Adil Mirseyidin "Son şeir, son vəsiyyət"i təqdim olundu
02.12.19

Azərbaycan Yazıçılar Birliyinin (AYB) “Natəvan” klubunda mərhum şair-rəssam Adil Mirseyidin "Son şeir, son vəsiyyət" adlı yeni kitabının təqdimat mərasimi keçirilib.

Təqdimatda tanınmış ədəbiyyat, incəsənət xadimləri, Adil Mirseyidin qələm dostları, ailə üzvləri, oxucular və media nümayəndələri iştirak ediblər.

Tədbiri giriş sözü ilə açan AYB-nin katibi Rəşad Məcid qeyd edib ki, kitabda şairin ömrünün son illərində qələmə aldığı, heç yerdə çap edilməyən şeirləri toplanıb. O deyib ki, Adil Mirseyid 80-90-cı illərin modernizm ədəbi cərəyanının yeni dalğasının nümayəndələrindən biridir. Şairin ixtisasca rəssam olduğunu bildirən R.Məcid onun şeirlərində də həyatın müxtəlif rənglərinin əks olunduğunu vurğulayıb.

Sonra Rəşad Məcid məclisin moderatorluğunu yazıçı Kənan Hacıya həvalə edib. Adil Mirseyid haqqında xoş duyğularını paylaşan Kənan Hacı onun həm əzmkar, xarakter sahibi bir insan, həm də yaradıcı şəxsiyyət kimi gənclərə örnək olduğunu deyib, təqdim olunan kitab münasibətilə şairin ailə üzvlərini təbrik edib.

AYB Bədii Tərcümə və Ədəbi Əlaqələr Mərkəzinin sədri, şair Səlim Babullaoğlu Adil Mirseyid şəxsiyyəti, onun söz və rəsm yaradıcılığı haqqında fikirlərini bölüşüb, onun sənətkar və insan kimi orijinallığını vurğulayıb. A.Mirseyidin fəal və zövqlü ədəbiyyat təşkilatçısı olduğunu qeyd edən S.Babullaoğlu onun dəyərli ədəbi nümunələrə qarşı həssaslığından söz açıb. S.Babullaoğlu mərhum şairin tərcüməçilik fəaliyyətindən də danışıb, dünya ədəbiyyatına yaxından bələdliyinə diqqət yönəldib. Çıxışının sonunda S.Babullaoğlu A.Mirseyidin "Gecə yağışı" şeirini səsləndirib və deyib: "Şairlərin, yaradıcı şəxslərin yaratdığı sənət əsərlərinin onlardan ayrı taleyi olur. Mən bu kitaba ədəbiyyatda yaxşı tale arzulayıram".

Tənqidçi, filologiya üzrə elmlər doktoru Vaqif Yusifli çıxışında deyib ki, Adil Mirseyid nə özündən əvvəlki, nə də sonrakı şairlərə bənzəyirdi: "O, ədəbiyyata Adil Seyidzadə imzasıyla gəlmişdi. Öz üslubunu yaratmışdı. Təkcə poeziyada deyil, həyatında, rəssamlığında, insanlara münasibətində də. Adil Mirseyid sərbəst şeirin Azərbaycandakı sonuncu mogikanlarından idi. O, ixtisasına görə rəssam idi. Şeirlərində dünya, Azərbaycan rəssamlarının adı çəkilirdi. Nəinki çəkilirdi, hətta o, onlar haqqında məqalələr, esselər yazırdı. Onun Paris lövhələri elə idi ki, sanki ayaqyalın Paris küçələrini gəzirdin. O, ədəbiyyata bir neçə obraz gətirmişdi: bədirlənmiş ay, ay işığı və sair".

Şair və bəstəkar Xanım İsmayılqızı Adil Mirseyidlə 1990-cı illərin əvvəllərində Bədii Tərcümə və Ədəbi Əlaqələr Mərkəzində tanış olduğunu və sonradan bu tanışlığın dostluğa çevrildiyini deyib: "O, son dərəcə maraqlı həmsöhbət idi. Hərdən elə bilirdim ki, o, yer adamı deyil. Onun poeziyası bəşəridir, milliyyəti yoxdur. Sanki bütün dünyanı gəzib gəlmişdi. İnsanın onun heç vaxt olmadığı ölkələr haqqındakı dəqiq bilgilərinə, müşahidələrinə heyrət edirdi. Düşünürdün ki, o, həmin yerləri ruhuyla gəzib. Heyf ki, belə bir insanı məişət problemləri sıxırdı. Adil Mirseyid dünənin, bu günün deyil, gələcəyin şairi idi. Onun şeirlərini oxuyanda sanki möhtəşəm bir rəsm əsərinə tamaşa edirsən. İnanıram ki, onun yazdıqları, çəkdikləri gözəl ömür yaşayacaq".

Bəstəkar Aydın Əzimov Adil Mirseyidi öncə rəssam kimi tanıdığını deyib: "Əvvəllər daha çox bəstəkarlar, rəssamlar mühitində olardım. Adili də bu mühitin içərisində rəssam kimi tanımışdım. Şair olduğunu bilmirdim. Sonradan bir dəfə öz ifasında şeirini dinlədikdən sonra onun necə bənzərsiz bir şair olduğunu da öyrənmiş oldum. Adil Mirseyid çox dürüst, saf insan idi. Mən onu hər zaman sayğıyla, sevgiylə yad edirəm".

