Ülviyyə Heydərova - Kirayə arzular
06.12.16

Prospekt görən xatirələr

Əvvəlcə anama zəng edib məsələni danışdım. Etiraz etmədi, əksinə təsəlli verdi. Odur ki, ürəklənib otaq axtardığımı birinci elə qrup yoldaşlarıma söylədim.

Dərsdən sonra isə əlimə keçəndən ağzıma atıb, Yeganə ilə məhəllələrin canına düşdüm. Yenə həmin səhnələr təkrarlandı: ev sahibləri bizi yuxarıdan aşağı süzüb boş otaqları göstərməyə başladı. Otaqlara baxanda gözüm Yeganəyə sataşdı. O, qaşlarını çatıb ev sahibini elə diqqətlə dinləyirdi, sanki hansısa elmi konfransda akademikin məruzəsinə qulaq asırdı. Ev sahibi isə axşam saat 10-dan sonra darvazanı bağladığından, həyətə oğlanların gəlməsinə etiraz etdiyindən danışırdı. Məni sahibin qoyduğu qadağalar yox, elə Yeganənin özü düşündürdü. Onunla eyni damın altında yaşayacağımı eynəyimin önünə gətirmək istəyəndə şap-şaplarının şappıltısı, yorğanın altında yediyi meyvənin xışıltısı qulaqlarımda səsləndi. Əhvalım səmtini dəyişdi. Ona görə də beynimin sağ yarımkürəsi “hə”, sol yarımkürsi isə “yox” dedi. İki ağıl arasında qaldım. Amma çox düşünmədim, sağ tərəfə yön aldım. Yeganə ilə daha iki-üç otağa baxdım. Orada qadağalar olmasa da, əvəzində otaqların iyindən nəfəsimiz daraldı.

Hələ ayın sonuna bir həftə qalmışdı deyə tələsmədik. Çörək alıb evə qayıtdıq. Sahibə bacımın zəng etdiyini söyləyəndə ürəyim düşdü. Axı, o, heç vaxt zəng etməzdi. Ayaqqabımı soyunmadan “Elmlər akademiyası” stansiyasının qarşısına qayıtdım. Əlinə Nokia 5110 mobil telefon alıb, ağızlarını yaya-yaya “Şəhərə, rayona, Azercell-ə, Bakcell-ə” deyib müştəriləri səsləyən oğlanlardan birinə yaxınlaşdım. Nömrəni söyləyib gözlədim. Cavab verən olmadı. Həyəcanım daha da artdı. Xalamgilə zəng etdim. Düşündüm ki, əgər onlar da cavab verməsə, elə gecə ilə evimizə yola düşərəm. Bir qədər gözləyəndən sonra telefonun o biri xəttindən “Alo” eşitdim. Xalamın yoldaşı idi. Hal-əhvaldan sonra söhbəti elə özü açdı. Sevimli Əsəd əmim rəhmətə getmişdi. Telefonçu oğlana pul ödəyib evə sarı üz tutdum.

Uşaqlıq xatirələrim elə bil birdən-birə Hüseyn Cavid prospektinə səpələndi: əmimoğlu darvazanı açır, əmim furqonlu motosikli ilə həyətə daxil olur. Balıq torunu evinin əhənglənmiş divarına söykəyir, arvadı içi balıqla dolu olan torbanı götürüb mətbəxə cumur. Mənsə bir az motoskldə oynayıb əmimin yayına gəlirəm. O, həmişəki kimi cibindən bir manat çıxardıb, onu dilinə çəkib alnıma yapışdırır. Xatirələrimi prospektdən yığa bilmədim...

Görəsən, balıq xaliqin qədrini nə vaxtsa biləcəkmi?      

Çörəkqabı

Əmimin yasından sonra birinci dərsə çatmaq üçün səhər tezdən Bakıya döndüm. Otağın işığı yanırdı. Yeganə hamamda idi. Çantamı boşaltdım. Şkafdan iki dəftər götürüb rüqzakıma qoydum. Sonra səhər yeməyi üçün çaydanı qızdırdım. Anamın bişirdiyi çörəyi çay dəsmalından ayırıb masaya qoyanda gözüm qırmızı çörək qabına sataşdı. Sonuncu dəfə aldığım çörək kif atmışdı. Elə bildim Yeganə də bu müddət ərzində evdə qalmayıb. Amma qabda yarımçıq yumşaq çörək görəndə hər şey aydın oldu. Yeganə çəkələklərini şappıldada-şappıldada gəldi. Salamlaşmadan çarpayısına yaxınlaşıb siyirməsindən nəsə götürdü. Mən də heç bir söz demədim. Yeganə görsün deyə çörəyi qabdan çıxardıb masanın üzərinə qoydum.

