Qara Qarayevin 100 illiyi Moskvada qeyd olunub
25.09.18

Sentyabrın 22-də Moskvada P.İ.Çaykovski adına Konsert zalında Azərbaycanın dahi bəstəkarı, görkəmli alim-pedaqoq və ictimai xadim, SSRİ Xalq artisti, Sosialist Əməyi Qəhrəmanı, akademik Qara Qarayevin 100 illiyinə həsr olunmuş təntənəli yubiley gecəsi keçirilib.

Mərasimdə Azərbaycanın mədəniyyət naziri Əbülfəs Qarayev çıxış edərək diqqətə çatdırıb ki, Prezident İlham Əliyevin müvafiq sərəncamına uyğun olaraq böyük bəstəkar Qara Qarayevin 100 illiyi Azərbaycanda və xarici ölkələrdə müxtəlif tədbirlərlə qeyd edilir.

Vurğulanıb ki, bu musiqi axşamı təkcə Qara Qarayevin 100 illiyi şərəfinə təşkil edilən mərasim deyil, eyni zamanda Azərbaycan və Rusiyanın tarixində iz qoymuş görkəmli mədəniyyət xadimlərinin xatirəsinə ehtiramın nümunəsidir. Nazir qeyd edib ki, Qara Qarayevin xatirəsi Rusiyada hər zaman böyük ehtiramla yad edilir. Moskvada onun adını daşıyan musiqi məktəbi var, bir neçə il öncə barelyefinin açılışı olub. Bu il Rusiyanın böyük şəhərlərində bəstəkarın 100 illiyi ilə bağlı konsertlərin keçirilməsi də onun yaradıcılığına, sənət irsinə, ümumilikdə Azərbaycan musiqisinə və mədəniyyətinə dərin hörmətin göstəricisidir. Bütün bunlar həmçinin Azərbaycanla Rusiya arasında mövcud olan sıx mədəni əlaqələrin təsdiqidir.

Qeyd olunub ki, Qara Qarayevin yaradıcılıq irsi musiqinin demək olar ki, bütün janrlarını əhatə edir və onun əsərləri dünya musiqi mədəniyyətinin xəzinəsinə daxildir.

Mərasimdə çıxış edən Azərbaycanın Rusiyadakı səfiri Polad Bülbüloğlu vurğulayıb ki, bu gün Azərbaycanın və Rusiyanın musiqi tarixində bizim mədəniyyətlərimizin, mədəniyyətə münasibətimizin vəhdətinin təsdiqi kimi qalacaqdır. Bildirib ki, Qara Qarayevin yaradıcılıq irsi Azərbaycana və bütün dünyaya məxsusdur. Ancaq qeyd etmək lazımdır ki, o, Rusiya ilə çox bağlı idi – Moskvada konservatoriyada oxumuşdu, Dmitri Şostakoviçin tələbəsi olmuşdu, SSRİ Bəstəkarlar İttifaqında fəal çalışırdı. “Neçə illər keçsə də, 120, 150, 200 il sonra da dünya Qara Qarayevin – görkəmli mədəniyyət xadiminin, dünya miqyaslı musiqiçinin yubileyini qeyd edəcək”, - deyə Polad Bülbüloğlu əlavə edib.

Rusiya mədəniyyət nazirinin müavini Pavel Stepanov çıxışında dahi bəstəkarın geniş yaradıcılıq diapazonuna diqqət yetirib. Qeyd edib ki, Qara Qarayev həm Azərbaycanın, həm də Rusiyanın musiqi həyatında nadir şəxsiyyətdir. O, yaradıcılığının genişliyi – simfonik musiqisi, baletləri, kiçik həcmli əsərləri, filmlərə, teatr tamaşalarına yazdığı musiqilərlə hər kəsi heyran edir. O, yaradıcılığında müxtəlif xalqlara, müxtəlif zamanlara müraciət edib.

Mstislav Rostropoviç Fondunun prezidenti Olqa Rostropoviç bəstəkarın yüksək insani keyfiyyətlərindən söz açıb: “Qara Qarayev fenomenal bəstəkar və çox gözəl insan idi. Mən onu yaxşı xatırlayıram, o bizim evə gəlirdi, atamla birgə çalışırdı”.

Yubiley axşamının prodüseri Yelena Tverdolyub çıxışında Qara Qarayevin 100 illiyinin Moskvada qeyd olunmasının əhəmiyyətini vurğulayıb.

Sonra konsert proqramı təqdim olunub.

