Gülbala Dadaş - Sonsuz dərya gizlədib, özündə bu adanı.
24.12.19
Avanqard.net Gülbala Dadaşın şeirlərini təqdim edir.
GöYəRçİn üRəYi
Bir dağların duman, Bir də səhər küləyi. Bir qarışqa yüküdü, Bir göyərçin ürəyi.
Dan sökür qaranlığı, Gecənin acığına. Minlərlə göz tikilib, Gözümün işığına. Sonsuz dərya gizlədib, Özündə bu adanı. Alan da yox, satasan, Bir baxışa qadanı.
Gəzir dərin quyuda, Ataların baxışı. Sudgölünü coşdurur, Anaların qarğışı...
Qəzəl <<>> Sorma əl boyda bu qəlbim necə dünya oldu, Onu dünya eləyən, ondakı seda oldu. <<>> Qədəmin qoydu hara, cənnətə çevrildi ora, Bu cəhənnəm bu səbəb cənnəti-meva oldu. <<>> Məni eşq içrə onun surəti cəlb eyləmədi, Məni surət eləyən, ondakı məna oldu. <<>> Mən o dünyanı bu dünya eləyəndən özümə, Məndən ötrü biri xülya, biri röya oldu. <<>> Onu öz xəttim ilə talehimə yazdım özüm, Onu məndə yaşadan bir neçə misra oldu. <<>> Sol günah, sağ isə səhf, qarşı qüsur, arxa xəta, Damla-damla yığılıb bir yerə dərya oldu. <<>> Dadaşı ayrılıqın qoymadı yetsin vüsala, Oda Fərhad kimi Məcnun kimi rüsva oldu. <<>>
(ÖLÜMə SəMİMİ ETRAF)
Cavan da deyirəm sənə, Qoca da deyirəm. Alçaq da deyirəm sənə, Uca da deyirem... Deməmişəm, demərəm də, Məndən əvvəlkilərin dediyini sənə!
(ÖLÜM MəLəYİNə)
Gözlənilən də olursan, Gözlənilməz də! Dözümlüdə olursan, Dözünülməz də! Məndən əvvəl də belə olmusan, Məndən sonra da olacaqsan! "Qurdla qiyamətə qalacaqsan!" Bahar da demişəm, Payiz da deyirəm sənə! Qış da deməyə, hazırlaşıram, Hardasa razılaşmıram səninlə, hardasa razılaşmıram! Bütün qatillərin "ağsaqqalı" sənsən! Ağılagəlməz qətillərin sifatişçisi olduğunu bilirsən ki, bilirəm! Qarabağ da gedirsen, Ordan uzağa da! Sənə "allahın oğlu" qənim olsun! Birişini iki etsin, Sonra getsin - Allaha sari. ...üzü-yuxarı, Suyun üstüylə!
(ÖLÜMə)
Dediklərimi az bilsən, Elə bilərsən ki, heç nə deməmişəm sənə... Məndən sonra gəlib sənə "yaxşı" sözlər deyənlərə yollayıram sənə demədiklərimi, Məndən əvvəlkilərin Hacıqara olduğunu bilməməlidilər!
|
