Sara Selcan - Gəmisiz limanlarda yola çıxıb yosunlar
29.12.16

Şükür, İlahi!

Min sirrin var bilinməyən,
Dil-dodaqla deyilməyən,
Alnımızda görünməyən
Yazına şükür, İlahi!

Yaş var qısa, yarımçıq
Yaş var qarğadan da çox,
Yaratdın Körpəsindən qarıcıq,
Pozuna şükür, ilahi!

Şeytanın mələk dondakı,
Cənnət cəhənnəm sondakı,
Yaşılca yarpağındakı
Tozuna şükür, İlahi!

Cücərtmişəm qəm toxumu,
Kədər udub qorxumu,
Nə qəmli yozdun yuxumu,
Yozuna şükür, İlahi!

Bir sünbülə min dən verdin,
Min dərdə bir bədən verdin,
Verdiyini birdən verdin,
Azına şükür, İlahi!

Qara bağ

Qərənfillərin belinə bağlandı
Yanvarın iyirmisi,
Qərənfillər məzar dəlisi
O gündən...

Qara bağ
əsgər tabutları,
şəhid bolluğu,
bələklə
səngər arası
ağrı çəkir torpaq,
illərdi  susuruq bu boşluğu.

Qara bağ
Xəritədə 20 faiz,
Ürəyimizdə min misqal,
Ruhumuzu skalioz etdi
Bu İşğal.
Vətən onurğasından ağrıyır.

lll

Duyduğum bu kədərin
Qəribə qoxusu var,
Kim deyirsə, yalandır,
Quşun da yuxusu var.

Qağayının yuxusu
Dənizdəki ləpədir.
Göyərçinin yuxusu
Körpədən də körpədir.

Qaranquşun yuxusu
Saman çöpündə itir.
Sığırçının yuxusu
Gömgöy yemlikdə bitir.

Uyğusu sığal çəkir
Çöllərə küləklərin,
Yuxusundan tanıdım
Ən gözəl mələkləri.

lll

Yetim uşağın xəyalları


Hamınıza düşəcək atam alan şirnidən,
Görərsiniz necə dadlıdır,
necə rəngbərəng,
Kim hansından istədi götürər.
Ad günümə gələndə sizə göstərəcəm
Öz otağımı,
Bütün oyuncaqlarımı.
elə möhkəm səsi var ki,
mənim avtomatımın
İnanmırsınız atıb baxın,
Elə bil əsl avtomatdır .
Onu atanda qonşu itləri qorxar.
Mənim robotum bütün robotları yıxar.
Görsəniz bacımın gəlinciyini
Sarışın saçlı, gözləri yaşıl,
Adam kimi danışır.
nə boydadır boyu,
çoxdan istəyirdi bacım bunu.
Sizinkini ötəcək velosipedim
yarışsaq,
Təkərlərini muncuqlarla bəzədim,
Buludların üstüylə sürürəm lap onu,
Ötərəm, ötərəm hamını.
Bu xəyallarla yatır uşaq,
Gül yastığa batır uşaq.
Nə şirindir yuxusu,
Divardakı şəkil susur,
susur.
Uşaqsa
yuxusunda dostlarına
Bunların hamısını atam alıb deyir,
Öz Atam.
...Uşağın xəyallarını gerçəkləşdirə bilmir
Şəkildəki adam...

lll

Gəmisiz limanlarda
Yola çıxıb yosunlar
Dənizlərdə su hanı
Saçlarını yusunlar.

Yosunlar vəfalıdır
Vəfasız gəmilərə.
Çınqılsız sahillərdə
Kimə, kimə, kimlərə.

İtib-batır aylarla
Gəmilərin fit səsi,
O səsdə dincin alır
Yosunların nəfəsi.

lll


Canım bu qədər ağrımazdı,
Çölün düzündə
Xırda qarışqanın ruzisi olsam,
 Kiçik ocaqda
Tez sönən bir parça kösövtək yansam,
Sınıq qədəhlərə dolsam, dolsam,
Su olsam...
Dan yerinin oyatdığı kəpənək olsam,
Şeh olsam o kəpənəyin ayaqlarında,

Tənha ağac olsam,
Tək-tənha,
meşələrin qırağında.
Canım bu qədər ağrımazdı.
Siz ağrıtdınız.

İri daşların yanında xırda kəsək olsam-
Şəlalələr sıçradığı,
Daşlarda bitən çiçək olsam,
Ləçək olsam - küləklərin qırdığı,
Külək olsam divanə,
hamının tanıdığı.
Canım bu qədər ağrımazdı,
Siz ağrıtdınız,
Siz!

lll

Qadın tarlasını şumlayır kişilər...
Bu şumda adam becərir
əlləri-qolları palçıqlı Tanrı.
Qadını kişidən,
Kişini torpaqdan
Hazırlayıb,
nəfəsindən üfləyib ona
can verir, ruh verir,
Dilinə söz,
gözünə nur verir
Qadir Tanrı
yaratd ıqlarının.

