Ömrün üçüncü onluğunu yaşayan Fərid Hüseyn – Sona Vəliyevadan təbrik yazısı
10.10.19

Bu gün gənc şair Fərid Hüseynin doğum günüdür, onun 30 yaşı tamam olur. Artkaspi.az saytı filologiya elmləri doktoru Sona Vəliyevanın Fərid Hüseyn haqqındakı təbrik məqaləsini və şairin "Yuxu...Yuxusuzluq...”  adlı poetik silsiləsini təqdim edir:
 
  Oktyabrın 10-da şair Fərid Hüseynin doğum günüdür – deyə redaksiyada jurnalistlər öz aralarında danışırlar. Çağırıb özündən soruşuram: 
  – Fərid, oktyabrın 10-da doğum günündür, neçə yaşın tamam olur?
  Güclə eşidiləcək bir tərzdə:
  – 30 olur, – deyir. 
  İnana bilmirəm, elə bil, dünən idi. Fəridin "Kaspi”dən mənə istedadlı şair kimi təqdim olunması… Elə bil, dünən idi işə başladığı gündən istedadı və əxlaqı ilə hamının hörmət və ehtiramını qazanması… Elə bil, dünən idi sevincək halda Təbrizdə şeir müsabiqəsinə dəvət olunmasını bizə xəbər verməsi…
  Amma bu xəbəri şəxsən mənə çatdıranda, gedəcəyi zamanı deyəndə daxildən keçirdiyim narahatlıq bir ana hissiyyatının duyduqları idi. 
  Bir neçə gün sonra İran təhlükəsizlik orqanlarından birinin onu və dostu şair Şəhriyar del Geranini həbs etməklərini eşitdik. 
  "Kaspi” olaraq "Fəridə azadlıq” şüarı o qayıdanacan qəzetin səhifəsində qaldı. Azərbaycan dövləti bu istedadlı övladlarının haqsız həbsinə qarşı mübarizəyə qalxdı və onların azadlığına nail oldu.
  O vaxt mən "301-ci azərbaycanlı Fərid” adlı məqaləmin sonunda onu həbs edənlərə müraciətlə  yazmışdım: "Gənc bir şairi şeir məclisi adına aldatmaq çox asandı… Tanrı qədər müqəddəs olan sözün, şeirin ardınca uça-uça gələn o gənc şairlərin qəlbi və düşüncəsi dağ çiçəyi kimi tər-təmiz olduğu halda onları aldatmaq, bu tələni quranlara çox asan başa gəldi”.
  Həmin məqalədə onu da vurğulamışdım ki, Fərid qayıdanda söyləyəcəyəm ki, şeirlərində taleyinlə, başına gələcəklərlə bağlı öngörümlü məqamlar var. Bu, həqiqətən, belə idi…
  İllər arxada qalıb… İlk görüşdüyümdə sakit, bir az da qapalı, yüksək əxlaqlı, utancaq təsir bağışlayan Fərid elə bil, bir dəfə qocalıb, təzədən gənc olmuş kimi çoxlarına müdrik ağsaqqal təsiri bağışlayır. İndi daha dolğun yaradıcılıq prosesinə malik gənc kimi ömrün üçüncü onluğunu haqladı. 
  Azərbaycan ədəbi mühitində kifayət qədər çəkiyə malik olaraq, həm də bir gənc şair kimi yaradıcılıq ödülləri ilə mükafatlandırılıb. Öz yaşıdları arasında yüksək zəhmətsevərliyi, istedadı, həm də daim elmi, bədii axtarışlarından yorulmazlığı ilə seçilməyi bacardı.
  Fərid, Tanrının sənə bəxş etdiyi ömrün halal qazancı olan üç onluğun mübarək! İnşallah, qarşıda səni çox uğurlu onilliklər gözləyir. Xalqımızın milli-mənəvi xəzinəsinə bəxş etdiyin söz cavahiratın bol olsun. Eləcə də müstəqil Azərbaycan Dövlətinin tərəqqisini işıqlandıran media rəhbəri kimi qələmin kəsərli, sözün iti, fikrin daim işıqlı olsun!
 
  Sona Vəliyeva
 

 Fərid Hüseyn - Yuxu... Yuxusuzluq...
 
