Anar AYB-nin XII Qurultayından yazdı
13.06.14

2014-cü il  iyunun 17-də  Azərbaycan Yazıçılarının XII Qurultayı başlanır. Son Qurultayımızdan on il ötüb. Nizamnaməmizə görə qurultaylarımız hər beş ildən bir keçirilməlidir. Amma  təəssüf ki, obyektiv  səbəblərdən Nizamnamənin bu bəndinə bəzən riayət edilməyib. Üçüncü  Qurultayla Dördüncü Qurultaylar arasından yeddi il, Doqquzuncu  Qurultayla Onuncu  Qurultay arasından altı il keçib. 1934-cü ildə çağrılmış Birinci Qurultayımızla 1954-cü ildəki İkinci Qurultayımız arasında  isə tam iyirmi il  ara var.

On ikinci Qurultayımızın beş il yubanmasının da  obyektiv səbəbləri var. Bu arada Birliyimizin binası uzun müddət ərzində  əsaslı təmirə dayandı.

 2009-cu ildə təşkilatımızın 75 illiyi çoxlu xarici qonaqların iştirakıyla  qeyd edildi. Həmin günlərdə Bakıda  "Sərhədsiz söz" Beynəlxalq Yazıçılar Təşkilatının da toplantısını keçirdik  və bu təşkilata sədarət növbəylə Azərbaycana həvalə olundu. Bu illər ərzində  Birliyimizin fəal iştirakıyla bir sıra   Beynəlxalq səviyyəli tədbirlər, o cümlədən geniş miqyaslı ədəbi tədbirlər  keçirildi, klassiklərimizin yubileyləri təntənəli şəkildə qeyd olundu. Birliyimizin təmsilçiləri müxtəlif ölkələrdə ədəbi-ictimai toplantılarda, kitab sərgilərində iştirak etdilər. Bu il Türkdilli  ölkələrin yeni yaranmış Yazarlar Birliyinin sədri də Azərbaycandan seçildi.

Məlum olduğu kimi, Azərbaycan Yazıçılar İttifaqı 1934-cü il iyunun 13-də yaranıb. Yubiley tədbirlərimizdə xeyli sayda   qonaqların  iştirakını nəzərə alaraq  XII qurultayımızı da həmin tarixə - yəni təşkilatımızın 80 illiyinə - uyğunlaşdırdıq və iyunun 18-də bu yubiley də təntənəli şəkildə qeyd ediləcək. Bu tədbirlərin yüksək səviyyədə, müstəqil ölkəmizin adına layiq şəkildə keçirilməsi üçün hörmətli Prezidentimiz İlham Əliyevə  hərtərəfli dəstəyinə görə dərin minnətdarlığımızı bildiririk.

Bir çox  cəhətləriylə əvvəlki Qurultaylardan fərqlənən  bu  Qurultya təbii ki, daha uzun müddətdə hazırlaşmalı olduq. Əvvəlki qurultaylarda  təşkilatımızın bütün üzvləri iştirak edirdisə,  üzvlərimizin xeyli artmasıyla bağlı bu  Qurultaya nümayəndələr seçməli olduq.

XI Qurultayımızda qəbul olunmuş Nizamnaməmizə uyğun olaraq nümayəndələrin sırasına Birliyin rəhbərliyi, Ağsaqqallar Şurasının, İdarə Heyətinin, Gənclər Şurasının, Təftiş Komissiyasının üzvləriylə bir sırada bölmələrimizdən və janrlar üzrə seksiyalarımızdan - on nəfərdən biri nümayəndə seçildi. Qurultay nümayəndələrinin ümumi sayı 439 nəfərdir. Bu isə Birlik üzvlərimizin təxminən üçdə birini təşkil edir. Tam demokrtik şəraitdə keçirilmiş bu seçkilərə hazırlıq işləri də müəyyən vaxt apardı.

XI və XII qurultalar arasında keçən bu illərin bir böyük əhəmiyyəti də var. Bu on il ərzində ədəbiyyatımıza yeni yazıçılar  nəsli gəldi və bir qədər  əvvəl gələn gənclər nəslinin təmsilçiləri püxtələşdi. Birliyin strukturlarında və mətbuat orqanlarında aparıcı vəzifələr gənclərə tapşırıldı.

