Sevinc Elsevər - Bir əliylə donunun ətəyindən tutan...
06.05.15

Artpress.az gənc yazar Sevinc Elsevərin şeirlərini təqdim edir.

 

Akvarium


didişir balıqlar akvariumda
güclülər gücsüzü didir
gücsüzün getməyə yeri yoxdu
dörd yanı şüşədi
keçilməz şüşə
şüşədən o yanda naməlum dünya
gözləri nə boyda olan adamlar...

didişir insanlar ölkəmdə
güclülər gücsüzə qənim
gücsüzün getməyə yeri yoxdu
dörd yanı divardı, daşdı keçilməz
divardan o yanda biganə dünya
yad dildə danışan, yazan adamlar
divarı yarsan
sərhədi aşsan
səni xırda akvarium balığı qədər
görən adamlar

didişir balıqlar akvariumumda
sülhü yarada bilmirəm bir damcı yerdə
Allahı bə niyə qınayırlar
bir-birin didirsə adamlar yerdə?!


***
əvvəllər məktub yazırdı sevdiyi kişiyə
utana-utana verərdi
indi siyahı yazıb verir əlinə
yenə utana-utana
"pulu çatacaqmı, çatmayacaqmı?"-düşünə-düşünə
siyahı uzun çıxırsa
ixtisar edir
sevgi məktublarından da sözləri
çıxarıb atırdı belə
hansılar ki, incidə bilərdi.


Dünyadan doymuş adama

daha  kimsədən hörmət gözləməyəndə
daha heç kimə hörmət eləməyəndə
heç kimdən sevgi ummayanda
heç kimi sevə bilməyəndə
özünü dəli yellərə təslim eləyəndə
saman çöpü
bağçadakı oyuq kimi
gah sərxoş, gah ayıq kimi
azadsan deməli...
azadsan deməli
qorxmursan ölümdən
itirməyə yoxdu heç nəyin
heç nə gəlmir əlindən
səni dara çəksələr də
son söz qopmaz dilindən
nə aman dilərsən
nə əlvida söylərsən
o qədər azadsan hətta
o qədər

Allahdan qorxun yoxdu
bəndədən hürkün
sevgi hiss eləmirsən
nifrət desəm
o da yoxdu
cəhənnəm nağıl kimi
cənnətə gülürsənsə
cənnəti havayı verələr
istəmirsənsə
əbədi olan hər şeyə
daima yanmağa məhkum günəşə yazığın gəlirsə
günəş elə cəhənnəmdədisə sənə görə
azadsan
ölüm tükünü də tərpədə bilməz
ürkək-ürkək döyər qapını
içəri girməzdən qabaq
kandarda üzr istəyər
müvəqqəti narahatlığa görə...


Nərminimin duası

Allah baba,
sən  neçəyə qədər saya bilirsənsə   
atam ondan çox yaşasın
mənə iyirmiyə qədər saymağı öyrədib müəlliməm... 
 

***
bir az əvvəl onu bıçaqlayıb 
öldürən kişinin
açılmış üstünü örtür 
yuxudan hövlnak  sıçrayıb ayılan qadın
bıçaqlanan yeri sızıldayır hələ də
yuxusunu suya danışmaq üçün gedir mətbəxə
elə ehtiyatla yeriyir ki
yarasından qan damacaq sanki...



***
avtobusda
məzəmmətli baxışlar altında
bir əliylə dəmir dirəkdən
bir əliylə donunun ətəyindən tutan
pəncərədən vuran yelin
ətəyini də
avtobusun qara pərdələri kimi
havalandırmağa qoymayan qızcığaz
bu donu
elə küləklə oynasın deyə
geyinmişdi...

