Anar Məcidzadə - Mübarəkdir, mübarəkdir zəfərin
15.01.21

Avanqard.net şair, Azərbaycan Yazıçılar Birliyinin üzvü Anar Məcidzadənin şeirlərini təqdim edir.


Qarabağın azadlıq nəğməsi

Vətən, dönüb əsgərə hər nəfərin,
Tükənməsin nə gücün, nə təpərin.
Mübarəkdir, mübarəkdir zəfərin;
Qarabağda dalğalanır bayrağın,
Azad oldu ermənidən torpağın!

Oğulların düşmən üstə yeriyər,
Pis günlərin buza dönüb əriyər.
Şuşa, Laçın min bir uğur diliyər;
Bundan sonra xoş keçəcək hər çağın,
Azad oldu ermənidən torpağın!

Dostun kimdir, düşmən kimdir bilindi,
Qara günlər taleyindən silindi.
Qovuşduğun öz obandı, elindi;
Gülür indi hər yamacın, hər dağın,
Azad oldu ermənidən torpağın!

Bu torpağa Koroğlu tək ər gəlir,
Əyilməyən, qoçaq igidlər gəlir.
Zəfərinin ardınca zəfər gəlir;
Məğlub olur sənə düşmənin, yağın,
Azad oldu ermənidən torpağın!



Yazıq Vətən

Birimiz rusa, İrana,
İşlədik türkə, Turana.
Vətən də qaldı virana,
Can, ay Vətən, yazıq Vətən!

Sevənlərin yaman azmış,
Bəlaların qaçılmazmış.
Görən bəxtini kim yazmış,
Can, ay Vətən, yazıq Vətən!

Bu torpağı parçaladıq,
Neçə yerə parçalandıq.
Vətən, sən də, biz də yandıq,
Can, ay Vətən, yazıq Vətən!

Qaytar Təbriz, Borçalını,
Dərbənd, Göyçə mahalını.
Görməyim mən pis halını;
Canım sənə qurban, Vətən!
Sən ey Azərbaycan- Vətən!



Ömür ötdü

Tanrı verən ömrü belə yaşadım,
Sevinc oldu, kədər oldu yaşıdım.
Bu dünyanın əzabını daşıdım,
Ömür ötdü, illər ötdü beləcə.

Ağladı bir gözüm, güldü bir gözüm,
Özümü yandırdı öz odum, közüm.
Aləmə yayıldı söhbətim, sözüm,
Ömür ötdü, illər ötdü beləcə.

Birim, ikim hərdən dönüb üç oldu,
Üçüm, dördüm bəzən dönüb heç oldu.
Mən tələsdim, bir də gördüm gec oldu,
Ömür ötdü, illər ötdü beləcə.

Əllər qələm tutub nəğmə yazandı,
Görən, Anar dünyada nə qazandı?
Ötən günlər soldu daha, xəzandı,
Ömür ötdü, illər ötdü beləcə.


İnsanlıq

Təmiz deyildisə insanın qanı,
Onun bir kimsəyə yanarmı canı?

Qəlbin kin olmasa, dilin də acı,
Səadət olacaq başının tacı.

Ey insan, adını şərəflə daşı,
İnsanın göylərə ucalar başı.

İstəsən həyatın olmasın talan,
Çalış ki, doğru ol, danışma yalan.

Əl uzat bir insan düşsə dərinə,
Yarı insanların xeyir, şərinə.

Aldanma sən vara, ziynətə, daşa,
Ömrünü daima şərəflə yaşa.



Sevdiyim adam

Nə yaxşı qarşıma çıxdın yenə də,
Günəşin zərrəsi - sevdiyim adam.
Mən səni görəndə gözlərim gülür,
Necə də bəxtiyar, necə də şadam.

Gözlərin həminki, səsin həminki,
Mən də tanıdığın elə həminəm.
Bilirəm sevirsən əvvəlki təki,
Buna inarıram, buna əminəm.

Dünya yaranandan sevgi də vardır,
Sevgisiz bu həyat nəyə gərəkdir?
Bəlkə də dünyaya cüt gəlir insan,
Sevilən insandır, sevən ürəkdir.

Nə yaxşı görüşdük yenidən gülüm,
Quştək qanad açdım, dəniztək coşdum.
Sən mənim qəlbimin dərinliyində;
Ən gözəl nəğməmi adına qoşdum.

Nə yaxşı qarşıma çıxdın yenə də,
Günəşin zərrəsi - sevdiyim adam.
Mən səni görəndə gözlərim gülür,
Necə də bəxtiyar, necə də şadam.

