Müstəqil, art-underground ADO teatrı növbəti tamaşasını tamaşaçılara təqdim edəcək. Bu barədə teatrın rəsmi səhifəsində (fb.com/adoteatr) yayılan məlumatda deyilir.

Dekabr ayının 21 və 22-si saat 19:00-da ADO teatrında premyerası olacaq tamaşanın adı “Ağ-Qara”dır.

Tamaşanın müəllifi və rejissoru teatrın rəhbəri Elmin Bədəlovdur.

Teatr öz ənənəsinə sadiq qalaraq budəfəki tamaşasında da tamaşaçıları hadisələrin mərkəzinə çəkəcək. Teatrın repertuarında yer alan ikinci “Ağ-qara” tamaşası da sözsüzdür.

Qeyd edək ki, 1 sentyabr 2015-ci ildə yaranan ADO teatrı bu tamaşadan əvvəl ilk tamaşası olan “STOP”u hazırlayıb. Yeni yaranmış teatr “Ağ-Qara” tamaşası ilə repertuarına 2-ci tamaşanı əlavə etmiş olub.

Teatr hər nümayiş üçün 30 bilet olmaqla 2 gün nəzərdə tutulan premyeraya 60 bilet təqdim edəcək. Biletlər 3 hissədən ibarət olacaq: Ağ, Qara və Bitərəf. Tamaşaçılar biletləri təqdim edən aktyorlardan istədikləri rəng bileti əldə edə biləcəklər. Yerlər məhduddur.

Qeyd:
Müəllif və rejissor: Elmin Bədəlov
Rəssam və dekor: Leyla Quliyeva, Atəş Əzizov
Xareoqraf: Rumiyyə Ağayeva
Aktyorlar: Anar Əliyev, Elza Furtado, Nihad Qulamzadə, Elmin Bədəlov, Rumiyyə Ağayeva, Kənan Səlimli, Orxan İsgəndərli
Biletləri təqdim edir: Aynur Zərrintac (Qara), Sahip Kərimli (Ağ)

Biletin qiyməti: 5 azn
Ünvan: Dilarə Əliyeva 141 (Qış parkına paralel, Şahmat klubunun yaxınlığı)
Əlaqə: (050) 394 48 64 və ya (070) 219 83 33
İnformasiya dəstəyi: Fraqment.Az
Rəsmi səhifə: fb.com/adoteatr
E-mail: [email protected]