Azərbaycanda ilk dəfə trash üslubda dizayn edilmiş art cafe yanvarın 10-u açılışını edəcək. Bu barədə TRASH art cafenin facebook səhifəsində elan verilib (fb.com/trashartcafe).

Art kafenin açılışı 10 Yanvar saat 16:00-dan 23:00-a kimi davam edəcək. Fərqli üslubu ilə seçilən kafenin açılışında trash üslubunda hazırlanmış əl işlərinin nümayişi və konsert proqramı nəzərdə tutulub. Bunlardan əlavə insanların istirahətini xoş keçirmələri üçün müxtəlif sürprizlər hazırlanıb.

Artıq yanvarın 10-dan sonra art kafe hər gün saat 13:00-dan 23:00-a kimi müştərilərinin xidmətində olacaq.

Kafe daha çox mədəniyyət nümunələrinin nümayişinə üstünlük verəcək. Bunlardan əlavə kafedə mədəniyyət insanları – rəssamlar, aktyorlar, rejissorlar, fotoqraflar, musiqiçilər və digər tanınmış sənət adamları ilə insanların görüşləri təşkil olunacaq. Eyni zamanda kafedə kinozal da fəaliyyət göstərəcək. Həmin kinozalda hər gün dünya və Azərbaycan istehsalı olan müxtəlif növ və janrlı filmlərin nümayişi təşkil olunacaq. Bunlardan əlavə kafe hər ay öz yenilikləri ilə insanların istirahətini daha rəngarəng edəcək.

Açılış: 10 yanvar saat 16:00-23:00
Giriş: Sərbəst
Ünvan: Dilarə Əliyeva 141 (Şahmat klubunun yaxınlığı, Qış Prakına paralel küçə).

Videoxəritə: Əlavə olunacaq...

Hazırlıq: https://www.youtube.com/watch?v=NbpzZhq0Tis

Əlaqə: 050 394 48 64 ; 070 219 83 33 və 055 311 05 98