Əvvəlki qurultaylardan fərqli olaraq, məruzələrin vaxt aparmaması, Qurultay nümayəndələrinin və xeyli sayda xarici qonaqların çıxışlarına  daha artıq  müddət verilməsi üçün son bir il ərzində müxtəlif janrlar üzrə məruzələr sifariş edildi, bu məruzələr Natəvan klubunda səsləndi və   toplanaraq   Qurultay nümayəndələrinə müzakirə üçün  kitab şəklində təqdim olunur. Göründüyü  kimi, məruzəçilərin hamısı gənclərdir - bu son on  ildə ədəbiyyatda  imzasını təsdiq etmiş  və ad qazanmış istedadlı  gənclər...

Bu iki cəhətdən vacib idi. Gənclərə məsuliyyətli bir iş - keçən dövrün ədəbi məhsulu haqqında məruzə tapşırmaqla onları bu cəhətdən də yetişdirməyə çalışdıq. Həm də cari ədəbi prosesə məhz yeni nəslin gözləriylə baxmaq, bu prosesi onların nəzəriylə qiymətləndirmək xüsusi önəm daşıyırdı. Məlum həqiqətdir ki, ədəbiyyatımızın gələcəyi  gəncliklə bağlıdır, amma bu gəncliyi qayğı və tələbkarlıqla yetişdirmək, qarşıdakı  daha məsul işlərə hazırlamaq da bizim - yaşlı nəslin borcu və vəzifəsidir. "Halva-halva deməklə ağız şirin olmur", gənclərə "can-can" deyən, "quru-quru qurban olanlar" az deyil, ara-sıra onları yaşlı nəslə qarşı qoymağa, ya qaldırmağa  cəhdlər də edilir. Amma  bu heç kəsin xeyrinə deyil - nə gənclərin, nə yaşlıların. Gəncliyin yaradıcı enerjisi, yazıb yaratmaq həvəsi ədəbiyyatımıza nə qədər lazımdırsa, yaşlıların da halal  nüfuzu, illərlə qazanılmış təcrübəsi o qədər lazımdır. Yalnız bütün nəsillərin bir-birinə qarşılıqlı hörməti, səmimi, etibarlı münasibəti sağlam ədəbi mühit təmin edə bilər.

İnanıram  ki, növbəti qurultayamız da məhz belə bir işgüzarlıq şəraitində, qarayaxalıqdan, ədəbiyyata dəxli olmayan dedi-qodulardan uzaq şəraitdə, bütün nəsillərə mənsub olan yazıçılarımızın birgə əməkdaşlığı, qarşılıqlı hörməti şəraitində  keçəcək. Qonaqlarımız bir daha Birliyimizin bütövlüyünə və bölünməzliyinə  şahid olacaq. Azərbaycan Yazıçılar Birliyi həmişəki  kimi milli maraqlarımıza, müstəqil dövlətimizin mənafeyinə xidmət edəcək, xalqımızın mənəvi dəyərlərinin keşeyində duracaq, ədəbiyyatımızın keçmişinə və gələcəyinə daima  sadiq qalacaq. Qurultayda işimizin yeniləşməsi və daha da səmərəli aparılması istiqamətində irəli sürülən konkret təkliflər, alınan  qərarlar Birliyin bundan sonrakı fəaliyyəti üçün zəmin  yaradacaq.

Məndən tez-tez soruşurdular ki, bu qurultayda sədrliyə namizəd olacammı? Vaxtından qabaq bu məsələdə lüzumsuz ajiotaj yarat mamaqçün qərarımı Qurultay ərəfəsində verəcəm - deyirdim. İndi Qurultay ərəfəsində bildirirəm ki, Qurultay nümayəndələri mənə etimad göstərib sədr seçsələr, bu çətin və şərəfli vəzifəni bütün məsuliyyətimlə   daşımağa hazıram. /525.az/

