Fransanın Azərbaycandakı səfirliyi və Fransız İnstitutu tərəfindən Belçika, İsveçrə, Rumınıya, Litva, Yunanıstan, Mərakeş və Misir səfirliklərinin iştirakı ilə 5-17 aprel tarixlərində Bakıda təşkil olunan « Fransız dili və Frankofoniya Həftəsi » çərçivəsində, Fransa səfirliyi böyük ustad Marsel Marsonun tələbəsi olan fransız pantomima aktyoru Loran Dekolu dəvət edir.
Bu münasibətlə, fransız pantomima aktyoru Loran Dekol, ADO Teatrı, Fransanın Azərbaycandakı səfirliyi və Fransız İnstitutu ilə birgə, bazar ertəsi 11 aprel və çərşənbə axşamı 12 aprel tarixlərində ADO Teatrında peşəkar aktyorların iştirakı ilə WORKSHOP təşkil edəcək.

Workshop bazar ertəsi 11 aprel və çərşənbə axşamı 12 aprel tarixlərində saat 14:00 və 19:00 arasında ADO Teatr-da (Dilarə Əliyeva 141) keçiriləcək və cəmi 10 saat olmaqla hər gün 5 saat təşkil edəcək.

Təlim peşəkar aktyorlar üçün nəzərdə tutulur.

Daha ətraflı məlumat üçün ADO teatrı haqqında :
ADO - müstəqil teatr. ADO-nun təsisçi və bədii rəhbəri, ölkənin ilk müstəqil teatrı olan Oda-nın da təsisçisi olan Elmin Bədəlovdur. Teatrın təsisçisi müəllifi və rejissoru olduğu tamaşaları ilə Azərbaycan teatrında yeni xətli bir yol yaradıb. 31 mart 2016-cı il tarixindən isə Oda və ADO teatrları repertuarlarını birləşdirərək ADO teatrı adı ilə fəaliyyətini davam etdirir. Teatrın yaranma tarixi 15 iyul 2013-cü il kimi götürülür.

Ünvan: Dilarə Əliyeva 141
Tel: 050 394 48 64
070 219 83 33
E-mail: [email protected]
Rəsmi səhifəsi: fb.com/adoteatr
***
Daha ətraflı məlumat üçün workshop haqqında:
ADO teatrı / Tel: 050 394 48 64 ; 070 219 83 33
E-mail: [email protected]
Fransız İnstitutu / 596 35 80 ; 051 390 96 28
[email protected]

Daha ətraflı məlumat üçün « Fransız dili və Frankofoniya Həftəsi » haqqında :
Fransız İnstitutu / https://www.facebook.com/ifa.bakou / Tel: 596 35 80 ; 051 390 96 28
Fransanın Azərbaycandakı səfirliyi: http://www.ambafrance-az.org/

***
Loran Dekol haqda qısa məlumat:
Loran Dekol 100-ə yaxın ölkədə 2000 tamaşa və təlim stajları həyata keçirmiş jest teatr  şirkətinin bədii rəhbəridir.

Loran Dekol Marsel Marso və Etyenn Dekrunun imtiyazlı tələbəsi  idi. Bundan başqa, o, Jan-Luk Lagars,  Andre Benişu, Denis Llorka, Fransua Jakob tərəfindən səhnələşdirilmiş  çoxsaylı digər tamaşalarında bir aktyor kimi çıxış edir ...

O, həmçinin Marsel Marso adına Mimodrama Beynəlxalq Məktəbinin professoru, Franş-Konte regionun Mədəniyyət İşləri direktoru və Qabon Respublikası Mədəniyyət və İncəsənət Nazirinin müşaviri idi.

Bir neçə ildir ki, o, teatr-drama məktəblərində, şirkətlərdə məşqçi kimi qeyri-verbal dil və bədən ifadəsi üzrə təlim stajları canlandırır.

Onun müasir pantomima aktyorunun  görünüşü uzun iş təcrübəsinə əsaslanır. O, aktyorların formalaşmasına bu fənni daxil etmək fikrini daimi müdafiə edir.

Pantomima, əvvəllər yalnız təsadüfi məcburiyyət qarşısında ortaya çıxırdı (səssiz kino, commedia d'el Arte, dil problemləri ..), amma sonralar Deburo, Marso və Barro Dekru kimi aktyorların sayəsində öz-özlüyündə bir ayrı dil, ifadə tərzi və müstəqil fənn olmuşdur.

Bu sıraya  Çaplinin, Buster Keatonun, Jak Tatinin adları da əlavə olunmalıdır, Loran Dekol onların varisi və davamşısıdır. Bədən pantomiması aktyoru üstünlüyü jestlərə, münasibətlərə verməlidir,  amma səs effektləri və hətta sözləri işlətməkdən çəkinməməlidir.

O, Marsel Marso Beynəlxalq Pantomima məktəbinin və Danimarkanın Holstebro şəhərində yerləşən aktyorluq sənəti üzrə araşdırmalar İnistitutunun məzunudur. 

O, 2000-ci ildə İncəsənət və Ədəbiyyat ordeni ilə təltif olunub.
O, "Aperçus" incəsənət jurnalının  baş redaktoru olmuşdur.
O, Fransa və xaricdə pantonima festivallarında bir çox mükafatlar qazanmışdır.
Onun yaratdığı əsas tamaşalar aşağıdakılardır:
« Timoleon Mangus »
« Mimika səssizliyə söz verir »
« Oh Lac »
« Professor Nebelkot»
« Zoo Story »
« Avroranın gözləri »
« Əşyalar da ölür »
« Heyvanat parkında bir adam »
« Məktəb jestləri »

Onun  "Tikilmiş ağız" tamaşası, komik və gözlənilməz hallar ilə üzləşən son dərəcə xüsusi, lovğa, təkəbbürlü, özündən razı və gülünc personaj səhnələşdirir. Bu personajın saysız yersiz hərəkətləri gülüşə hətta qəhqəhəyə səbəb olur.