Rəbiqə Nazimqızı - Qaranlıqdakı pişik
17.07.14

- Bax, ordadı, o küncdə. Yavaşca yaxınlaş. Ürkütmə.
Ayaqqabılarını çıxarır. Asta addımlarla irəliləyir. Əyilib əlini küncə tərəf uzadır. Pişiyin yumşaq tüklərinə toxunur. Qaranlıqda gözlərinin təəccübdən necə böyüdüyünü hiss edirəm. Yüz faiz, gülümsəyir də.
- Qəribə adamsan e.
- Niyə?
- Pişiyin yerini tapan mənəm, amma sən sevinirsən.
Əclaf xasiyyətim var, bilirəm... Cavab özünü gözlətmir:
- Nə olsun, nə fərqi var? Bir də, mən sənə inanmaya bilərdim.
- Hə, maraq... Yoxlamaq istədin...
Əsəbləşsə də, büruzə vermir. Bu xasiyyəti xoşuma gəlir, həm də məni qıcıqlandırır. Amma əsəbləşməyini də istəmirəm. Qorxuram. Elə bilirəm, o hirslənsə, nəsə təbii fəlakət baş verəcək. Çovğun, tufan, zəlzələ - axmaq təlqindi.
Gülür. Bilirəm ki, gərginliyi götürməkdən ötrüdü. Halbuki... Nəsə... Bu dəfə heç nə deməyəcəm...
- Pişik qaçdı.
- Hə. Gərək danışmayaydım.
- Neyniyəcəkdik ki, onu? Əsas odu ki, tapdıq...
İstehzalı təbəssümümü görmür. Özümlə paralel aparmağım ağlına da gəlmir. Ümumiyyətlə, onun ağlına mənimlə bağlı nə gəlir ki?..
Ovçu instinkti. Dayan e, guya mən belə deyiləm?! Sadəcə, yorulmuşam. Sürüşkən balıq axtarıram və onu da tapmışam. Daha nə lazımdı? Onun pullarını qoparmaq? Fikirləşməkdən zəhləm gedir. Xüsusən kefim olmayanda. Mövzunu dəyişirəm:
- Balıq tutmaqdan xoşun gəlir?
- Yox, darıxdırıcı prosedurdu. Heç yeməyi də sevmirəm. Hərçənd... bir dəfə, bəlkə...
Bilirəm ki, artıq özünü dənizin sahilində təsəvvür edir. Əlində qarmaq. Təbii ki, soxulcanı ora dostu keçirəcək. O isə üz-gözünü turşudub deyəcək ki. Səsi fikirlərimi dağıdır:
- Hə. Bir dəfə yoxlamaq olar.
- Balığı niyə sevmirsən? Sümüklərinə görə?
- Sümük yox, tığ. Hə e, təmizləmək adamın gözünə durur. Amma duzlu balıq olsa...
Sözünü kəsirəm:
- Soyutma kartofla.
- Bəlkə, qaynadasan?
- Olar...
Mətbəxə keçirəm. Arxamca gəlmir. Rahatam. Yox, narahatam. Gəlsə, iş görə bilməyəcəm. Zəhləm gedir mətbəxdə ikinci adam olanda. Gəlməsə, dəli olacam...
Kartoflar qaynamaq üzrədir. Balıq olmasa da, olar. Onsuz da iy verir.
Otağa qayıdıram və qəfildən onun gözlərinin içinə baxıram:
- Mən hər şeyi bilirəm.
- Nəyi?
- Hər şeyi...
- Bilirəm ki, bilirsən. Amma başa düşmürəm ki, sən bunları hardan, necə bilirsən? Məni izləyirsən?
- Dəlisən?
- Bəs necə olur axı...
- Hirslənmə.
- Hirslənmirəm. Təəccüblənirəm.
- Bunun nəyi pisdi ki. Deməli, hələ də bacarırsan.
- Nəyi?
- Təəccüblənməyi.
- Sən niyə belə ağıllısan axı?
- Bu sənə mane olur?
- Yoxx.
- Guya olsa, deyəcəkdin.
- Mane olsa, deyəcəkdim. Mənə belə şeylər mane olmur.
- Yalançı.
- Yenə mübahisə edirsən. Səndə ən sevmədiyim cəhətdi.
- Bilirəm.
“Amma heç düşünmüsən ki, mən də nəyisə sevməyə bilərəm?”. Bunu ürəyimdə deyirəm.
Baxışlarımı küncə çevirirəm. Pişik qayıdıb. Amma nə xeyri? Daha onun yerini tapmaqla təəccüb və sevinc yaratmaq olmaz. Bunu bir dəfə elədik...
- Gəl səni öpüm.
Gülümsəyir:
- Olmaz.
- Başın üçün...
- Mənə deyirsən?
- Hə... Həə... Hə...
Səsim getdikcə anlaşıqsız olmağa başlayır. Arada dayanıb küncə tərəf baxıram. Ürəyimdə fikirləşirəm ki, pişik görməsə də, nə baş verdiyini hiss edir.

