“Qanun” nəşriyyatında Tehran Əlişanoğlu “Müstəqillik illəri Azərbaycan ədəbiyyatı (I hissə: 1990-cı illər)” adlı kitabı işıq üzü görüb.

Kitab müstəqillik illərinin Azərbaycan ədəbiyyatından bəhs edir, dərslik ali məktəblərin magistratura pilləsi üçün nəzərdə tutulub.

Bütövlükdə iki onilliyin ədəbiyyatını ehtiva edən dərsliyin birinci hissəsində 1990-cı illər ədəbi prosesindən bəhs olunur. Dərslikdə ədəbi-bədii mətnlər xronoloji ardıcıllıqla, janrlar üzrə şərh olunmaqla yanaşı, dövrü səciyyələndirən ayrı-ayrı faktorlara, tendensiyalara, fərqli diskurs və təzahürlərə də diqqət yetirilir.

Müəllif müasir dövrün ədəbiyyatını zamanın içindən, tədricən, yaranışına müvafiq təqdim etməyə üstünlük vermişdir. Magistrantlarla yanaşı, dərslikdən müasir ədəbi proses kursunun dinləyiciləri, müasir ədəbiyyat tədqiqatçıları da bəhrələnə bilərlər. /ann.az/