Təşkilatçılar adından simpoziumu açanQars Kafkas Universiteti Azərbaycan türkcəsi və ədəbiyyatı bölümünün rəhbəri dosent İlkin Qulusoy bütün iştirakçıları salamladıqdan sonra bu il Azərbaycan Respublikası Prezidenti cənab İlham Əliyevin fərmanına əsasən 2023-cü ilin Heydər Əliyev İli olaraq elan edildiyini, bununla əlaqədar Azərbaycanda və ölkəmizin hüdudlarından kənarda Azərbaycan xalqının ümummilli lideri, müstəqil Azərbaycan dövlətinin qurucusu Heydər Əliyevin əziz xatirəsinin yad edilməsinin hər kəsin mənəvi borcu olduğunu dilə gətirdi, 120 elm adamının iştirak etdiyi simpoziumun əhəmiyyətini və simpozium materiallarının xarici ölkədə ISBN alınaraq 1 ay içində nəşr olunacağını vurğuladıqdan sonra tərəfdaş qurum rəhbərlərinəiştirakçıları salamlamaq üçün söz verdi.

Elger Elm və Təhsil Mərkəzinin Türkiyə təmsilçisi dos. Ellada Gərayzadənin, Azərbaycan Respublikasının Qarsdakı Baş Konsulu Nuru Quliyevin, Qars Kafkas Üniversitetinin Beynəlxalq əlaqələr şöbəsinin müdürü Prof. Hacalı Nəcəfoğlunun, Azərbaycan Dövlət Pedaqoji Universitetinin Şəki filialının direktoru Dos. Rafiq Rəsulovun, Azərbaycan Dövlət Pedaqoji Universitetinin Quba filialının direktoru dos. Yusif Əliyevin, Əskişəhər Azərbaycanlıları Dərnəyinin rəhbəri Uzman Əczaçı Cavid Aydının salamlama çıxışından sonra plenar iclas öz işinə başladı.  

Plenar iclasda generel-mayor Hikmət Həsənov, prof. İradə Nuriyeva, dos. Gülarə Abdullayeva, baş müəlim Nübar Bayramovanın ümummilli lider Heydər Əliyevlə bağlı  müxtəlif mövzulardakı məruzələri maraqla dinlənildi. Plenar iclasdan sonra simpozium ayrı-ayrı online otaqlarda 7 fərqli bölmədə öz işini davam etdirdi.Simpozim sonra iştirakçılara sertifikatlar təqdim edildi. 

Simpoziumu aşağıdakı youtube kanalından izləyə bilərsiniz:

https://www.youtube.com/watch?v=hk8gn2_mS6k&t=35s&ab_channel=Elger-Beyn%C9%99lxalqelm-t%C9%99drism%C9%99rk%C9%99zi