Bu gün Bakı Beynəlxalq Multikulturalizm Mərkəzində Azərbaycan Respublikasının Prezidenti yanında Qeyri-Hökümət Təşkilatlarına Dəstəyi Şurası və Azərbaycan Yaradıcılıq Fondunun birgə həyata keçirdiyi "İstedadlı insanlara dəstək olmaqla onların ictimaiyyətə tanıdılması üçün yeni imkanların yaradılması" layihəsi çərçivəsində (iki şeir, iki nəsr) çap olunmuş dörd kitabın təqdimat mərasimi keçirilib.

Tədbiri Azərbaycan Yaradıcılıq Fondu aparat rəhbəri Qismət Rüstəmov açaraq layihə haqda geniş məlumat vermişdir.

Daha sonra tədbirdə müəliflər çıxış etmiş, layihə rəhbərlərinə təşəkkür etmişdir.

Qeyd edək ki, gənc nasirlər Ömər Xəyyam və İkinci Mahmud, gənc şairlər Fəridə Məmmədova və Alikin müəllifləri olduğu kitablar bu layihə çərçivəsində çapdan çıxmış ilk kitablarıdır. /manera.az/