Sabir Rüstəmxanlı yeni kitablarını imzaladı
24.12.18

“Azərkitab”da Xalq şairi Sabir Rüstəmxanlının yeni nəşr olunmuş “Astar”, “Milli taleyimiz və biz” kitablarının təqdimat və imza mərasimi keçirilib.

Mərasimdə millət vəkilləri, tanınmış ziyalılar, ictimai xadimlər, ədəbiyyatşünaslar, müxtəlif universitetlərin tələbələri, oxucular və medai nümayəndələri iştirak ediblər.

Tədbiri giriş sözü ilə açan “Azərkitab” layihəsinin ideya müəllifi Sabir Həsənov bu günü kitab bayramı adlandırıb. O, paytaxtın ən böyük kitab mərkəzlərindən biri kimi hər zaman ədəbiyyatımızın, mədəniyyətimizin, kitabın təbliği yolunda çalışdıqlarını qeyd edib.

Azərbaycan Yazıçılar Birliyinin katibi Rəşad Məcid çıxışında deyib ki, Sabir Rüstəmxanlı hələ onillər öncədən bir neçə nəslin milli təfəkkürünün formalaşmasında müstəsna rol oynayıb: “Onun yaradıcılığının yüksəliş nöqtələrindən biri “Ömür kitabı” idi. Bizim düşüncəmizin formalaşmasında bu kitabın rolu əvəzsizdir. 80-ci illərdə, demək olar ki, bütün azərbaycanlı ailələrin evində bu kitabdan vardı. Bu gün təqdim olunan kitablardan “Milli taleyimiz və biz” kitabı məni uzun müddətdən bəri maraqlandıran bir mövzunu əhatə edir. Neçə vaxtdır, Sabir müəllimin sosial şəbəkədə və qəzetdə Güntay Gəncalpla polemik məktublaşmalarını oxuyuram. Bir müddət öncə Sabir müəllimin özünə də bunun kitab kimi çap olunmasının əhəmiyyətli olacağını demişdim. Nəhayət, bu kitab çap olundu və düşünürəm ki, buradakı həqiqətlər, milli kimliyimiz, soykökümüzlə bağlı Sabir müəllimin irəli sürdüyü faktlar xüsusən, gənc nəslin milli ruhda tərbiyəsində mühüm rol oynayacaq”.

S.Rüstəmxanlı bu kitabları uzun illər idealları uğrunda apardığı mübarizənin davamı kimi xarakterizə edib: “Bu gün nəşriyyatlar da, kitab yazanlar da çoxdur, senzura isə yoxdur. Sosial şəbəkələr bunun daha da artmasına gətirib çıxarır. Belə biz zamanda bəzi kitabların təqdimata ehtiyacı olur ki, oxucu yaxşını pisdən ayıra bilsin. “Milli taleyimiz və biz” kitabını mən tariximizə, xalqın keçmişinə, kökümüzə sahib çıxmaq üçün nəşr etdirdim. Elə bu təqdimatın da məqsədi odur. Çünki burada cavab məktubları yazdığım dostlarımız nədənsə keçmişimizi qaralamaqla, inkar etməklə məşğuldurlar. Millət öz tarixinə, mənəviyyatına sahib çıxmalıdır. Yazıçının işi bir ideala xidmət etməkdir. Kitab da bu idealın daşıyıcısıdır. Bu kitablar da mənim idealımı əks etdirir”.

Millət vəkili Fəzail İbrahimli deyib ki, bütün yaradıcılığı ilə milli ruhun daşıyıcısı olan Sabir Rüstəmxanlı hər zaman kitablarına fərqli adlar qoyaraq cəmiyyətin diqqətini cəlb edir: “Bu adların hər birində özündən, düşüncələrindən, gələcəyə baxışından nələrsə var”. “Astar” kitabından söz açan millət vəkili oradakı “Uşaqlığa atılan güllə” romanı haqqında danışıb, onun mövzu və məziyyətlərindən geniş bəhs edib.

Filologiya elmləri doktoru, professor Rəhim Əliyev S.Rüstəmxanlı ilə ünsiyyətindən söz açıb, onun gənclik ideallarına bütün ömrü boyu sadiq qaldığını deyib: “Sabir Rüstəmxanlı haqqında yeni söz demək çətindir. XX əsrin sonlarından poeziyamızda milli ruh, milli düşüncə xəttini yüksək şəkildə davam etdirən Sabir Rüstəmxanlıdır. O, bu ideyasını təkcə sözdə saxlamadı, ictimai fəaliyyətində də hər zaman əks etdirdi”.

“Astar” kitabının redaktoru, yazıçı Kəramət Böyükçöl kitabı bir oxucu kimi də oxuyaraq çox sevdiyini vurğulayıb: “Sabir müəllim milli düşüncə şairindən daha çox, dünya yazıçısıdır. “Astar” kitabında sanki onun keçdiyi bütün yol, mənəvi ağrıları, iztirabları, yaşantıları toplanıb. Az adam var ki, yaradıcılığı ilə şəxsiyyəti üst-üstə düşsün. Sabir müəllim hər ikisində yüksək pillədə dayanan sənətkardır”.

Türkiyənin Azərbaycandakı səfirliyinin Mədəniyyət və Tanıtma müşaviri İrfan Çifçi Sabir Rüstəmxanlını milli kökü olan bəşəri şair adlandırıb, onun “Ömür kitabı”nın necə Azərbaycan xalqının böyük bir dövrünü əks etdiribsə, yeni kitablarının da bütün tarixdə qalacağına inandığını vurğulayıb.

