Hədiyyə Şəfaqət - Bir daha məndən doğulmaq istərsənmi
28.06.16

***

...Alma çiçəklərinin fəsliydi,
Axşamdı,
Leysandan sonra göy üzü mas-maviydi-
Mənə öləcəyimi dedilər....
Çiyinlərimi çəkdim...
Amma
Bir də xain gözlərim doldu, iki damla yaş
Dodaqlarıma doğru süzüldü
Üzümü pəncərəyə tutdum....
Dənizin sakit sularında ağ yelkənli qayıq üzürdü...
"Amma, bilirsiniz, indi..."
"Bəsdir,
Nə ehtiyac var", əlimi yellədim,
"Mən, onsuz da bilirdim"...
Günəş
Yan binanın son mərtəbəsini qucaqlamışdı şəfəqləriylə.
Sonra göyərçinlər uçub gəldi hardansa,
Dünyanın ən sehrli səsiylə qarşımda
Ağ qanadlar...
"Mən gedirəm"...
"Suyunuzu için"...
"Hər şey qaydasındadır"...
Qırmaq lazımdır bütün əlaqələri,
Dünyanın bütün həkimləriylə...
...Uzaqlarda,
Pəncərəsindəki yağış damcılarının
İzini silmək istəməyən bir adam var...
Öz qorxularına şeir pıçıldayır,
Deyir ki, bitməyib...



***

..Bir dəstə çobanyastığı aldı adam
Küçə çiçəkçisindən...
Qoxladı,
Heyrətləndi
"Qəribədir,
Bunlardan uzaq çöllərin ətri gəlir"
Gülümsədi çiçəkçi-
"Onları bağçamdan topladım"...
"Baxçanda günəş doğur?",
"Əlbəttə!"...
"Gecə yağış da yağıbmış"...
"Hə"...
Adam barmaqlarının ucunu
Ləçəklərdə qalan su damcılarına toxundurdu -
"Gözəldir"...
...Üzünü dənizə tutdu adam
Qağayılar sakit,
Səma tər-təmizdi.
Titrək əlləriylə
Çobanyastığı çiçəklərini bir-bir ayırdı dəstəsindən
Sulara atdı -
"Qadınım!"- söylədi astaca,
"Sənə çöl gətirdim"...


***

...Əsgər,
Silahını aşağı endir...
O ölüm istəyən, o qan istəyən
Gözünün içinə baxmaq çətindi
Nə sərhədd pozanam,
Nə düzən pozan
Nə soyuq silahım, odlu silahım, nə topum, nə mərmim...
Var mənim...
Olanım tək budur-çırpınan qəlbim...
Bilirəm,
Sinəmə tuşlanan tüfəng
Açıla da bilər, açılmaya da
Yalvarış, göz yaşı, israr, etiraz
Heç biri
Bir işə yaramır indi...
Amma duyursanmı,çəkildiyin bu tablonun tək adı -
Müharibədir...
Və mən istəmirəm sən öldürəsən
Bu çox alçaqcadır,
Alçaqca pisdir...
Yığılar bir yerə bəbəklərimdə
Ön və arxa cəbhə,
Dəhşətli hissdir
Görərəm tökülər kətanın üstə
Qarışar savaşın bütün rəngləri...
Ölüm  göndərilər geriyə-evə
Səslənər gah orda, gah burda azan
Və dua
Və lənət
Kilsə zəngləri...
...Uşaqlar
Küçədə oynayıb durar...
Beş addım o yanda yanar hələ də
Dağılmış bir evin xarabazarı,
Vurulmuş əsgərin meyiti üstə
Bir qadın ağlayar
Qadın ki, qadın!...
Çiçəklər...
Açılar hasar dibində
Güllə səslərinə
Bir də Günəşə...
Balaca bir qızın arıq əlləri
Yapışıb durmağa bir əl axtarar
İçindən kədərli dağıntıların...
Rəssam
Davam edər,
Onun fırçası
Dünyanın ən kəskin rəngini-qanı
Bahalı tabloya çevirməkdədir...
Sümüklər-əla növ çərçivələrdir...
...Əsgər
Silahını aşağı endir...
Çıx get bu torpaqdan,
Hardasa,
Orda,
Elində səni bir qadın gözləyir...



 ***

...Sən bir də doğulmaq istərsənmi, Şəms?
İstərsənmi?
İstərsənmi...
İstərsənmi
Gecələr
Daş divarlı qaranlıq hücrələrin
Soyuq döşəməsində uyumaq
Gündüzlər
Dar dəhlizlərində dolaşmaq məbədin...
Eşq!
Və gözləmək...
Sonra sən
Son baharda,
Açılarkən
Sarı çöllərdə ümid çiçəkləri,
Uzuuuun bir yolçuluq
Başlarkən...
Bir daha məndən doğulmaq istərsənmi,
Şəms,
İstərsənmi?..
Ruhun
Kəpənək qanadları kimi zərif
Ayaq səslərin
Torpağın ovcunda daşınırmış kimi
Yumşaq...
Özün
Külək-külək şeirlər kimi azad
Olacaqsan...
...Bətnim məbəd kimidir
Şəms,
Məbəd kimidir...
Gəl!...

