Mərahim Nəsib - Getdilər edamlıq adamlar kimi 
22.11.19

Avanqard.net gənc yazar Mərahim Nəsibin yeni şeirlərini təqdim edir.


*****
Getdilər edamlıq adamlar kimi,
Bahar da gəlmədi, gün də çıxmadı.
Sonuncu çiçək də əlimdə soldu,
İstədim bir kəlmə qayıt gəl deyim,
Çıxdı ürəyimdən dilimdə qaldı.

Bir də pəncərənə baxmadım sənin,
Daha kövrəlməyi, fəryadı kəsdim.
Otağın hər küncü, hər yeri indi,
Külqabı qoxuyur, tütün qoxuyur,
Olandan avara sərsəri indi.

Düşəndə qəflətə birdən düşürsən.
Göydən yıxılırsan, yerdən düşürsən.
Bəla da gələndən özündən gəlir,
Hər şeyi xeyirə yozsan da hər gün,
Yediyin, içdiyin gözündən gəlir.

Əlacın kəsilir çıxıb gedirsən,
Gedirsən, baxaraq evə-eşiyə,
torpağa, səmaya baxıb gedirsən.
Onsuz da deyilki birinci dəfə,
Qayıdıb məzardan kiçik beşiyə,
Beşikdən məzara çıxıb gedirsən.


*****
Köçüb bu yerlərdən uzağa getsəm,
Bəlkə uzaqlaşıb özümə gəldim.
Bu dərdim, kədərim az imiş kimi,
Yeriyib dərdlərim dizimə gəldi.

Dilim, dodaqlarım tutulub qalıb,
Daha gözlərim də üzümə baxmır.
Dilimdən, könlümdən unutmaq keçir,
Dilim də, könlüm də sözümə baxmır.

Zaman düşüncəmdə donub sən olub,
Elə bil qurumuş nar ağacıyam.
Mən hər gün asıram səni gözümdən,
İntihar körpüsü, dar ağacıyam.

Günüm-güzəranım, işim darıxmaq,
Bir də ki, durmadan yazıram sənə.
Hər axşam gördüyüm yuxunu səhər,
Tez suya danışıb yozuram sənə.

Sən məni qınama, belədi sevgi,
Yorğun gecələrin qonağıyam mən.
Günbəgün böyüyüb qocalan dərdin,
Özümə qayıdan ayağıyam mən.

Səndən icazəsiz yazsam da sənə,
Bağışla, təsəllim ancaq şeirdi.
Bu sevgi səni də edəcək dəli,
Yenə fikirlərim belə deyirdi.


*****
Bu yollar dolaşıb ayaqlarıma,
Ta gəlmir səsin də qulaqlarıma.
Təbəssüm qonanda dodaqlarıma,
Bildim ki, xoşbəxtsən hardasa düzü.

Sevgimi gizlənib hörüklərində?
Bəs nədir, süzülür kipriklərindən?!
İndi bətnindəki təpiklərin də,
Gəlib ürəyimə dəyir hər izi.

Dönərəm başına səmazən kimi,
Qara saçlarıma düşən dən kimi.
Heç kimi sevmədim hələ sən kimi,
Hələ də həsrətdi dilimin sözü.

İndi də çağırsan durmadan gəlim,
Sənə qovuşmağa dərt deyil ölüm.
Susub dinməsə də lal olmuş dilim,
Ruhuna baxırdı könlümün gözü.

Sonuncu görüşçün yaman darıxdım,
Qəfildən səs gəldi, baxıb karıxdım.
Bu gündən həsrətin saatın taxdım,
Neynəyək, sevmədi bəxtimiz bizi.


*****
Elə yorulmuşam, üz-gözümdəki
ləkəli-ləkəli qırışlar kimi.
Yaman gözləyirəm gəlişlərini,
Ümidsiz dikilən baxışlar kimi.

Yorulduq, dözmədik ta dizə gəldik,
Bilmirəm, bəlkə də biz gözə gəldik.
Gör, neçə il sonra üz-üzə gəldik,
Görüşdük amma ki, tanışlar kimi.

Baxmadım üzünə xəcalətimlə,
Halbuki yanırdım mən həsrətinlə.
İslansın üst-başım məhəbbətinlə,
Səp yenə üstümə yağışlar kimi.