"Avanqard" ədəbiyyat və mədəniyyət jurnalı

Yenililklər
23.02.24
Kənan Hacı - Korifeyin həyatını cəhənnəmə çevirən Dahi - Mahir Qarayevin "Sonuncu korifey" romanı üzərinə qeydlər
10.02.24
Öz nəğməmlə tək qalmışam indi mən - Höte
08.02.24
Gülnar Səmanın “Sözümüz sözdür-2” kitabı “GlobeEdit” nəşriyyatında çap olunub
01.02.24
Rus poeziyasının Gümüş dövrü - Seçmə şeirlər
01.02.24
Rəşad Səfər - Çığıranlar və çığırmayanlar
29.01.24
“İsveç nəsr antologiyası” ilk dəfə Azərbaycan dilində
29.01.24
Küyülü Nəccari Səid - Olumla ölüm arasında
29.01.24
Qulu Ağsəs haqqında kitab işıq üzü görüb
27.01.24
Natəvana "yaxılan" qara və qırmızı boyalar - Fərid Hüseyn yazır
25.01.24
Mahir N. Qarayev - Qara maskalı qatil
25.01.24
Tanınmış alim Paşa Kərimov vəfat edib
25.01.24
Fərid Hüseyn - Sözümüzü Allaha çatdırana vida
24.01.24
Vaqif Sultanlının “İnsan dənizi” romanı Təbrizdə yayınlandı
16.01.24
"Arşın mal alan" Ankara Dövlət Opera və Balet teatrında nümayiş olunub
16.01.24
Mahir N. Qarayev - Bir dəqiqəlik sükut, yaxud fikirli gördüyüm fikir adamı
16.01.24
Səfər Alışarlı - "Səs" romanı ustalıqla yazılmış əsərdir
16.01.24
Dünyaca məşhur roman Azərbaycan dilində - İlk dəfə
16.01.24
Səlim Babullaoğlu - Düma, Natəvan, xəncər, arxalıq və oyun
14.01.24
Ədəbiyyat İnstitutunda unudulmaz şair Nurəngiz Günə həsr olunmuş tədbir keçirilib
10.01.24
Bu boyda ömrü məhəbbətsiz necə yaşayasan? - Orxan Vəlinin Nahit xanıma məktubları haqqında - Fərid Hüseyn
10.01.24
Bolqarıstanda beynəlxalq festivalda ölkəmizi “Açar” bədii filmi təmsil edəcək
10.01.24
Tanınmış yazıçı, ədəbiyyatşünas Çingiz Hüseynov vəfat edib
10.01.24

"Dünya ədəbiyyatı" dərgisinin "Macarıstan" sayı və "Macar ədəbiyyatı" antologiyası nəşr olunub

26.12.23
Zərdüşt Əlizadə - Qəm-qüssə, kədər şairi
20.12.23
Fərid Hüseyn - Orxan Vəlinin Nahit xanıma məktubları haqqında
18.12.23
İki şair, iki şeir - Mahir N. Qarayev və Sesar Valyexo
18.12.23
Fərid Hüseyn  Bişkekdə Çingiz Aytmatova həsr olunan beynəlxalq forumda iştirak edib
13.12.23
Yun Fossenin Nobel mühazirəsi
11.12.23
2024-cü il üçün Türk dünyasının mədəniyyət paytaxtı Şuşadan Türkmənistanın Anev şəhərinə ötürülüb
11.12.23
Moskvada Əsgər Məmmədovun “Nar dastanı” adlı rəsm sərgisi açılı
11.12.23
Mixail Lermontov - Vəsiyyət    
11.12.23
Tutu Ağayeva - "Gözəgörünməzlər"in görünən və görünməyən tərəfləri
09.12.23
Səlim Babullaoğlu TÜRKSOY tərəfindən təltif olundu
09.12.23
Səlim Babullaoğlu - Allah və vətən aşiqi, böyük şair
09.12.23
Bakıda “Məhmət Akif Ərsoy. Seçmə şeirlər” kitabının təqdimatı olub
05.12.23
Dünya şöhrətli rumın şairəsi Ana Blandiana Bakıya gələcək
05.12.23
Kənan Hacının hekayəsi - Cin qapını bağlayır
05.12.23
Elçin Hüseynbəylinin hekayəsi - Dərs
05.12.23
Yevgeni Rezniçenko - Çağdaş rus poeziyası
30.11.23
Anar Məcidzadə - Canına dərd düşsün, ayrılıq salan
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.