Daha sonra çıxış edən qonaqlardan Nüşabə Vəkilova, Varis Yolçuyev, Nəvai Mətin, Əkbər Qoşalı, Aida Eyvazlı, Rəfael Tağızadə və başqaları mərhum şair-rəssamı xoş sözlərlə yad edib, onunla bağlı xatirələrini bölüşüblər. Aktyor Kamran Yunis şairin şeirlərindən səsləndirib.

Sonda ailənin adından çıxış edən şairin qızı Ayan Mirseyid bu nəşrin Adil Mirseyidin vəfatından sonra çap olunan ilk kitabı olduğunu deyib, onun çapında zəhməti olan hər kəsə, eləcə də çıxışçılara öz təşəkkürünü bildirib. /525.az/

Yenililklər
28.01.20
Fərid Hüseyn - İnsanın unutqanlığı bəzən onun ədalətidi
28.01.20
AYB-nin Gənclər Şurasının “Ulduz”u nəşr edildi
25.01.20
İradə Musayeva - Müstəqil Azərbaycan” sözü dilinizdən çıxmadımı?
25.01.20
Fazil Abbasov - Qanımı süz, şərab kimi...
25.01.20
Əsmər Hüseyn Xan - Onda balaca idik, adımız uşağıydı
25.01.20
Şəhla Aslan Türkiyənin "KonTV" kanalında aparıcılıq edəcək
24.01.20
İradə Musayeva -  Repressiya illərində  tragik həbs situasiyaları...
22.01.20
“Dünya ədəbiyyatı” dərgisinin yeni sayı esse janrına həsr edilib
22.01.20
İlham Əziz - O dünyadan gələn səslər
22.01.20
İradə Musayeva - Repressiya dəhşətləri
22.01.20
Yazıçı-publisist Aqşin Babayevin daha bir kitabı çapdan çıxıb
22.01.20

Azərbaycan Aşıqlar Birliyinin növbəti kitabı işıq üzü görüb

21.01.20
İradə Musayeva - Kirovun ölümü ilə başlayan cəhənnəm, yaxud repressiyanın 80 illiyi
14.01.20
Gürcüstanda Zəlimxan Yaqubun xatirəsinin əbədiləşdirilməsi təklif olunub
14.01.20
“Təhsil terminlərinin izahlı lüğət”i çap olunub
14.01.20
Nəsiminin həyat və yaradıcılığına müasir baxışı əks etdirən monoqrafiya çap edilib
14.01.20
 “Manqurt” tamaşası növbəti dəfə nümayiş ediləcək
09.01.20
“Ədəbi Proses – 2018” kitabı çap olunub
31.12.19
Mahirə Nağıqızı: "İstənilən ixtisası ən böyük zəhmət hesabına qazanmaq olar, amma şair kimi doğulmaq lazımdır" - MÜSAHİBƏ
28.12.19
Məmməd Cəfər Cəfərova həsr olunan elmi sessiya keçirilib
28.12.19
Ülvi Babasoy: "Çağdaş ədəbiyyatda dil bəlkə də heç onuncu yox, iyirminci yerdə dayanır" - MÜSAHİBƏ
28.12.19
"Ulduz” jurnalının dekabr sayı işıq üzü görüb
27.12.19
Bakı Mühəndislik Univeristetində Səxavət Sahilin yeni kitabı müzakirə olunub
27.12.19
Mərahim Nəsib - Şəms Təbrizinin məktubu
27.12.19
AYB-nin Gənclər Şurasının üzvləri ədəbi orqanların redaksiya heyətinə qəbul edilib
26.12.19
Əhməd Cəfəroğlunun 120 illiyilə bağlı elmi sessiya keçirilib
26.12.19
Qulu Ağsəs tələbələrə nə vəd etdi? - Pedaqoji Universitetdə GÖRÜŞ - FOTOLAR
25.12.19
Səxavət Sahil - Qafqaz müharibəsi rus ədəbiyyatında
25.12.19
Fərid Hüseyn Serbiya Yazıçılar Birliyinə üzv qəbul edilib
24.12.19
Gülbala Dadaş - Sonsuz dərya gizlədib, özündə bu adanı. 
23.12.19
“Metafizika” (ISSN 2616-6879) jurnalının 2019/4 sayı nəşr edilib
21.12.19
Şəhla Aslan - Feminizmindən qorxanlar...
21.12.19
AMEA-nın İctimaiyyətlə əlaqələr şöbələrinin hesabat iclası keçirilib
17.12.19
“Qafqaz müharibəsi rus ədəbiyyatında” kitabı haqqında bir neçə söz
16.12.19
Cəlil Cavanşirin “Azğın” kitabının təqdimat mərasimi keçirilib
12.12.19
İmadəddin Nəsimiyə həsr olunmuş elmi-nəzəri seminar keçirilib
12.12.19
Tamilla Əliyevanın “Qafqaz müharibəsi rus ədəbiyyatında” monoqrafiyası  olunub
10.12.19
“Bir əsrlik Nəsimi araşdırmaları” kitabının təqdimatı olub
09.12.19
“Ey Nəsimi, cahanı tutdu sözün...” II Beynəlxalq Elmi Konfransı keçirilib
09.12.19
Pərvanə Məmmədli - Rza Bərahəni yaradıcılığından seçmələr
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.