Alpay Azər - Dilənçiyə təpik vurmağım
16.04.15

Artpress.az yazıçı Alpay Azərin “İrrasional” silsiləsindən 3 hekayəsini təqdim edir.


Piknikə niyə gedəmmədim?


Yazıçılarla bir yerdə meşəyə piknikə getməyə hazırlaşırdıq. Hansı ağılnansa universiteti bitirməyim və elmi dərəcəm haqqında diplomu da özümlə götürmüşdüm. Yolüstü qabağımda ilk çıxan mağazaya dəydim. Satıcıya:
– Xanım, olar, bunları sizdə qoyum, axşam on bir üçün, uzağı sabah səhər gəlib götürərəm.
Satıcı arvad  şübhəli-şübhəli mənə baxdı. Rusa oxşayırdı deyə, fikirləşdim yəqin bizim dili bilmir, rus dilinə keçdim:
– Ya pisatel, ne bespokoytes, xanım, ya pisatel, (Mən yazıçıyam, narahat olmayın, mən yazıçıyam).
Heç nə demədən əlimdəki paketi götürdü... Dərs dediyim Bakı Slavyan Universitetinin birinci mərtəbəsində, vestibüldə xeyli adam var idi, əksəriyyəti də şair və yazıçılar: Etimad Başkeçid, Qismət, Əsəd Qaraqaplan, Salam Sarvan. Düz vaxtında yetişmişdim, saat on bir idi, elə bu vaxt avtobusla Pirqulu meşəsinə yola düşməliydik. Mən bir az kənarda Kamal Abdullanı, Rəbiqə Nazimqızını və Seyfəddin Hüseynlini görüb onlara yaxınlaşdım, salamlaşdım. Birdən Rəbiqə nə desə yaxşıdı:
–  Kamal müəllim, bəlkə gedək konfrans zala, bir az ədəbiyyatdan danışaq.
–  Hə, niyə də olmasın, – Kamal müəllim etiraz etmədi.
Ürəyimdə Rəbiqəyə qarşı nifrət və qarğış vulkanı püskürdü: “Rəbiqə, heç hənanın yeridi? Səni görüm ömürlük piknikə, restorana həsrət qalasan!!!” Fikir verdim ki, Seyfəddin də Rəbiqənin bu yersiz təklifinə görə ürəyində ona qarğış edir. Amma rektorun Rəbiqənin təklifinə “yox” deməməsindən sonra nə edə bilərdik ki.
İkinci mərtəbədəki konfrans zalına daxil olduq, zal tələbələrlə dolu idi. Kamal müəllim mühazirəsinə başladı. Qol saatıma baxdım, on ikiyə on beş dəqiqə işləyirdi, yüz faiz avtobus yola düşmüşdü. Seyfəddinə baxdım, narazı-narazı başını tərpətdi: yəni “Ay Rəbiqə, işləri korladın”. Yanımda oturan tələbə isə tez-tez Kamal müəllimə sual verir, fikir bildirirdi. Dərs dediyim tələbə deyildi deyə, deyəmmirdim ki, ay bala, bu seminar deyil, e, mühazirədi, seminarda özünü göstərərsən.
Seyfəddin Hüseynliyə göz vurdum ki, dəhlizə çıxsın. Sanki bunu gösləyirmiş kimi, tez ardımca konfrans zalından çıxdı.
– Gördün də bu Rəbiqənin hərəkətini. Adamın heç yuxusuna girməz belə şey, – dedim.
– Demə-demə.
– Qəribə adamdı e. Guya Pirquluda ədəbiyyat söhbəti eləmək olmazmış, mütləq gərək konfrans zalında olmalıdı söhbət.
Seyfədinin maşınına oturdum, oturmazdan əvvəl oturacağın üstündəki jurnalı götürdüm. İlk səhifədəki şeirləri oxumağa başladım. Əndrəbadi, çətin başa düşülən, el dilində desək, post-modernist şeirlər idi. Müəllifin adı, soyadı yadımda deyildi, amma hansısa o qədər də məşhur olmayan Qərb şairiydi. Altda isə yazılmışdı: Tərcümə edəni: Seyfəddin Hüseynli.
– Mən yazmamışam, tərcümə eləmişəm, – maşını sürə-sürə gözünü yoldan çəkməyən Seyfəddin dedi.
–   Ay Seyfəddin, kor deyiləm, görürəm.
Seyfəddin qəfil əyləci basdı və zərbə məni maşının şüşəsinə çırpdı, şüşə sındığından çölə atıldım. Bu zərbənin təsirindən isə ayağımla yorğanı itələyib üstümü açdım...

