İstanbulda dünya şöhrətli ədib, böyük qırğız yazıçısı Çingiz Aytmatovun heykəlinin açılışı olub.

Heykəl şəhərin Maltəpə bölgəsindəki Orxan qazı Parkında ucaldılıb. Bu münasibətlə keçirilən mərasimdə böyük yazıçının zəngin mənalı həyat və yaradıcılığından, onun dünya ədəbiyyatının inkişafı, türk dünyası qarşısındakı misilsiz xidmətlərindən bəhs olunub.

Çingiz Aytmatovun bürünc heykəlini azərbaycanlı heykəltəraş Sənan Eynullayev hazırlayıb. Heykəl İstanbulun Maltepe bələdiyyəsi tərəfindən sifariş olunub.