"Azərbaycan universitetləri ilə sıx əlaqələr qurmağa çalışırıq" - Müsahibə
10.10.19

Şimali Makedoniyanın Beynəlxalq Vizyon Univeristetinin rektoru, professor Fadıl Hoca ilə müsahibə.

Beynəlxalq Vizyon Universiteti Makedoniya Nazirlər Kabinetinin 23 iyun 2014-cü il tarixli qərarı ilə yaradılıb. Universitetdə bakalavr bölməsi üzrə Hüquq, İqtisad, Memarlıq, İnformatika, Psixologiya fakültələri fəaliyyət göstərir.
Magistr bölməsində Beynəlxalq Hüquq, Menecment, Memarlıq və Dizayn, Psixologiya və İdarəetmə, İnformatika Mühəndisliyi ixtisasları mövcuddur.

Universitetdə həmçinin, Klinik Psixologiya üzrə doktorantura ixtisası da var.Şimali Makedoniyanın Qostivar şəhərində yerləşən bu universitetin rektoru professor Fadıl Hoca bu günlərdə Bakıda səfərdə olub.

Onunla müsahibəni təqdim edirik.

- Bakıya xoş gəlmisiniz. Öncə, universitetiniz haqqında oxucularımıza məlumat verməyinizi istərdik. Sizin universitet hansı üstünlüklərə malikdir?

- Əvvəlcə bunu deyim ki, Bakıda olmaqdan çox məmnunam. Hər dəfə gələndə burda xeyli yeniliyin şahidi olur və buna çox sevinirəm.

Şimali Makedoniya Beynəlxalq Vizyon Universiteti dövlət tərəfindən yaradılıb. Universitetimizin üç rəsmi dili var - ingilis, makedon və türk. Bütün Avropada türkcə təhsil verən yeganə universitetik. Bakalavr və magistr səviyyələrində beş fakültəmiz var. Doktorantura üzrə isə klinik psixologiya proqramımız var. Bu fakültə və proqramlarda ingilis, türk və makedonca tədris aparılır. Bizim universitet bu il Avstriyada, Vyanada öz şöbəsini açıb. Şimali Makedoniya universitetləri içində Avropada ilk şöbəsini açan universitet Vizyon Universitetidir. Bizim universitetə qəbul olmaq istəyən şəxslər Şimali Makedoniya və ya şöbəmizin fəaliyyət göstərdiyi Vyanada təhsil ala bilərlər. Vyanda yaşamaq bir az bahalı olduğundan burda oxumaq tələbələrin öz seçimindən asılıdır. Vyanada türkcə də oxumaq mümkündür. Şimali Makedoniya Respublikası Avropa standartları ilə və Avropa dərs sistemin əsasında tədris proqramına malikdir. Bizim diplomlar bütün Avropada qəbul edilən diplomlardır. Tədris proqramlarımız həm Şimali Makedoniyanı, həm Avropanı, həm Türkiyənı əhatə edən proqramlardır. Türkiyənin Yüksək Təhsil Qurumu tərəfindən tanınan iki universitetdən biri bizim universitetdir. Bizdə müxtəlif ölkələrdən olan tələbələr təhsil alır. Bunlar arasında Bosniya və Hersoqovina, Kosova və Türkiyədən gələn tələbələrimizin üstünlük təşkil etdiyini deyə bilərəm. Tədris dili əsasən türkcədir. Türkcə hazırlığı olmayan tələbələr hazırlıq proqramına cəlb edilir. Tələbələrimiz birinci tədris ilində ingilis dilini öyrənirlər. Bu məcburi olaraq həyata keçirilir.  

Bizim təhsil almaq, yaşamaq digər ölkələrə, o cümlədən, sizə görə daha uyğundur. Tələbə yataqxanlarımız var, oğlanların və qızların yaşadığı ayrı-ayrı yataqxanalar mövcuddur. Lakin tələbə öz istəyi ilə kirayə evlərdə yaşaya bilər. İki-üç tələbənin qala biləcəyi evlərin aylıq qiyməti 200 avrodur.

Türkiyənin 40 dövlət universiteti və Avropanın 53 universiteti ilə akademik səviyyədə işbirliyi, anlaşmalarımız var. Balkan, Orta Asiya və Cənub Şərq Avropa universitet birliklərinin üzvüyük. Bu il isə Cənub Şərq Avropa universitetlər birliyinin rəhbərliyini bizim universitetə həvalə olunub. Yeni açılan olmasına baxmayaraq, bunu bizə verdilər. Bizim istiqamətimiz Avropa və Avropanın təhsil sistemidir. Kadr potensialımız Şimali Makedoniya, Balkanlar və Türkiyədən olan müəllimlərdən formalaşıb.

- Universitetinizin verdiyi diplomlar Avropada tanınırmı?

- Bəli, bizim diplomlar Avropada tanınır, digər Avropa ölkələrində verilən diplomlara eyni hüquqa malikdir. Həmçinin, bizim diplomlar Türkiyədə də tanınır. Avropda diplomlarımız avtomatik olaraq tanınsa da, Türkiyədə iki il bizi Yüksək Təhsli Qurumu təftiş etdikdən sonra tanımaq qərarı verdi.