Yenililklər
13.06.24
“Divanü lüğat-it-türk”ün II və III cildləri nəşr olunub
13.06.24
“Ulduz” jurnalının may nömrəsi çap olunub
13.06.24
Azərbaycanda aparıcı teatrların siyahısı təsdiqlənib, işçilərin maaşları artırılıb
05.06.24
Özbəkistanlı şairlərin şeirləri Azərbaycan dilinə tərcümə edilərək nəşr olunub
05.06.24

Qulu Ağsəs haqqında yeni kitab çap edilib

24.05.24
Kino şirkətlərinə yeni imkan: post-prodakşna dəstək
22.05.24
Kənan Hacı - Salman Mümtaz Leninə nə deyəcəkmiş?
22.05.24
2024-cü ilin Ədəbiyyat üzrə Beynəlxalq Buker Mükafatının qalibi məlum olub
21.05.24
Professor Edmund Herziq: Nizami Gəncəvinin əlyazmalarının vahid kataloqu üç dildə nəşr ediləcək
21.05.24
Azərbaycanda iki teatrın adı dəyişdirilir və işçilərinin maaşı artırılır
20.05.24
“Linqvistik nəzəriyyənin əsasları” kitabı nəşr olunub
20.05.24
Hüseyn Arifin anadan olmasının 100 illiyi münasibətilə “Arxada qalan illər” adlı kitab nəşr edilib
20.05.24
Fransada azərbaycanlı rəssamın fərdi sərgisi keçirilib
15.05.24
Ülvi Babasoyun “Ədəbiyyatda postmodernizm: oyun estetikası” kitabı təqdim olunub
09.05.24
Həcər Atakişiyeva - Məhəmməd Füzulinin poeziyasının dili və üslubi xüsusiyyətləri
06.05.24
Həmid Herisçi: Öz adıma ədəbiyyat müharibəmi bitirdim
06.05.24
Kino Agentliyi “Qızılalma” Festivalında mükafata layiq görüldü
06.05.24
Kino ictimaiyyəti narahatdır: 38 nömrəli qərar ləğv olunacaqmı?
04.05.24
Cahid Camal “Xalq Əmanəti” layihəsinin 24-cü nəşrində
03.05.24
Gülnar Səma - Ramil Mərzilinin “Qadağan olunmuş şeirlər”i
03.05.24
Asif Rüstəmlinin “Cümhuriyyət məfkürəsi” kitabı çap olunub
03.05.24
Azad Qaradərəli - Şəhid toyu
02.05.24
ARKA-nın Apellyasiya Komissiyası müraciətlərlə bağlı qərar verdi
02.05.24
“Əlyazma abidələri: ənənə və müasirlik” kitabı çapdan çıxıb
02.05.24
Məşhur yazıçı Pol Oster vəfat edib
02.05.24
Azərbaycanlı alimin beynəlxalq konqresdə məruzəsi dinlənilib
02.05.24
Türkiyənin bütün bölgələrində Azərbaycan Mədəniyyət Günləri keçiriləcək.

01.05.24
Orhan Aras - Bedirhan Ahmedov: Yorulmaz Bir Bilim Adamı...
01.05.24
Cavanşir Yusifli - Gənc şairlərə məktub - Sözün ayağı dəyməyən yerlər
01.05.24
Türkiyədə Məhəmməd Füzuliyə həsr olunan beynəlxalq konfrans keçiriləcək
01.05.24
Nar ağacı - Kənan Hacının yeni hekayəsi
30.04.24
Ömür gəlib keçər, qalan əməldir
29.04.24
Qulu Ağsəs - 55
29.04.24
 Yazıçı Eyvaz Zeynalovun “Nadir şah” romanı nəşr olunub
26.04.24
Mahir N. Qarayev - Mənə o dünyanı göstər, İlahi
25.04.24
Bakıda Çingiz Aytmatovun abidəsinin açılış mərasimi
25.04.24
Abbasqulu ağa Bakıxanovun “Riyazül-qüds” əsəri nəşr olunub
25.04.24
Mədəniyyət Nazirliyi “Nəşrlərin satın alınması müsabiqəsi”ni elan edir
24.04.24
Azərbaycanlı rejissorun ekran əsəri Kann Film Festivalının qısametrajlı filmlər müsabiqəsinə seçilib
24.04.24
IV Kitabqurdu Müəllimlərin Oxu Marafonu elan edilir
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.