15 - 23 mart, 2015, Bakı



Kəramət Böyükçölün oxşarı

Toyda Kəramət Böyükçöl çox içəndə qəribə rəqs edir, – əllərini qaldırır, endirir, gözlərini arada yumur, sanki ətrafındakılardan təcrid olur.
Bu dəfə də toyda bir nəfər eynilə onun kimi rəqs edirdi, deyəsən, o da çox içmişdi. Kəramət özü, mən, Şərif Ağayar, Cavid Zeynallı, bir neçə yazıçı dövrə yaradıb rəqqasa, arada isə oğrun-oğrun Kəramətə baxırdıq. Məni, elə o birilərini də gülmək tutmuşdu. Şərif Cavidin qulağına dedi: “Bu dəyqə Kəramət buna bir təpik vuracaq”. Kəramət bu vaxt ortaya girib həmin adamla bir yerdə həmişəki kimi rəqs etməyə başladı. İki nəfər eyni cür rəqs edirdi. Hamı qəhqəhə çəkib gülməyə başladı. Öz gülüşmə səsimə yuxudan oyandım.


9 iyul, 2012 – 2 yanvar, 2015
Bakı-Ankara təyyarəsi (AZAL)  – Bakı




Dilənçiyə təpik vurmağım

Qapı döyüldü, ayağa durub qapını açdım. Başıbağlı, ortayaşlı, qucağında hardasa iki-üç yaş arasında uşaq olan dilənçi qadın idi.
– Ay qardaş, mənə kömək elə, bu yetim uşağa kömək əlini uzat. Allah sənin....
– Dayan, – deyib otağa qayıtdım.
Şalvarımın cibindən iki manat götürüb qayıdıb qadına uzatdım. Dilənçi pulu götürüb təşəkkür elədi:
– Çox sağ ol, ay qardaş. Mən həm də şairəm, olar bir şeir oxuyum? – və cavab gözləmədən şeir oxumağa başladı:

Mən həyatı sevirəm,
Gecə-gündüz sevirəm.

–  Saxla, lazım deyil davamını demək, – sözünü kəsdim.
Nə etsə yaxşıdı, üzümə tüpürdü, mən əvvəlcə çaşqınlıq içində geri çəkildim.
– Nə!!! – nərə çəkib bunun qarnına bir təpik vurdum.  Elə zərbəni vurmaqla üstümdəki yorğanı açdım.

7 – 25 mart, 2015
Bakı



Metroda

“İçərişəhər” metrostansiyasının qarşısında atamı gördüm, bir yerdə metroya girdik. Atam qaçıb vaqonlardan birinə mindi, mənsə yaxınlaşanda qapılar bağlandı və qatar yola düşdü. O birisinin gözləməyə məcbur oldum. Bu vaxt iki yeniyetmə oğlan relslərin arasına hoppanıb bir-birinin ardınca addımlamağa başladılar. Bir də gördüm qatar artıq platformaya girir, oğlanların ikisi də cəldliklə relslərin arasından çıxa bildi. Hamı, mən qarışıq xatakar uşaqlara tərəf qaçdı. Sevindim ki, bu uşaqları relslərin cərəyanı vurmadı. Mən yenə qatara minə bilmədim.
Yenə növbəti qatarı gözləməyə, tez-tez tunelə baxmağa başladım. Uzaqdan iki işıqlanan göz gördüm. “Tez gəl, tez gəl,” – deyinirdim, heç özüm də bilmirdim niyə tələsirəm. Bu vaxt yenə hardasa dördüncü-beşinci siniflərdə oxuyan iki oğlan relslərin arasında hoppandı. Yenə çaxnaşma düşdü, millət qışqırmağa, səs salmağa başladı. Qatar artıq platformaya girmək üzrəydi. Uşaqlardan biri cəldliklə ordan çıxdı, o birisi də çıxmaq istəyəndə artıq platformada çömbələmə oturan dostu onu itələyib yenidən relslərin arasına saldı. Camaat “relslərin arasına uzan!” qışqırmağa başladı. Oğlan ayağa durub yenə relslərin arasından çıxmağa cəhd edəndə, onu cərəyan vurdu. Gözlərimlə çırtaçırt səsini, bu uşağın yanmasını, bədənindən qalxan tüstünü gördüm. Amma nədənsə burnuma yanıq iyi gəlmirdi. Dalınca qatar gəlib üstündən keçdi. “Əcəb oldu sənə, ay uşaq! Gəbər! Əcəb oldu, dostun səni itələdi relslərin arasına. Bəs ora hoppananda bilmirdin ki, gəbərə bilərsən?” Bir sözlə, ürəyimdə bu cür sonluğa dəhşətli dərəcədə sevinirdim. Elə sevindim ki, axırda yuxudan oyandım.


24 mart - 6 aprel, 2015
Bakı


Qeyd: Hadisələr real yuxular əsasında yazılıb.