- Azərbaycanlı tələbələrin sizin universitetdə oxumaq şansı nə qədərdir?

- Bizim ən yaxşı təhsil verən üç ixtisasımız var - memarlıq, psixologiya və hüquq ixtisasları. Bu ixtisaslarda yüksək təhsil hazırlığımız var. Məsələn, bizdə Türkiyədən hüquq təhsili almağa çox sayda tələbə gəlir. Bizdəki hüquq fakültəsinin təhsil haqqı Türkiyədən aşağıdır, təhsil səviyyəsi isə heç də Türkiyədən geri qalmır. Bizdə bakalavr səviyyəsində təhsil haqları illik iki min-üç min avro arasında dəyişir. Magistr təhsili isə üç min avrodur. Bakalavr təhsil müddəti dörd illik, 240 kredit dərsdir, magistrlarda isə bir ilik 60 kreditlik dərsdir. Bakalavr və magistr toplam olaraq altı illik 300 kredit dərsdir.

- Universitetinizə qəbul nə vaxt və hansı formada aparılır?

- Universitetimizə qəbul iyun ayının 1-dən başlayaraq 1 oktyabra qədər davam edir. Bakalavr və magistrlar üçün qəbul eyni vaxtda aparılır. Sənədlər universitetimizin vizyon.edu.mk saytında qəbul edilir. Qəbul olunmadan qabaq tələbələr sözlü formada imtahan edilir. Bundan başqa heç bir imtahan yoxdur. Sənədlər ya rusca, ya da türkcə tərcümə edilərək sayta yüklənməlidir. Dövlət dili makedonca olduğuna görə biz həmin sənədləri saytdan götürərək makedoncaya tərcümə edirik. Çünki Azərbaycan dilindən makedon dilinə tərcümə çətin olduğu üçün biz bunu edirik. Orta təhsil haqqında attestat və ya diplom, sağlamlıq haqqında arayışla birlikdə paytaxt Skopyedə təsdiq etdirib sonra universitetə qəbul edirik.

- Türkcə dil imtahanı Türkiyədə müxtəlif qurumlar tərəfindən həyata keçirilir. Həmçinin, Azərbaycanda da belə dil imtahanı keçirib sertifikat verən təşkilalar var. Sizdə bu sertifikatlar qəbul olunurmu?

- Bizim Ankara rəsmi təmsilçiliyimiz var, Türkiyədən olan tələbələr imtahanı Ankarada verirlər, onların Makedoniyaya gəlməyinə ehtiyac yoxdur. Sənədləri də orda bizim təmsilçimizə verə bilirlər. Amma Azərbaycanda belə bir təmsilçimiz olmadığına görə sənədləri ya Ankaradakı nümayəndəliyimizə, ya da özləri universitetimizə gətirə bilərlər. Sayt üzərindən də bizimlə yazışma apararaq sənədlərini hazırlaya bilərlər. Tələbə Makedoniyaya gəldikdə fərdi qaydada sözlü imtahan verərək universitetə qəbul edilir.

- Magistrlar üçün qəbul hansı formada aparılır? İxtisas dəyişmək mümkündürmü?

- Bizim universitetdə ixtisas dəyişmək olur, lakin uyğun ixtisaslar olmaq şərti ilə. Məsələn, hüquq fakültəsindən məzun olan memarlıq ixtisasına qəbul oluna bilməz. Humanitar elmlərdə mümkündür, iqtisadiyyatdan hüquqa keçmək mümkündür.

Magistr üçün də qəbul bakalavrda olduğu kimi eyni qaydada aparılır. Sənədlər hazırlanır, tərcümə olunur sözlü imtahandan sonra tələbələr qəbul edilir. Xarici dil şərti magistr və doktorantura səviyyəsində tələb olunmur.

- Sizin universitetdə köçürülmə necə aparılır? Tələbə hansısa bir  universtetdən sizin universitetə hansı formada keçə bilər?

- Tələbə əgər oxuduğu universiteti tərk edib bizim təhsil ocağını seçmək istəyirsə, semestr zamanı bunu edə bilər. Oxuduğu ali məktəbdən öz qiymətlərini təsdiq edən arayışı alaraq və digər zəruri sənədləri toplayaraq tərcümə edib bizim sayta göndərir. Biz də o sənədləri araşdırırıq, tələbənin hansı dərsi alıb-almadığını öyrənirik, hansı şərtlərlə və təhsil müddətində hansı dərsləri alacağını müəyyən etdikdən sonra onu uyğun kursa qəbul edə bilirik.

- Azərbaycan universitetləri ilə nə kimi əlaqələriniz mövcuddur və bundan sonra bu sahədə hansı işləri görmək istərdiniz? Digər sahələrdə nələri etməyi düşünürsüz? Həm tələbə mübadiləsi, həm də akademik səviyyədə.