Yenililklər
09.12.23
Səlim Babullaoğlu TÜRKSOY tərəfindən təltif olundu
09.12.23
Səlim Babullaoğlu - Allah və vətən aşiqi, böyük şair
09.12.23
Bakıda “Məhmət Akif Ərsoy. Seçmə şeirlər” kitabının təqdimatı olub
05.12.23
Dünya şöhrətli rumın şairəsi Ana Blandiana Bakıya gələcək
05.12.23
Kənan Hacının hekayəsi - Cin qapını bağlayır
05.12.23
Elçin Hüseynbəylinin hekayəsi - Dərs
05.12.23
Yevgeni Rezniçenko - Çağdaş rus poeziyası
30.11.23
Anar Məcidzadə - Canına dərd düşsün, ayrılıq salan
29.11.23
Həmin işıqlı günlər - Cavid Zeynallının yeni hekayəsi
29.11.23
Musiqili Teatr dekabr repertuarını təqdim edib
29.11.23
Pyes müsabiqəsi qaliblərinə mükafatlar təqdim olunub
29.11.23
Beynəlxalq Türk Mədəniyyəti və İrsi Fonduna yeni prezident təyin olunub
28.11.23
Xuana İnes de la Krus - Günah keçisi kimi görürsünüz qadını
28.11.23
Mahir N. Qarayevdən iki şeir
23.11.23
Fəxri Uğurlu - Uzaqda təkbaşına dolaşan qəhrəmanlar
22.11.23
Kanadada “Yeddi gözəl” musiqi qrupunun konserti keçirilib
22.11.23
Fərid Hüseyn XIV İstanbul Beynəlxalq Ədəbiyyat və Şeir Festivalında iştirak edir
22.11.23
Bakıda Mədəniyyət və Yaradıcı Sənayelər Forumu keçiriləcək
22.11.23
Vaqif Sultanlının “İnsan dənizi” və “Ölüm yuxusu” romanları İngiltərədə yayımlanıb
22.11.23
Elnarə Qaragözova - Ali diqqət və rəğbətin dəyişməz ünvanı: Yusif Səmədoğlu
22.11.23
"Nobel mükafatına aparan yolun dərsləri: mif, reallıqlar, uğurlar və çağırışlar" beynəlxalq elmi konfrans keçirilib
22.11.23
Fərid Hüseynlə kürdəmirli oxucuların görüşü olub
06.11.23
"Mədəni diplomatiya vasitəsilə əlaqələr quraraq müxtəlif sivilizasiyaları bir araya gətirdik"
04.11.23
Astanada “Yıldız Sarayı Foto Kolleksiyasında XIX Əsr Türk Dünyasının Mədəni İrsi” adlı sərgi təşkil olunub
04.11.23
Beynəlxalq Türk Mədəniyyəti və İrsi Fondunun və Türk Akademiyasının rəhbərliyi Qazaxıstanın Xarici İşlər naziri ilə görüşüb
01.11.23
Beynəlxalq Türk Mədəniyyəti və İrsi Fondu Bern şəhərində qədim türk yazılarına həsr olunmuş sərgi açıb
31.10.23
Türkiyə Respublikasının 100 illiyi İsveçrənin Bern şəhərində qeyd olunub
27.10.23
“Netflix” “The Crown” serialının son sezonunun ilk treylerini yayımlayıb
27.10.23
Özbəkistanda Yusif Vəzir Çəmənzəminli adına Azərbaycan mədəniyyəti və ədəbiyyatı Mərkəzi açılıb
27.10.23
Bədirxan Əhmədli - Akademik Kamal Talıbzadənin portret cizgiləri üzərinə
27.10.23
Türkiyədə XX əsr Cənubi Azərbaycanda ədəbi prosesin önündə gedən şəxsiyyətlərdən bəhs edən kitab çap olunub
27.10.23
Beynəlxalq Türk Mədəniyyəti və İrsi Fondu Haaqada yubiley tədbirləri keçirib
26.10.23
Varşavada “Polşa və Türk Dünyası” mövzusunda konfrans keçirilib
25.10.23
Elman Cıvıroğlu - İbranice ve Ortak Türk Dili
25.10.23
İstanbulda görkəmli xanəndə Məşədi Məhəmməd Fərzəliyev haqqında kitabın təqdimatı olub
25.10.23
“Ulduz” jurnalının 650-ci yubiley nömrəsi işıq üzü görüb
25.10.23
Yazıçı-tərcüməçi Nəriman Əbdülrəhmanlı Qazaxıstanın “Dostluq” ordeni ilə təltif olunub
25.10.23
Osip Mandelştamın yaradıcılığına həsr olunmuş poeziya gecəsi keçirilib
25.10.23
Azərbaycanı Tədqiq və Tətəbbö Cəmiyyətinin yaradılmasının 100 illik yubileyinə həsr olunmuş tədbir keçirilib
20.10.23
Qars Kafkas Universitetində “Heydər Əliyev və Türkiyə” adlı multidisiplinar beynəlxalq elmi konfrans keçirilib
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.