  Yuxusuz qaldığım gecələrdəki,
  Yuxular yığışsa bəşər uyuyar.
                                Marina Svetayeva
 
 
Yuxumdan bir at qaçır,
onu yormamaq üçün
oyanıram yuxudan.
Ayılıb görürəm ki,
behişt üzündə günah,
nəsə xısınlaşırsan,
hiyləli gələcəklə,
əbədi döyüşdəsən
yenə də öz içində–
bir əməli şeytanla,
bir uyuyan mələklə…
 
***
 Oyanıram yuxudan,
evimdəki saatlar
düz gəlmir bir-biriylə,
mən ömrümü itirdim
bu vaxtlar arasında –
qurammadım saatı
"Allahın əlləri”ylə.
Ondadır ki, gecikir,
heç cür çata bilmirəm,
qaçan "qismət”lərimə.
 
***
 İlahi, çox ağırdı,
bir ayrı cür zülmdü
sevdiyin insanları
günahından tanımaq.
Alnımıza yazılıb
bir vaxtlar sürdüyümüz
döyüş arabasının
təkəri altda qalmaq.
 
***
 Lap erkəndən oyanıb
keçirəm bir küçədən,
səni sevmək görünmür,
səni sevmək bilinmir,
eşidilmir, duyulmur, 
hamı yatmış, mən oyaq.
Səni sevməklə birdir –
ayılmayan xəstənin
yuxusunda yaşamaq.
 
***
 Atam girir yuxuma,
deyir "nə dərdin var de”.
Susuram, heç dimmirəm,
ümiddən gizlətdiyim,
bu dünyaya sığmayan
sənsizlik xəbərini
o biri dünyaya da
qıymıram – göndərmirəm.
 
***
 Yuxuma girisən sən, –
necə şənsən, xürrəmsən.
Elə bir nur içində
alışırsan, yanırsan,
yanında da kimsə var.
Nədənsə çox uzundu
həmişəkindən kölgəm.
Birdən nəsə düşünüb
mənə doğru qaçırsan,
əlindəki qayçıyla
ətrafıma dolanıb
kölgəmi budayırsan.
Kaş biləsən, duyasan
necə ağırdı mənə
yanındakı adamın
üzün, simasın görmək,
necə ki bax, ağırdır
bir uşaqsız qadının
gözünün önündəcə
körpə paltarlarıyla,
döşəmə, tavan silmək.
 
***
 Pəncərəmin önündə
baxıram bu dünyaya,
düşünürəm, görəsən,
hansı həvəs ilə biz,
tikirik gecə-gündüz
uçulacaq evləri.
Bu yuxusuz adamın
çiyninə toxunurlar,
deyirlər ki, "sən, get yat,
heç əlini bulama
belə-belə işlərə,
yorma, yazıq, özünü,
silənməzsən dünyanın
alnına həkk olunmuş
əbədi faniliyin
pozulmaz möhürünü”.
 
***
 Axır ki  mən oyandım,
məhdudluq yuxusundan.
Xilas oldum içimdən,
min bir zülmlə aldım
özümü öz əlimdən.
Daha heç kəs siləmməz,
xeyri ürəyimdən,
şükürü, həmdi dilimdən,
doymaram yaxşılıqdan,
əl tutmaqdan doymaram, –
daha mən bundan sonra
yaxşılıq zalımıyam.
 
***
 Yuxumda da oyağam,–
yatmır ruhum, varlığım.
Üzümü söykəyirəm
vaxtın yorğun üzünə,
beləcə calayıram
gecəmi gündüzümə.
Mən qorxuram, qorxuram,
sən olan yuxuları
danışsam gur çaylara
çay da ayrılıq dadar – 
qovuşmaz dəryalara.
 
***
 Xəzinə Allahıtək
xəbərsizsən dünyadan,
qəm içimi talayıb,
qüssəm yaman varlanıb.
Nə sevinc qahmar çıxır,
nə səadətdi köməyim,
Tanrının gözü kimi
yuxusuzdur ürəyim.
 
***
 Allah hər şey görür,
anımız nəzərində.
Çiynimdədir mələklər, – 
gözləri üzərimdə.
Özündən də xəbərsiz
boylanaraq içimə
sənə mələklər baxır,
səni şeytanlar görür –
çiynimdə, ürəyimdə.
 