Oddan yaratdığı  mələk
Çox vaxt felinə salır
Palçıq bədənliləri.
Hər şeyi itirib alma dadına,
Adəmi azdıran həmin qadınla
başlayır
Yer üzünə tullanışı  tarixi
Bütün bəndələrin-
Cənnətdən qovuluş cəzalı.
Günahkar bəndələr heç nə olmamış kimi
Hər gün qayğılı
Qayıdırlar
tövbənin ətəyinə yıxılı,
Səcdə edirlər
Hər şey istəyib.
Tövbə qapısı açıqdı həmişə,
Sevib bağışlayır
Yaratdıqlarının hər günahını
Təkcə Şeytana acıqlı Tanrı.

Yenililklər
13.06.24
“Divanü lüğat-it-türk”ün II və III cildləri nəşr olunub
13.06.24
“Ulduz” jurnalının may nömrəsi çap olunub
13.06.24
Azərbaycanda aparıcı teatrların siyahısı təsdiqlənib, işçilərin maaşları artırılıb
05.06.24
Özbəkistanlı şairlərin şeirləri Azərbaycan dilinə tərcümə edilərək nəşr olunub
05.06.24

Qulu Ağsəs haqqında yeni kitab çap edilib

24.05.24
Kino şirkətlərinə yeni imkan: post-prodakşna dəstək
22.05.24
Kənan Hacı - Salman Mümtaz Leninə nə deyəcəkmiş?
22.05.24
2024-cü ilin Ədəbiyyat üzrə Beynəlxalq Buker Mükafatının qalibi məlum olub
21.05.24
Professor Edmund Herziq: Nizami Gəncəvinin əlyazmalarının vahid kataloqu üç dildə nəşr ediləcək
21.05.24
Azərbaycanda iki teatrın adı dəyişdirilir və işçilərinin maaşı artırılır
20.05.24
“Linqvistik nəzəriyyənin əsasları” kitabı nəşr olunub
20.05.24
Hüseyn Arifin anadan olmasının 100 illiyi münasibətilə “Arxada qalan illər” adlı kitab nəşr edilib
20.05.24
Fransada azərbaycanlı rəssamın fərdi sərgisi keçirilib
15.05.24
Ülvi Babasoyun “Ədəbiyyatda postmodernizm: oyun estetikası” kitabı təqdim olunub
09.05.24
Həcər Atakişiyeva - Məhəmməd Füzulinin poeziyasının dili və üslubi xüsusiyyətləri
06.05.24
Həmid Herisçi: Öz adıma ədəbiyyat müharibəmi bitirdim
06.05.24
Kino Agentliyi “Qızılalma” Festivalında mükafata layiq görüldü
06.05.24
Kino ictimaiyyəti narahatdır: 38 nömrəli qərar ləğv olunacaqmı?
04.05.24
Cahid Camal “Xalq Əmanəti” layihəsinin 24-cü nəşrində
03.05.24
Gülnar Səma - Ramil Mərzilinin “Qadağan olunmuş şeirlər”i
03.05.24
Asif Rüstəmlinin “Cümhuriyyət məfkürəsi” kitabı çap olunub
03.05.24
Azad Qaradərəli - Şəhid toyu
02.05.24
ARKA-nın Apellyasiya Komissiyası müraciətlərlə bağlı qərar verdi
02.05.24
“Əlyazma abidələri: ənənə və müasirlik” kitabı çapdan çıxıb
02.05.24
Məşhur yazıçı Pol Oster vəfat edib
02.05.24
Azərbaycanlı alimin beynəlxalq konqresdə məruzəsi dinlənilib
02.05.24
Türkiyənin bütün bölgələrində Azərbaycan Mədəniyyət Günləri keçiriləcək.

01.05.24
Orhan Aras - Bedirhan Ahmedov: Yorulmaz Bir Bilim Adamı...
01.05.24
Cavanşir Yusifli - Gənc şairlərə məktub - Sözün ayağı dəyməyən yerlər
01.05.24
Türkiyədə Məhəmməd Füzuliyə həsr olunan beynəlxalq konfrans keçiriləcək
01.05.24
Nar ağacı - Kənan Hacının yeni hekayəsi
30.04.24
Ömür gəlib keçər, qalan əməldir
29.04.24
Qulu Ağsəs - 55
29.04.24
 Yazıçı Eyvaz Zeynalovun “Nadir şah” romanı nəşr olunub
26.04.24
Mahir N. Qarayev - Mənə o dünyanı göstər, İlahi
25.04.24
Bakıda Çingiz Aytmatovun abidəsinin açılış mərasimi
25.04.24
Abbasqulu ağa Bakıxanovun “Riyazül-qüds” əsəri nəşr olunub
25.04.24
Mədəniyyət Nazirliyi “Nəşrlərin satın alınması müsabiqəsi”ni elan edir
24.04.24
Azərbaycanlı rejissorun ekran əsəri Kann Film Festivalının qısametrajlı filmlər müsabiqəsinə seçilib
24.04.24
IV Kitabqurdu Müəllimlərin Oxu Marafonu elan edilir
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.