Sonra yağı, pendiri çörəyə qovuşdurub şirinçayla bərabər mədəmə ötürdüm. Ayağa qalxıb radionu yandırdım. Elə istəyirdim ki, həmin an sevimli jurnalistim efirdə olsun. Neçə gün idi ki, onu dinləmirdim. Yadıma yenə onun üstümə bağırması düşdü. Bu dəfə də özümdən utandım. Amma içimdə qəribə bir rahatlıq vardı. Əmin idim ki, nəinki bir gün onunla görüşəcəm, hətta yaxın dost da olacam. Ayağa qalxıb dərsə yollandım. Darvazaya yaxınlaşanda Yeganəni ürəyimdən çıxartdım...

Görəsən, kanalizasiya haqqında xatirələr yazan varmı? /525.az/

Yenililklər
13.06.24
“Divanü lüğat-it-türk”ün II və III cildləri nəşr olunub
13.06.24
“Ulduz” jurnalının may nömrəsi çap olunub
13.06.24
Azərbaycanda aparıcı teatrların siyahısı təsdiqlənib, işçilərin maaşları artırılıb
05.06.24
Özbəkistanlı şairlərin şeirləri Azərbaycan dilinə tərcümə edilərək nəşr olunub
05.06.24

Qulu Ağsəs haqqında yeni kitab çap edilib

24.05.24
Kino şirkətlərinə yeni imkan: post-prodakşna dəstək
22.05.24
Kənan Hacı - Salman Mümtaz Leninə nə deyəcəkmiş?
22.05.24
2024-cü ilin Ədəbiyyat üzrə Beynəlxalq Buker Mükafatının qalibi məlum olub
21.05.24
Professor Edmund Herziq: Nizami Gəncəvinin əlyazmalarının vahid kataloqu üç dildə nəşr ediləcək
21.05.24
Azərbaycanda iki teatrın adı dəyişdirilir və işçilərinin maaşı artırılır
20.05.24
“Linqvistik nəzəriyyənin əsasları” kitabı nəşr olunub
20.05.24
Hüseyn Arifin anadan olmasının 100 illiyi münasibətilə “Arxada qalan illər” adlı kitab nəşr edilib
20.05.24
Fransada azərbaycanlı rəssamın fərdi sərgisi keçirilib
15.05.24
Ülvi Babasoyun “Ədəbiyyatda postmodernizm: oyun estetikası” kitabı təqdim olunub
09.05.24
Həcər Atakişiyeva - Məhəmməd Füzulinin poeziyasının dili və üslubi xüsusiyyətləri
06.05.24
Həmid Herisçi: Öz adıma ədəbiyyat müharibəmi bitirdim
06.05.24
Kino Agentliyi “Qızılalma” Festivalında mükafata layiq görüldü
06.05.24
Kino ictimaiyyəti narahatdır: 38 nömrəli qərar ləğv olunacaqmı?
04.05.24
Cahid Camal “Xalq Əmanəti” layihəsinin 24-cü nəşrində
03.05.24
Gülnar Səma - Ramil Mərzilinin “Qadağan olunmuş şeirlər”i
03.05.24
Asif Rüstəmlinin “Cümhuriyyət məfkürəsi” kitabı çap olunub
03.05.24
Azad Qaradərəli - Şəhid toyu
02.05.24
ARKA-nın Apellyasiya Komissiyası müraciətlərlə bağlı qərar verdi
02.05.24
“Əlyazma abidələri: ənənə və müasirlik” kitabı çapdan çıxıb
02.05.24
Məşhur yazıçı Pol Oster vəfat edib
02.05.24
Azərbaycanlı alimin beynəlxalq konqresdə məruzəsi dinlənilib
02.05.24
Türkiyənin bütün bölgələrində Azərbaycan Mədəniyyət Günləri keçiriləcək.

01.05.24
Orhan Aras - Bedirhan Ahmedov: Yorulmaz Bir Bilim Adamı...
01.05.24
Cavanşir Yusifli - Gənc şairlərə məktub - Sözün ayağı dəyməyən yerlər
01.05.24
Türkiyədə Məhəmməd Füzuliyə həsr olunan beynəlxalq konfrans keçiriləcək
01.05.24
Nar ağacı - Kənan Hacının yeni hekayəsi
30.04.24
Ömür gəlib keçər, qalan əməldir
29.04.24
Qulu Ağsəs - 55
29.04.24
 Yazıçı Eyvaz Zeynalovun “Nadir şah” romanı nəşr olunub
26.04.24
Mahir N. Qarayev - Mənə o dünyanı göstər, İlahi
25.04.24
Bakıda Çingiz Aytmatovun abidəsinin açılış mərasimi
25.04.24
Abbasqulu ağa Bakıxanovun “Riyazül-qüds” əsəri nəşr olunub
25.04.24
Mədəniyyət Nazirliyi “Nəşrlərin satın alınması müsabiqəsi”ni elan edir
24.04.24
Azərbaycanlı rejissorun ekran əsəri Kann Film Festivalının qısametrajlı filmlər müsabiqəsinə seçilib
24.04.24
IV Kitabqurdu Müəllimlərin Oxu Marafonu elan edilir
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.