Yenililklər
31.01.23
“Eurovision 2023” beynəlxalq mahnı müsabiqəsinin loqo və şüarı təqdim olunub
31.01.23
Günay Əfəndiyeva türk dövlətlərinin gənc şair və yazarları ilə görüşüb
31.01.23
Kinoteatrlarda “Qarabağ hekayələri: Dünən, bu gün, sabah” kinoalmanaxının nümayişinə başlanacaq
30.01.23
Bakı Atatürk Mərkəzində “Türkologiyanın aktual problemləri” mövzusunda elmi-praktik seminar keçirilib
30.01.23
Günay Əfəndiyeva “2023-cü il Avropanın Mədəniyyət Paytaxtı” Veszpremdə keçirilən rəsmi açılış mərasimində iştirak edib
30.01.23
“Azərbaycan mühacirət ədəbiyyatı kitabxanası” seriyasından yeni kitab nəşr edilib
27.01.23
Beynəlxalq Türk Mədəniyyəti və İrsi Fondunun Bəyanatı
27.01.23
Vaqif Bayatlı Odər: "Qarabağdan ancaq Azərbaycanın Türk və Şərəf Damarını keçirməklə nəyəsə nail olmaq olar"
27.01.23
Günay Əfəndiyeva TDT-nin Macarıstandakı Nümayəndəliyini ziyarət edib
26.01.23
“Filologiya və sənətşünaslıq” jurnalının növbəti sayı çap olunub
24.01.23
“Qeyri-maddi mədəni irsin qorunması haqqında” qanun layihəsi hazırlanacaq
24.01.23
Beynəlxalq Türk Mədəniyyəti və İrsi Fondu Türkiyə Cümhuriyyətinin 100 illiyi münasibətilə İstanbulda sərgi təşkil edib
24.01.23
Antonis van Deykin əsəri 3 milyon dollara hərraca çıxarılıb
23.01.23
"İnanıram" tamaşasının premyerası olub
23.01.23
Beynəlxalq Türk Mədəniyyəti və İrsi Fondu ilə Türk Tarix Qurumu bir araya gəlib
23.01.23
Qara Qarayevin əsərləri Filarmoniyada səslənəcək
20.01.23
Günay Əfəndiyeva Ankarada Türkiyə Ali Təhsil Şurasının (YÖK) rəhbəri Erol Özvar ilə görüşüb
18.01.23
Beynəlxalq Türk Mədəniyyəti və İrsi Fondu qarşılıqlı əməkdaşlığı daha da gücləndirir
16.01.23
Beynəlxalq Türk Mədəniyyəti və İrsi Fondunun Şuşa ilə bağlı layihələri davam edir
11.01.23
Vaqif Osmanov - Kimdir günahkar, insanlarmı, yoxsa zaman?
06.01.23
“Poetika.izm” jurnalının növbəti sayı çap olunub
05.01.23
“Azərbaycan ədəbiyyatşünaslığı” jurnalının növbəti sayı çap olunub
30.12.22
Əhməd Cavad 130: “Mən bir Turan yolçusuyam”
29.12.22
“Ömər Faiq Nemanzadə” fotoalbomu nəşr olunub
29.12.22
İki beynəlxalq Türk təşkilatı bir arada
26.12.22
Azərbaycanın dünya ədəbiyyatındakı boş qalmış yeri - Kənan Hacı yazır
26.12.22
Almaxanım Əhmədli və sənət dostları İsveçdə konsert verib
26.12.22
Günay Əfəndiyeva Astanada keçirilən Mərkəzi Asiya Media Forumunda çıxış edib
24.12.22
Ədəbiyyat İnstitutunda Kamran Məmmədovun 100 illik yubileyi qeyd olunub
23.12.22
Bu il hərraclarda satılan ən bahalı rəsm əsərlərinin adı açıqlanıb
23.12.22
Günay Əfəndiyeva Qazaxıstan İnformasiya və sosial inkişaf naziri ilə görüşüb
22.12.22
Əziz Dövlətabadinin “Süxənvərani-Azərbaycan” kitabı çapdan çıxıb
22.12.22
Beynəlxalq Türk Mədəniyyəti və İrsi Fondunun prezidenti Qazaxıstanın mədəniyyət və idman naziri ilə görüşüb
22.12.22
“Atabəylər: Şəmsəddin Eldəniz” layihəsinin musiqi tərtibatı üzrə müsabiqə elan edilib
21.12.22
“II Sumqayıt Kitab Sərgisi”nin proqramı açıqlandı
21.12.22
Günay Əfəndiyeva Qırğız Dövlət Dil və Dil Siyasəti üzrə Milli Komissiyanın sədri ilə görüşüb
20.12.22
“Mifoloji lüğət” kitabı işıq üzü görüb
20.12.22
Beynəlxalq Türk Mədəniyyəti və İrsi Fondunda “Türk dövlətləri: Şərq və Qərb arasında körpü” adlı dəyirmi masa keçirilib
19.12.22
Aleks de Val - Aclıq və feminizm
19.12.22
Beynəlxalq Türk Mədəniyyəti və İrsi Fondunun birgə əməkdaşlığı ilə beynəlxalq elmi konfrans keçirilib
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.