Yenililklər
31.01.23
“Eurovision 2023” beynəlxalq mahnı müsabiqəsinin loqo və şüarı təqdim olunub
31.01.23
Günay Əfəndiyeva türk dövlətlərinin gənc şair və yazarları ilə görüşüb
31.01.23
Kinoteatrlarda “Qarabağ hekayələri: Dünən, bu gün, sabah” kinoalmanaxının nümayişinə başlanacaq
30.01.23
Bakı Atatürk Mərkəzində “Türkologiyanın aktual problemləri” mövzusunda elmi-praktik seminar keçirilib
30.01.23
Günay Əfəndiyeva “2023-cü il Avropanın Mədəniyyət Paytaxtı” Veszpremdə keçirilən rəsmi açılış mərasimində iştirak edib
30.01.23
“Azərbaycan mühacirət ədəbiyyatı kitabxanası” seriyasından yeni kitab nəşr edilib
27.01.23
Beynəlxalq Türk Mədəniyyəti və İrsi Fondunun Bəyanatı
27.01.23
Vaqif Bayatlı Odər: "Qarabağdan ancaq Azərbaycanın Türk və Şərəf Damarını keçirməklə nəyəsə nail olmaq olar"
27.01.23
Günay Əfəndiyeva TDT-nin Macarıstandakı Nümayəndəliyini ziyarət edib
26.01.23
“Filologiya və sənətşünaslıq” jurnalının növbəti sayı çap olunub
24.01.23
“Qeyri-maddi mədəni irsin qorunması haqqında” qanun layihəsi hazırlanacaq
24.01.23
Beynəlxalq Türk Mədəniyyəti və İrsi Fondu Türkiyə Cümhuriyyətinin 100 illiyi münasibətilə İstanbulda sərgi təşkil edib
24.01.23
Antonis van Deykin əsəri 3 milyon dollara hərraca çıxarılıb
23.01.23
"İnanıram" tamaşasının premyerası olub
23.01.23
Beynəlxalq Türk Mədəniyyəti və İrsi Fondu ilə Türk Tarix Qurumu bir araya gəlib
23.01.23
Qara Qarayevin əsərləri Filarmoniyada səslənəcək
20.01.23
Günay Əfəndiyeva Ankarada Türkiyə Ali Təhsil Şurasının (YÖK) rəhbəri Erol Özvar ilə görüşüb
18.01.23
Beynəlxalq Türk Mədəniyyəti və İrsi Fondu qarşılıqlı əməkdaşlığı daha da gücləndirir
16.01.23
Beynəlxalq Türk Mədəniyyəti və İrsi Fondunun Şuşa ilə bağlı layihələri davam edir
11.01.23
Vaqif Osmanov - Kimdir günahkar, insanlarmı, yoxsa zaman?
06.01.23
“Poetika.izm” jurnalının növbəti sayı çap olunub
05.01.23
“Azərbaycan ədəbiyyatşünaslığı” jurnalının növbəti sayı çap olunub
30.12.22
Əhməd Cavad 130: “Mən bir Turan yolçusuyam”
29.12.22
“Ömər Faiq Nemanzadə” fotoalbomu nəşr olunub
29.12.22
İki beynəlxalq Türk təşkilatı bir arada
26.12.22
Azərbaycanın dünya ədəbiyyatındakı boş qalmış yeri - Kənan Hacı yazır
26.12.22
Almaxanım Əhmədli və sənət dostları İsveçdə konsert verib
26.12.22
Günay Əfəndiyeva Astanada keçirilən Mərkəzi Asiya Media Forumunda çıxış edib
24.12.22
Ədəbiyyat İnstitutunda Kamran Məmmədovun 100 illik yubileyi qeyd olunub
23.12.22
Bu il hərraclarda satılan ən bahalı rəsm əsərlərinin adı açıqlanıb
23.12.22
Günay Əfəndiyeva Qazaxıstan İnformasiya və sosial inkişaf naziri ilə görüşüb
22.12.22
Əziz Dövlətabadinin “Süxənvərani-Azərbaycan” kitabı çapdan çıxıb
22.12.22
Beynəlxalq Türk Mədəniyyəti və İrsi Fondunun prezidenti Qazaxıstanın mədəniyyət və idman naziri ilə görüşüb
22.12.22
“Atabəylər: Şəmsəddin Eldəniz” layihəsinin musiqi tərtibatı üzrə müsabiqə elan edilib
21.12.22
“II Sumqayıt Kitab Sərgisi”nin proqramı açıqlandı
21.12.22
Günay Əfəndiyeva Qırğız Dövlət Dil və Dil Siyasəti üzrə Milli Komissiyanın sədri ilə görüşüb
20.12.22
“Mifoloji lüğət” kitabı işıq üzü görüb
20.12.22
Beynəlxalq Türk Mədəniyyəti və İrsi Fondunda “Türk dövlətləri: Şərq və Qərb arasında körpü” adlı dəyirmi masa keçirilib
19.12.22
Aleks de Val - Aclıq və feminizm
19.12.22
Beynəlxalq Türk Mədəniyyəti və İrsi Fondunun birgə əməkdaşlığı ilə beynəlxalq elmi konfrans keçirilib
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.