- Azərbaycan universitetləri ilə sıx əlaqələr qurmağa çalışırıq. İki il öncə Azərbaycan Dövlət İqtisad Universiteti ilə akademik işbirliyi protokolu imzaladıq. Bu çərçivədə iki dəfə Beynəlxalq Vizyon Universitetinin tələbələri Erasmus proqramı ilə Bakıya gəliblər. Buradan da tələbələri Şimali Makedoniyada görmək istərdik. Bunun üçün çalışmağa davam edirik.

Səxavət SAHİL

/525.az/

Yenililklər
26.02.21
Səxavət Sahil - İsa kimi Xocalı
26.02.21
Vətən müharibəsi memorial kompleksi və Zəfər muzeyi fondunun ilk eksponatları təqdim olunub
25.02.21

Azərbaycan kitabları Fransa Milli Kitabxanasında

25.02.21
Nəcəf bəy Vəzirovun “Dələduz” pyesində dövrün həqiqətləri
24.02.21
Görünməyən mötərizələr – Fərid Hüseyn Salam Sarvanı tənqid etdi
24.02.21
“Əlyazmalar yanmır” jurnalının növbəti nömrəsində
23.02.21
Xalq artisti Yalçın Rzazadə vəfat edib
22.02.21
Nizami Gəncəvinin 880 illik yubileyinə həsr olunmuş beynəlxalq xalça eskizi müsabiqəsi elan edilib
19.02.21
Nizami Gəncəvinin 880 illiyi münasibətilə İspaniyada xüsusi poçt markaları dövriyyəyə buraxılıb
19.02.21
Mədəniyyət Nazirliyi işğaldan azad olunmuş ərazilərdə tarix və mədəniyyət obyektlərinin vəziyyətinə dair məlumat yayıb
19.02.21
Aşıq Ələsgərin 200 illik yubileyi qeyd ediləcək
18.02.21

“İzahlı dini terminlər lüğəti” nəşr olunub

18.02.21
Xalq şairi Nəriman Həsənzadə “İstiqlal” ordeni ilə təltif edildi
18.02.21

Prezident İlham Əliyev Nəriman Həsənzadəni 90 illik yubileyi münasibətilə təbrik edib

16.02.21
Paşa Talıblı - Mənim şeirlərim başsağlığıdı...
16.02.21
Sabir Rüstəmxanlı yaradıcılığı haqqında monoqrafik tədqiqat
16.02.21
Mədəniyyət naziri ölkəmizdə fəaliyyət göstərən televiziya kanallarının rəhbərləri ilə görüşüb
16.02.21
İlqar Fəhminin "Yenilməz" romanı işıq üzü görüb
15.02.21
Tural Turan - Sazaqlı şaman ruhu
15.02.21
“Əbdürrəhim bəy Haqverdiyev arxivindən nümunələr” kitabı çapdan çıxıb
15.02.21
İsmayıllı və Sabirabad Regional Mədəniyyət idarələrinə rəis təyin edilib
15.02.21
Vüqar Əhmədin yeni monoqrafiyası nəşr olunub
15.02.21
Misirdə Azərbaycan rəssamlarının əsərlərindən ibarət sərgi açılıb
15.02.21
Azərbaycan vokalçıları Mariinski Teatrının səhnəsində
15.02.21
Nizami Gəncəvinin 880 yubileyi münasibətilə konfrans təşkil edilib
13.02.21
Fotojurnalistika müsabiqəsi elan olunub
12.02.21
Gənc və yeniyetmələr üçün növbəti rəsm müsabiqəsi elan olunub
11.02.21
Sənədli kinoya aid unikal materiallar əldə olunub
10.02.21
Sabir Rüstəmxanlının "Qarabağa dönüş"ü niyə önəmlidir?
10.02.21
Nəcəf bəy Vəzirovun “Daldan atılan daş topuğa dəyər” əsərində cəmiyyətdə geniş yayılan cadugərliyin ifşası
09.02.21
Əbdürrəhim bəy Haqvеrdiyеvin “Dağılan tifaq” faciəsində dövrün inikası
06.02.21
S.S.Axundovun “Laçın yuvası” pyesinin mövzusu və ideya məzmunu
03.02.21
“Bəxtsiz cavan” faciəsində köhnəliklə yeniliyin qarşılaşdırılması
02.02.21
Türkiyənin önəmli jurnalı xüsusi buraxılışını II Qarabağa müharibəsinə həsr edib
02.02.21
“Ozan” elm və sənət toplusunun dördüncü buraxılışı işıq üzü görüb
29.01.21
Aşıq Ələsgərin lirik şeirlərindən ibarət yeni kitab nəşr olunub
29.01.21
"Qarabağ Şəhidləri və Qarabağ Zəfəri" şeir müsabiqəsi keçirilir
28.01.21
Ali Attestasiya Komissiyası dissertasiya müdafiələrinin distant formada keçirilməsi qaydalarını müəyyənləşdirib
28.01.21
Qara Qarayevin “Yeddi gözəl” baleti Moskva Quberniya Teatrında nümayiş olunacaq
28.01.21
Ceyms Bond haqqında yeni filmin premyerası telefona görə yenidən təxirə salınıb
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.