"BookZone" kitab evində yazıçı-tərcüməçi Həmid Piriyevin "Sərçələr üçün poema" hekayələr kitabının təqdimatı olub.

Təqdimatda şair, kitabın naşiri Rasim Qaraca, şair-tərcüməçi Zahid Sarıtorpaq, yazıçı-publisist Azad Qaradərəli, yazıçı-bloger Əli Novruzov, rejissor Əlisa Cabbarov çıxış edərək Həmid Piriyevin hekayə ustası kimi formalaşmasından, tərcüməçilik fəaliyyətindən bəhs ediblər.

Bildirilib ki, Həmid Piriyev daha çox sosial mövzulara üstünlük verir, onun qəhrəmanı daha çox balaca adamlardır.

Daha sonra təqdimata gələnlərə minnətdarlıq edən H.Piriyev kitabın ərsəyə gəlmə prosesindən söz açıb.

Ədəbiyyatın problemlərinə toxunan yazıçı ədəbi nəsillər arasında gedən konfliktə də toxunub. Yaşlı nəslin birmənalı şəkildə üstündən xətt çəkilməsinə qarşı çıxan yazar daha çox kompramisə tərəf olduğunu qeyd edib.

Sonda müəllif oxucuların suallarını cavablandırıb, kitablarını imzalayıb.

H.Piriyev təqdimatda kitab alanlara tərcüməçisi olduğu iki kitabı - Maksans Fermin, "Qar", Alexandro Sambranın "Evə qayıtmağın yolları" - hədiyyə edib. /parafr.az/