/Artkaspi.az/

Yenililklər
08.07.20
Kanye Uest ABŞ-da prezidentliyə müstəqil namizəd olacaq
08.07.20
“İçərişəhər”də yeni muzey yaradılacaq
08.07.20
Səxavət Sahil - Poeziyamızın problemi
08.07.20
Sankt-Peterburq Mədəniyyət Forumu mədəniyyətlərin və sivilizasiyaların qarşılıqlı əlaqələri mövzusuna həsr ediləcək
08.07.20
Dövlət Rəsm Qalereyası “+5C” adlı yeni virtual layihəyə start verir
08.07.20
Məşhur rəssamın toz basmış əsəri tapılıb
07.07.20
Türkiyənin Ərdahanda şəhərində Əbülfəz Elçibəy xatirə ormanı salınır
07.07.20
Tbilisidəki Azərbaycan Mədəniyyəti Muzeyi fəaliyyətini bərpa edir
07.07.20
“Hacı Zeynalabdin Tağıyev və Şərqin ilk rus-müsəlman qız məktəbi” foto-sənədli animasiya filmi təqdim edilib
07.07.20
Müslüm Maqomayev adına müsabiqə gələn ilin aprelində keçiriləcək
06.07.20
Tanınmış bəstəkar Ennio Morrikone vəfat edib
06.07.20
Taleh Eminoğlu - Mədəni müxtəliflik və multikulturalizmin labüdlüyü
06.07.20
“Turan eşqi” kitabı Azərbaycanda Atatürk Mərkəzi tərəfindən nəşr olunub
06.07.20
Azərbaycan-rumın mədəni əlaqələrindən bəhs edən yeni kitab
06.07.20
Əməkdar artist Tofiq Hüseynov vəfat edib
03.07.20
Mədəniyyət Nazirliyi Rusiyanın xalq artistinə qanunsuz ödəniş edilib
03.07.20
“Xınalıq” qoruğu UNESCO-nun Dünya İrs Siyahısına namizədlik üçün ilkin siyahıya salınıb
02.07.20
Əhməd bəy Ağaoğlu yaradıcılığında azad insan konsepsiyası
02.07.20
COVID-19 epidemiyasına həsr olunan film çəkilir
02.07.20
Səməd Vurğunun şeirlər kitabı Türkiyədə nəşr olunub
01.07.20
Azərbaycan Respublikası Kinematoqrafçılar İttifaqı Kann Beynəlxalq Kinofestivalının rəhbərliyinə etiraz məktubu göndərib
01.07.20
Saedinin dünyaca məşhur “Bəyəl əzadarları” romanı Azərbaycanda nəşr edildi
01.07.20
Kinoşünas Azərbaycanda çəkilən serialları tənqid edib
30.06.20
Ermənilərin İranın siyasi həyatında oynadığı rol
30.06.20
Simran Qədimin yeni kitabı çap olunub
30.06.20
Əhməd bəy Ağaoğlu “Difai” təşkilatının qurucusu kimi
27.06.20
Pərviz Cəbrayıl - “Azğın”- onun seçilmiş əsərlərin mündəricatı
27.06.20
Bilal Alarlı - Kiçik hekayənin böyük hikməti
26.06.20
Küyüylü Nəccari Səid - Aslan Əmi
26.06.20
Mark Terensi Varronun “Latın dili haqqında" kitabı Azərbaycan dilində
26.06.20
Fərid Muradzadə - Güclü kişi 
26.06.20
Simran Qədim - Təhlükə: COVID-19
26.06.20
Məmmədov Eşqin - Payız məni darıxdırır, ilahi!
26.06.20
Cavanşir Yusifli - Bir şeirin dedikləri (Həmid Herisçi )
26.06.20
Tarix İnstitutunda “Azərbaycan Səfəvi dövlətinin xarici siyasəti” kitabı çap edilib
26.06.20
Dahilərin, yaradıcı insanların problemi: Bipolar xəstəlik
26.06.20
Azad Qaradərəli - Azər Abdullanın “Qəmərlidən keçən qatar” hekayəsinin ismarıcları
26.06.20
Mübariz Örən: "Yazıçı söz yaratmaqdan qorxmamalıdı" - Müsahibə
26.06.20
Daşkənddə “Azərbaycan Demokratik Respublikası və müstəqillik dövrü Azərbaycan ədəbiyyatı” kitabı çap olunub
26.06.20
“Məhtimqulu və Türk dünyası” adlı Beynəlxalq onlayn konfrans keçirilib
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.