Konsertdə görkəmli dirijor, Azərbaycanın Xalq artisti Rauf Abdullayevin idarəsi ilə P.İ.Çaykovski adına Böyük Simfonik Orkestrin və solist – tanınmış skripkaçı, beynəlxalq müsabiqələr laureatı Alyona Bayevanın ifasında Qara Qarayevin “Don Kixot” simfonik qravürləri, 3 saylı simfoniyası, skripka və orkestr üçün konserti və “İldırımlı yollarla” baletindən 2 saylı süitası səsləndirilib.

Konsert zalının foyesində bəstəkarın həyat və yaradıcılıq yolunu əks etdirən sərgi nümayiş olunub.

Yenililklər
02.12.21
“Məhəmməd İqbal: Eşq və düşüncə şairi” kitabı nəşr olunub
02.12.21
“Vərqa və Gülşa” miniatür əlyazmasında yer alan illüstrasiyaların nəşr edildiyi kitabın təqdimatı olub
02.12.21
Bölgələrə kitabla gəlirik! – Şəmil Sadiqin yazısı…
01.12.21
“Aşıq sənətinin Ələsgər zirvəsi” mövzusunda beynəlxalq elmi konfrans keçirilib
27.11.21
Kənan Hacı - Yazı sənətinin tarixi
24.11.21
Təranə Vahidin “Qarışqa təqvimi” çap olunub
23.11.21
Muni Vitçer - Altıncı Ayın qızı Nina    
23.11.21
İlk dəfə olaraq “Arı” və “Mirat” satirik jurnalları transfoneliterasiya edilərək yeni əlifbada toplu halında nəşr edilib
22.11.21
Cəmşid Cəmşidovun tərcüməsində Muni Vitçerin əsəri çap olundu
22.11.21
Turan Yazqan: Türk dünyasının səsi
17.11.21
“Nizami Gəncəvi sözünün orbitində” kitabının təqdimatı keçirilib
17.11.21
Türkiyənin məşhur şairi Sezai Karakoç vəfat edib
17.11.21
“Nizami Gəncəviyə məktub” beynəlxalq esse müsabiqəsi elan olunur
17.11.21
Elçin Hüseynbəylinin “Vida” romanı çap olunub
17.11.21
BAFTA qısa filmləri Bakıda nümayiş olunacaq
11.11.21
“Nizami Gəncəvinin poetik portreti” kitabı nəşr olunub
11.11.21
“Şərq irsi” adlı Beynəlxalq Müasir İncəsənət Sərgisi açılacaq
08.11.21
Kənan Hacı - Ekspress qatarında eksperimental mozaika
08.11.21
Fəxri Uğurlu - Klassikanı diri saxlamaq
08.11.21
"Şuşa" sənədli filminin təqdimatı olub
08.11.21
4+4: rəqəmsal namə
08.11.21
İsfar Sarabski Parisdə iki gün konsert verib
05.11.21
“Hədəf Nəşləri”nin təsisçisi Şəmil Sadiqin ƏDV ilə bağlı müzakirələrə əlavə və dəyişiklərlə bağlı təklifləri
05.11.21
Kənan Hacı - Yazıçılarımız nəyi bacarmır?
04.11.21
Qələbə ilə bitən ilk roman
04.11.21
Ədəbiyyat İnstitutunda Məhəmməd İqbalın “Seçilmiş əsərləri”nin təqdimatı keçirilib
04.11.21
Azad Qaradərəli - Qara sevda
03.11.21
"Qarabağın qara kitabı" və "Qarabağ - qələbəyə doğru" kitablarının təqdimat mərasimi keçirilib
03.11.21
Kənan Hacının “Hakimə açılan atəş” romanı oxucularıın böyük marağına səbəb olub
02.11.21
“Şuşa, sən azadsan!” və “Biz” filmləri təqdim olunacaq
02.11.21
Rusiyanın Tretyakov Qalereyasında Tahir Salahovun sərgisi açılıb
02.11.21
Şamaxıda Yaradıcılıq Mərkəzi istifadəyə verilib
01.11.21
Altı əsr yaşı olan xalça 5,4 milyon dollara satışa çıxarılacaq
01.11.21
Nizami Kino Mərkəzində “Fulya” sənədli filminin premyerası olub
01.11.21
Zahid Sarıtorpağın İranda kitabı çap olunub
01.11.21
Vidadi Babanlının "Sabaha ismarıc" adlı romanı çap olunub
01.11.21
Poetik diktatura - Firuz Mustafa yazır
26.10.21
Çempion idmançı, istedadlı aktyor və doktorant
25.10.21
Azad Qaradərəli -  Zəngəzur ağacları
24.10.21
I Sumqayıt Kitab Sərgisi keçiriləcək
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.