Sevinc Elsevər - Öpüşlər göndərir ancaq

12.12.13

Cavidan üçün
 
qoca bir kişidi Bakı
qəlyan sümürür
tüstüsünə boğur adamları
əlində təsbehidi
neft daşıyan qatarları
"relsdən çıxmaq olmaz" deyinir
əmr edir elə durmadan...
 
mavigözlü Xəzər
qarımış qızdı
dünyadakı bütün dənizlərə çıxışsızdı
məktublar, öpüşlər
göndərir ancaq
okeanlara, dənizlərə...
başını qatmaq üçün Qız qalası tikib atası
bəyənməyib
çəkilib gedib durub o üzdə...
 
qoca bir kişidi Bakı
arvadı ölüb çoxdan
sevmir o üzdən qadınları
saçlarını daraqlı
üzlərini bəzəkli görmək istəmir
qısa ətəklərini başlarına çırpıb
onları kişilər önündə xar edir:
"bu nədir geyinmisən, get əynini dəyiş deyə"...
 
qoca bir kişidi Bakı
əlində aftafası
xəstələnib
ölüm yatağına düşür
bütün kəlmələri unudur
"aftafa"dan başqa
arvadı ölüb çoxdan
 
qoca bir kişidi Bakı
əlində təsbehidi
neft daşıyan qatarları
"relsdən çıxmaq olmaz" əmr edir durmadan
 
sənin
mənim
onun halı bu kişinin nə vecinədir
qapısına ayaqyalın gəlsən
çörək verməz
bir gecə qonaq saxlamaz
ağlayıb özünü didsən
əhvalını yoxlamaz
bu kişinin qaşqabağından
bu kişinin qorxusundan
bu şəhərdə
heç kim sənə yaxın durmaz
 
qəlyanının tüstüsünə boğur adamları
əlində təsbehidi
neft daşıyan qatarları...
 
Ehtiyaclar
 

avtobusla
uzaq yola çıxan
kişi və qadının dualarıydı
avtobusu yarı yolda qoyan
kişi tualetə getmək istəyini
utanırdı dilə gətirə
qadın qucağında acından
bar-bar bağıran uşağı
əmizdirməyə utanırdı
adamlar arasında...
hələ çox vardı yolüstü kafeyə çatmağa...
 
avtobus dayandı deyə
bir siqaret yandırmaq bəhanəsiylə endi kişi
qadın "uşaq hava alsın " deyə izahat verdi
səbəbini özü də bilmədən
heç kim izahat istəmirdi...
qadın arxasına sığındığı ağacın qulağına gileyləndi
kişilərin qarasınca:
"sən mənim sinəmə şəhvətlə baxacaqsan deyə
ac qalmalıdırmı körpəm?!"
 
kişi başını bulaya-bulaya xatırladı
çocuqkən də
tualeti gəldiyində
müəllimdən icazə almağa utandığını
hər dəfə bəhanə aradığını
bir dəfə də müəllimə izn vermədiyində
altını islatdığını...
 
bir dişləm çörəyi dövrələyən qarışqalar kimi
qaynaşırdı avtobusun ətrafında adamlar
uşaqlı qadınla
kişi geri qayıdanda...
 
***
 
qadınının  getdikcə özünü
sevməyindən qorxdu kişi
evdəki aynaların
sayını azaltdı
qadına sezdirmədən...
 
***
 
sırğalara düşkündü Güllü
bacısıyla deyil
hicablı qonşusuyla gedir həmişə
bijuteriya dükanına
bilir ki
ancaq üzükləri seçəcək rəqibi...
 
Bir eybi vardı
 
kəndimizdə  bir qız vardı
ağzı quş ağzından dardı
yanaqları aldı
gözləri gecələri işıl-işıl yanan
pişik gözləri kimi yaşıldı
və sairə...
xülasə qız nağıllardakı kimi gözəldi
amma bir eybi vardı
kəndin bütün qızlarından gözəldi
 
adını tez-tez çəkdilər
qulağı çaldı
uzun bir simfoniya oldu üst-üstə gəlincə
 
əvvəl adını çıxartdılar
sonra ağzından dilini
biləyindən əlini çıxartdılar
sonra gözlərini
bircə ürəyi qaldı
qız xeyli dözdü
axırda onu da çıxartdılar
qız kəndin tarlalarına oyuq oldu
yanından dimdik götürdülər qarğalar
dincəldi adamlar...
 
Dəlinin həkimə dedikləri
 
bütün mövzuları tükənmiş şair kimi
ayağım çuxura düşür qəfil
yəni, bütün dərdləri unutmuş kimi
hiss edirəm özümü
diksinirəm
dərd olmasa, şairlər nədən yazar?
yalan danışır dünyanı
güllük görmək istədiyini deyən şairlər...
 
düşün ki, hər kəs Allahı sevir
kimsə suç işləmir
günah da yox
qanunlar, dinlər də yox
hakimlər, qazilər para da almır o zaman
 
hər kəs azad sevişsə
qadınlar gizlincə bədənini satmasa
kişilər qadınlarına xəyanət etməsə
sevişmək ayıb olmasa başqaları baxarkən
eşq filmləri çəkilməz
porno videolar satılmaz
ciblərə para axmaz
eşq şeirləri gəzməz əldən-ələ
yasaq olmalı eşq
narkotik kimi
altdan və baha satılmalı
bədəli ağır olmalı
ayıb yerlər örtülməli
eşqin cazibəsi daha da artsın!
 