Yenililklər
31.01.23
“Eurovision 2023” beynəlxalq mahnı müsabiqəsinin loqo və şüarı təqdim olunub
31.01.23
Günay Əfəndiyeva türk dövlətlərinin gənc şair və yazarları ilə görüşüb
31.01.23
Kinoteatrlarda “Qarabağ hekayələri: Dünən, bu gün, sabah” kinoalmanaxının nümayişinə başlanacaq
30.01.23
Bakı Atatürk Mərkəzində “Türkologiyanın aktual problemləri” mövzusunda elmi-praktik seminar keçirilib
30.01.23
Günay Əfəndiyeva “2023-cü il Avropanın Mədəniyyət Paytaxtı” Veszpremdə keçirilən rəsmi açılış mərasimində iştirak edib
30.01.23
“Azərbaycan mühacirət ədəbiyyatı kitabxanası” seriyasından yeni kitab nəşr edilib
27.01.23
Beynəlxalq Türk Mədəniyyəti və İrsi Fondunun Bəyanatı
27.01.23
Vaqif Bayatlı Odər: "Qarabağdan ancaq Azərbaycanın Türk və Şərəf Damarını keçirməklə nəyəsə nail olmaq olar"
27.01.23
Günay Əfəndiyeva TDT-nin Macarıstandakı Nümayəndəliyini ziyarət edib
26.01.23
“Filologiya və sənətşünaslıq” jurnalının növbəti sayı çap olunub
24.01.23
“Qeyri-maddi mədəni irsin qorunması haqqında” qanun layihəsi hazırlanacaq
24.01.23
Beynəlxalq Türk Mədəniyyəti və İrsi Fondu Türkiyə Cümhuriyyətinin 100 illiyi münasibətilə İstanbulda sərgi təşkil edib
24.01.23
Antonis van Deykin əsəri 3 milyon dollara hərraca çıxarılıb
23.01.23
"İnanıram" tamaşasının premyerası olub
23.01.23
Beynəlxalq Türk Mədəniyyəti və İrsi Fondu ilə Türk Tarix Qurumu bir araya gəlib
23.01.23
Qara Qarayevin əsərləri Filarmoniyada səslənəcək
20.01.23
Günay Əfəndiyeva Ankarada Türkiyə Ali Təhsil Şurasının (YÖK) rəhbəri Erol Özvar ilə görüşüb
18.01.23
Beynəlxalq Türk Mədəniyyəti və İrsi Fondu qarşılıqlı əməkdaşlığı daha da gücləndirir
16.01.23
Beynəlxalq Türk Mədəniyyəti və İrsi Fondunun Şuşa ilə bağlı layihələri davam edir
11.01.23
Vaqif Osmanov - Kimdir günahkar, insanlarmı, yoxsa zaman?
06.01.23
“Poetika.izm” jurnalının növbəti sayı çap olunub
05.01.23
“Azərbaycan ədəbiyyatşünaslığı” jurnalının növbəti sayı çap olunub
30.12.22
Əhməd Cavad 130: “Mən bir Turan yolçusuyam”
29.12.22
“Ömər Faiq Nemanzadə” fotoalbomu nəşr olunub
29.12.22
İki beynəlxalq Türk təşkilatı bir arada
26.12.22
Azərbaycanın dünya ədəbiyyatındakı boş qalmış yeri - Kənan Hacı yazır
26.12.22
Almaxanım Əhmədli və sənət dostları İsveçdə konsert verib
26.12.22
Günay Əfəndiyeva Astanada keçirilən Mərkəzi Asiya Media Forumunda çıxış edib
24.12.22
Ədəbiyyat İnstitutunda Kamran Məmmədovun 100 illik yubileyi qeyd olunub
23.12.22
Bu il hərraclarda satılan ən bahalı rəsm əsərlərinin adı açıqlanıb
23.12.22
Günay Əfəndiyeva Qazaxıstan İnformasiya və sosial inkişaf naziri ilə görüşüb
22.12.22
Əziz Dövlətabadinin “Süxənvərani-Azərbaycan” kitabı çapdan çıxıb
22.12.22
Beynəlxalq Türk Mədəniyyəti və İrsi Fondunun prezidenti Qazaxıstanın mədəniyyət və idman naziri ilə görüşüb
22.12.22
“Atabəylər: Şəmsəddin Eldəniz” layihəsinin musiqi tərtibatı üzrə müsabiqə elan edilib
21.12.22
“II Sumqayıt Kitab Sərgisi”nin proqramı açıqlandı
21.12.22
Günay Əfəndiyeva Qırğız Dövlət Dil və Dil Siyasəti üzrə Milli Komissiyanın sədri ilə görüşüb
20.12.22
“Mifoloji lüğət” kitabı işıq üzü görüb
20.12.22
Beynəlxalq Türk Mədəniyyəti və İrsi Fondunda “Türk dövlətləri: Şərq və Qərb arasında körpü” adlı dəyirmi masa keçirilib
19.12.22
Aleks de Val - Aclıq və feminizm
19.12.22
Beynəlxalq Türk Mədəniyyəti və İrsi Fondunun birgə əməkdaşlığı ilə beynəlxalq elmi konfrans keçirilib
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.