Yenililklər
26.02.21
Səxavət Sahil - İsa kimi Xocalı
26.02.21
Vətən müharibəsi memorial kompleksi və Zəfər muzeyi fondunun ilk eksponatları təqdim olunub
25.02.21

Azərbaycan kitabları Fransa Milli Kitabxanasında

25.02.21
Nəcəf bəy Vəzirovun “Dələduz” pyesində dövrün həqiqətləri
24.02.21
Görünməyən mötərizələr – Fərid Hüseyn Salam Sarvanı tənqid etdi
24.02.21
“Əlyazmalar yanmır” jurnalının növbəti nömrəsində
23.02.21
Xalq artisti Yalçın Rzazadə vəfat edib
22.02.21
Nizami Gəncəvinin 880 illik yubileyinə həsr olunmuş beynəlxalq xalça eskizi müsabiqəsi elan edilib
19.02.21
Nizami Gəncəvinin 880 illiyi münasibətilə İspaniyada xüsusi poçt markaları dövriyyəyə buraxılıb
19.02.21
Mədəniyyət Nazirliyi işğaldan azad olunmuş ərazilərdə tarix və mədəniyyət obyektlərinin vəziyyətinə dair məlumat yayıb
19.02.21
Aşıq Ələsgərin 200 illik yubileyi qeyd ediləcək
18.02.21

“İzahlı dini terminlər lüğəti” nəşr olunub

18.02.21
Xalq şairi Nəriman Həsənzadə “İstiqlal” ordeni ilə təltif edildi
18.02.21

Prezident İlham Əliyev Nəriman Həsənzadəni 90 illik yubileyi münasibətilə təbrik edib

16.02.21
Paşa Talıblı - Mənim şeirlərim başsağlığıdı...
16.02.21
Sabir Rüstəmxanlı yaradıcılığı haqqında monoqrafik tədqiqat
16.02.21
Mədəniyyət naziri ölkəmizdə fəaliyyət göstərən televiziya kanallarının rəhbərləri ilə görüşüb
16.02.21
İlqar Fəhminin "Yenilməz" romanı işıq üzü görüb
15.02.21
Tural Turan - Sazaqlı şaman ruhu
15.02.21
“Əbdürrəhim bəy Haqverdiyev arxivindən nümunələr” kitabı çapdan çıxıb
15.02.21
İsmayıllı və Sabirabad Regional Mədəniyyət idarələrinə rəis təyin edilib
15.02.21
Vüqar Əhmədin yeni monoqrafiyası nəşr olunub
15.02.21
Misirdə Azərbaycan rəssamlarının əsərlərindən ibarət sərgi açılıb
15.02.21
Azərbaycan vokalçıları Mariinski Teatrının səhnəsində
15.02.21
Nizami Gəncəvinin 880 yubileyi münasibətilə konfrans təşkil edilib
13.02.21
Fotojurnalistika müsabiqəsi elan olunub
12.02.21
Gənc və yeniyetmələr üçün növbəti rəsm müsabiqəsi elan olunub
11.02.21
Sənədli kinoya aid unikal materiallar əldə olunub
10.02.21
Sabir Rüstəmxanlının "Qarabağa dönüş"ü niyə önəmlidir?
10.02.21
Nəcəf bəy Vəzirovun “Daldan atılan daş topuğa dəyər” əsərində cəmiyyətdə geniş yayılan cadugərliyin ifşası
09.02.21
Əbdürrəhim bəy Haqvеrdiyеvin “Dağılan tifaq” faciəsində dövrün inikası
06.02.21
S.S.Axundovun “Laçın yuvası” pyesinin mövzusu və ideya məzmunu
03.02.21
“Bəxtsiz cavan” faciəsində köhnəliklə yeniliyin qarşılaşdırılması
02.02.21
Türkiyənin önəmli jurnalı xüsusi buraxılışını II Qarabağa müharibəsinə həsr edib
02.02.21
“Ozan” elm və sənət toplusunun dördüncü buraxılışı işıq üzü görüb
29.01.21
Aşıq Ələsgərin lirik şeirlərindən ibarət yeni kitab nəşr olunub
29.01.21
"Qarabağ Şəhidləri və Qarabağ Zəfəri" şeir müsabiqəsi keçirilir
28.01.21
Ali Attestasiya Komissiyası dissertasiya müdafiələrinin distant formada keçirilməsi qaydalarını müəyyənləşdirib
28.01.21
Qara Qarayevin “Yeddi gözəl” baleti Moskva Quberniya Teatrında nümayiş olunacaq
28.01.21
Ceyms Bond haqqında yeni filmin premyerası telefona görə yenidən təxirə salınıb
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.