deyəcəklər ki, gözəl qadınlar sevilməyə layiq
gözəllik uğrunda yarış ola
həm gözəllik bir az da yasaq ola guya
gözəlliyi ürətən fabriklər
gözəllik salonları
paltar dükanları qazana
 
döllər abort olacaq
kosmetikalar düzəldiləcək
sonra hamı abort əleyhinə danışacaq
 
həbsxanalar dolacaq
edamlar olacaq ki,
zülm və cinayət artsın
heyvansevərlər dəriləri bahalı heyvanlar uğuruna
savaşacaqlar
şubaların dəyəri daha da artsın...
 
dünya cənnətə dönsə
kim getmək istəyəcək vəd olunan cənnətə?!
ürətdiyiniz anbar-anbar silahları
kim alacaq
nəhəng bir bankir kimi dünya
ancaq pullarını düşünür
yaxşılara pul buraxmır
maya vermir
şərtləri ağır qoyur
mütləq bir nacis adamı da zamin tələb edir...
 
xəzinə üstündə qıvrılıb yatan ilana bənzər
çox ağıllı və ələkeçməzdi
istəsə bir göz qırpımında
sahmana salar hər şeyi
amma istəmir
 
xeyrinə yaramayan heç nəyi
istəməz dünya
onu gözündən tanıyıram
ozon qatının deşilməsinə belə yalandan qarşı
orda da bir xeyri vardır kim bilir
hələ uzun zaman
boş-boş danışacaq
barış, gözəllik və sevgi adına
/kulis.az/

Yenililklər
24.05.24
Kino şirkətlərinə yeni imkan: post-prodakşna dəstək
22.05.24
Kənan Hacı - Salman Mümtaz Leninə nə deyəcəkmiş?
22.05.24
2024-cü ilin Ədəbiyyat üzrə Beynəlxalq Buker Mükafatının qalibi məlum olub
21.05.24
Professor Edmund Herziq: Nizami Gəncəvinin əlyazmalarının vahid kataloqu üç dildə nəşr ediləcək
21.05.24
Azərbaycanda iki teatrın adı dəyişdirilir və işçilərinin maaşı artırılır
20.05.24
“Linqvistik nəzəriyyənin əsasları” kitabı nəşr olunub
20.05.24
Hüseyn Arifin anadan olmasının 100 illiyi münasibətilə “Arxada qalan illər” adlı kitab nəşr edilib
20.05.24
Fransada azərbaycanlı rəssamın fərdi sərgisi keçirilib
15.05.24
Ülvi Babasoyun “Ədəbiyyatda postmodernizm: oyun estetikası” kitabı təqdim olunub
09.05.24
Həcər Atakişiyeva - Məhəmməd Füzulinin poeziyasının dili və üslubi xüsusiyyətləri
06.05.24
Həmid Herisçi: Öz adıma ədəbiyyat müharibəmi bitirdim
06.05.24
Kino Agentliyi “Qızılalma” Festivalında mükafata layiq görüldü
06.05.24
Kino ictimaiyyəti narahatdır: 38 nömrəli qərar ləğv olunacaqmı?
04.05.24
Cahid Camal “Xalq Əmanəti” layihəsinin 24-cü nəşrində
03.05.24
Gülnar Səma - Ramil Mərzilinin “Qadağan olunmuş şeirlər”i
03.05.24
Asif Rüstəmlinin “Cümhuriyyət məfkürəsi” kitabı çap olunub
03.05.24
Azad Qaradərəli - Şəhid toyu
02.05.24
ARKA-nın Apellyasiya Komissiyası müraciətlərlə bağlı qərar verdi
02.05.24
“Əlyazma abidələri: ənənə və müasirlik” kitabı çapdan çıxıb
02.05.24
Məşhur yazıçı Pol Oster vəfat edib
02.05.24
Azərbaycanlı alimin beynəlxalq konqresdə məruzəsi dinlənilib
02.05.24
Türkiyənin bütün bölgələrində Azərbaycan Mədəniyyət Günləri keçiriləcək.

01.05.24
Orhan Aras - Bedirhan Ahmedov: Yorulmaz Bir Bilim Adamı...
01.05.24
Cavanşir Yusifli - Gənc şairlərə məktub - Sözün ayağı dəyməyən yerlər
01.05.24
Türkiyədə Məhəmməd Füzuliyə həsr olunan beynəlxalq konfrans keçiriləcək
01.05.24
Nar ağacı - Kənan Hacının yeni hekayəsi
30.04.24
Ömür gəlib keçər, qalan əməldir
29.04.24
Qulu Ağsəs - 55
29.04.24
 Yazıçı Eyvaz Zeynalovun “Nadir şah” romanı nəşr olunub
26.04.24
Mahir N. Qarayev - Mənə o dünyanı göstər, İlahi
25.04.24
Bakıda Çingiz Aytmatovun abidəsinin açılış mərasimi
25.04.24
Abbasqulu ağa Bakıxanovun “Riyazül-qüds” əsəri nəşr olunub
25.04.24
Mədəniyyət Nazirliyi “Nəşrlərin satın alınması müsabiqəsi”ni elan edir
24.04.24
Azərbaycanlı rejissorun ekran əsəri Kann Film Festivalının qısametrajlı filmlər müsabiqəsinə seçilib
24.04.24
IV Kitabqurdu Müəllimlərin Oxu Marafonu elan edilir
24.04.24
Nazir: Bakıdakı Qırğız Mədəniyyəti Günləri mədəni əlaqələrdə yeni səhifə açacaq
24.04.24
TRT-Avazın Baş koordinatoru: AzTV ilə birgə çoxlu layihələr reallaşdırırıq - MÜSAHİBƏ
24.04.24
İntiqam Yaşarın yeni şeirlər kitabı çap olunub
24.04.24
Həmid Herisçinin yeni kitabı çap olundu
24.04.24
Saday Budaqlı: Yazan adam gərək sözü hiss eləsin
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.