Akademik Möhsün Nağısoylu Sabir Rüstəmxanlı ilə tələbəlik xatirələrini bölüşüb, onun yaradıcılığını dil aspektindən təhlil edib: “Milliliyi şərtləndirən əsas amil ana dili məsələsidir. Bu da Sabir Rüstəmxanlı yaradıcılığında, onun bütün əsərlərində qırmızı xətlə keçir. Sabir Rüstəmxanlı kimi yazıçısı, vətəndaşı olan xalq xoşbəxtdir”.

Gülabbas Qəhrəmanlı, Vaqif Bəhmənli, Nərgiz Cabbarlı, Azər Abdulla, Arif Hüseynov, Yusif Nəğməkar da Sabir Rüstəmxanlı yaradıcılığı haqqında öz yüksək fikirlərini bölüşüb, onu yeni kitabları münasibətilə təbrik ediblər.

Sonda təşkilatçılara və çıxışçılara təşəkkürünü bildirən Sabir Rüstəmxanlı kitablarını tədbir iştirakçıları üçün imzalayıb. /525.az/

Yenililklər
12.07.24
Yelisaveta Baqryana - Ah, belə gecələr əzabdır dostum!
11.07.24
Azad Qaradərəlinin əsərlərinin beşinci cildi cap olunub
08.07.24
“Narqız” qısametrajlı animasiya filminin istehsalı davam edir
05.07.24
"Dünya ədəbiyyatı" jurnalının Çeçenistan sayı işıq üzü görüb
03.07.24
“Ulduz” jurnalı oxucuların görüşünə yeni təqdimatda gəlib
02.07.24
Frans Kafka - Hökm
25.06.24
Mədəniyyət Nazirliyi senzura ittihamlarına aydınlıq gətirib
25.06.24
Azərbaycan Kinematoqrafçılar İttifaqı Şirvanda kino günlərinə başlayır
22.06.24
Şahid ifadəsi - Zərdüşt Əlizadə yazır...
13.06.24
“Divanü lüğat-it-türk”ün II və III cildləri nəşr olunub
13.06.24
“Ulduz” jurnalının may nömrəsi çap olunub
13.06.24
Azərbaycanda aparıcı teatrların siyahısı təsdiqlənib, işçilərin maaşları artırılıb
05.06.24
Özbəkistanlı şairlərin şeirləri Azərbaycan dilinə tərcümə edilərək nəşr olunub
05.06.24

Qulu Ağsəs haqqında yeni kitab çap edilib

24.05.24
Kino şirkətlərinə yeni imkan: post-prodakşna dəstək
22.05.24
Kənan Hacı - Salman Mümtaz Leninə nə deyəcəkmiş?
22.05.24
2024-cü ilin Ədəbiyyat üzrə Beynəlxalq Buker Mükafatının qalibi məlum olub
21.05.24
Professor Edmund Herziq: Nizami Gəncəvinin əlyazmalarının vahid kataloqu üç dildə nəşr ediləcək
21.05.24
Azərbaycanda iki teatrın adı dəyişdirilir və işçilərinin maaşı artırılır
20.05.24
“Linqvistik nəzəriyyənin əsasları” kitabı nəşr olunub
20.05.24
Hüseyn Arifin anadan olmasının 100 illiyi münasibətilə “Arxada qalan illər” adlı kitab nəşr edilib
20.05.24
Fransada azərbaycanlı rəssamın fərdi sərgisi keçirilib
15.05.24
Ülvi Babasoyun “Ədəbiyyatda postmodernizm: oyun estetikası” kitabı təqdim olunub
09.05.24
Həcər Atakişiyeva - Məhəmməd Füzulinin poeziyasının dili və üslubi xüsusiyyətləri
06.05.24
Həmid Herisçi: Öz adıma ədəbiyyat müharibəmi bitirdim
06.05.24
Kino Agentliyi “Qızılalma” Festivalında mükafata layiq görüldü
06.05.24
Kino ictimaiyyəti narahatdır: 38 nömrəli qərar ləğv olunacaqmı?
04.05.24
Cahid Camal “Xalq Əmanəti” layihəsinin 24-cü nəşrində
03.05.24
Gülnar Səma - Ramil Mərzilinin “Qadağan olunmuş şeirlər”i
03.05.24
Asif Rüstəmlinin “Cümhuriyyət məfkürəsi” kitabı çap olunub
03.05.24
Azad Qaradərəli - Şəhid toyu
02.05.24
ARKA-nın Apellyasiya Komissiyası müraciətlərlə bağlı qərar verdi
02.05.24
“Əlyazma abidələri: ənənə və müasirlik” kitabı çapdan çıxıb
02.05.24
Məşhur yazıçı Pol Oster vəfat edib
02.05.24
Azərbaycanlı alimin beynəlxalq konqresdə məruzəsi dinlənilib
02.05.24
Türkiyənin bütün bölgələrində Azərbaycan Mədəniyyət Günləri keçiriləcək.

01.05.24
Orhan Aras - Bedirhan Ahmedov: Yorulmaz Bir Bilim Adamı...
01.05.24
Cavanşir Yusifli - Gənc şairlərə məktub - Sözün ayağı dəyməyən yerlər
01.05.24
Türkiyədə Məhəmməd Füzuliyə həsr olunan beynəlxalq konfrans keçiriləcək
01.05.24
Nar ağacı - Kənan Hacının yeni hekayəsi
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.