21
Qara Qarayevin “Yeddi gözəl” baleti Moskva Quberniya Teatrında nümayiş olunacaq
28.01.21
Ceyms Bond haqqında yeni filmin premyerası telefona görə yenidən təxirə salınıb
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.