Fərid Hüseyn - İnsanın unutqanlığı bəzən onun ədalətidi
28.01.20

Avanqard.net saytı Fərid Hüseynin yeni şeirlərini təqdim edir.









Xivə dəftəri
 
Gün gəlir döyüş meydanları
bayram meydanlarına çevrilir.
Bir zaman qan gölməçələnən yerlərdə,
indi döyüşçü suvenirləri satılır.
Görünür, keçmişin vəzifəsi həm də
olanları gözümüzdə kiçiltməkdi, –
indinin aləmində bəzi qəhrəmanları
oyuncaq nəzərində görməkdi.
İnsanın unutqanlığı bəzən onun ədalətidi
bu günlə yaşamaq
bir az da dünənin günahından keçməkdi.
Xətalarının ipək yollarını
uşaq qarışlarıyla ölçməkdi.  

Keçmiş duza qoyulmuş qırmanc zərbəsiylə
oyaq saxlayır ağrılarımızı.
Günəş hər səhər doğulanda
əcəl dumanında itirir adımızı,
amma elə ki göylərdən köç təbili çalınır,
onda zülmət kürəyimizdən itələyir,
sanalı günün sonuncusu yeriyir irəli,
axmaqda olan bir ulduz nişan verir
axır nəfəsimizin yerini.
 
Tarix xatırladır ki,
hökmdarların dəyişməz şakərlərindəndir
hündürdən baxmaq:
o yerdən ki, ordan baxanda
adamların tələsdiyi mənzillər görünmür.
O yerdən ki, ordan baxanda
gəmilər ilan kimi sürünür,
qəbiristanlıqlar çaylaq yerini xatırladır…
Ordan baxanda hamının axırı naməlum,
hər kəsin işi yarımçıq qalır.
Bu tamaşasa uzandıqca uzanır –
o vaxtacan ki,
zülmət sonucu işığı da məzlumların əlindən alır.
Və onda şəhəri əlinin içində görən kəs
dişini-dişinə sıxaraq ovcunu yumur.
 
İndi addım səsləri calanan daşlı yollarda,
bir-birinə qarışır bağlanan dükan qapılarının səsi,
toranlıqda hündür qalaların dibinə qısılır işıq,
divar boyu göyə dırmanır zülmətin qara qanı
Göz yaşları tökülür göy üzünün əlindən,
Çarın xana bağışladığı karetdə keçmişin silueti keçir,
bağlı dükanlardakı saatların dıqqıltısı önündən.
 
Burda hər şey bir qismət dəvəsinin belindədir,
o əyilsə torpağa, –
qalxsa göyə yaxınlaşacaq hər şey.
Başının dincliyini istəyənlər,
xanın papağını həmişə mıxda görmək istəyir,
Üstündə ədalət tərəzisinin şəkli çəkilmiş köynəklərsə
zivədə zillət küləyindən "titrəyir”.
 
Ey başını göylərinə ayağına qoyan bürclər,
sütunları ibadətlərə dayaqlanmış məscidlər,
qəhrəmanların təkidi ilə ucalan minarələr,
bizim zamanlarda əməli qəhrəmanlığa yer qalmadı,
ona görə də hərəmiz bir cür dil pəhləvanı olduq,
onurğamızı sındıranların önündə hazırcavaba döndük,
icazəli iplər üzərində kəndirbazlara çevrildik.
 
Çox şey məhv olur,
bircə paltarlarımızın yaxasından başqa
və hər kəs təmiz pambıqdan,
yumşaq ipəkdən
ən gözəl yaxalığını asıb gedir Qiyamət zivəsinə.
Ki, orda bir cüt əl gec-tez yapışar o yaxadan.
Şirin tikə ağuya,
həzlərə ağrıya
çilçıraqlar işıq iynələrinə çevrilib
batar canımıza,
Allah sonuncu hədiyyəsini
hər kəsi razı salacaq bir günü –
Qiyaməti bağışlayar dünyaya.
 
 
 
Yalan bayramı
 

Sən günəşi yalan
şirinçayı yalan,
səhər yeməyi yalan,
səhərdirsə, yalanın xeyir,
axşamdısa, yalanın xeyir,
qonağım olsan – Yalan, xoş gəlmisən,
yol görünsə, – salamat qal, Yalan.
 
Öz adını oğurlayıblar,
kim yalan desə çevrilib baxırsan.
Doğru sözləri zülmlə höccələmə,
səni rahat başa düşürlər –
axı əzəldən yalan dilində danışırsan.
 
Qızlıq soyadın Yalan,
"ərlik soyadı”n Yalan,
getməz yuduğun paltarlardan yalan ləkəsi,
çəkilməz ayağın dəyən yerdən yalan qoxusu.
 
Üç tərəfdən hücum çəksələr
qaçacağın dördüncü tərəf – yalan.
Özünü ovutmağa bir şey axtarsan
tapacağın səbəb – yalan.
 
Sözlərin isladılmış pambıqdı – çəkisi yalan.
İçəridən qırışır paltarların – ütüsü yalan.
 
Səni ağzından alov püskürən bu diyara
yola salandadır günah,
arxanca atılan su da yalan
Sabah tamam başqa şeylər istəyəcəksən Allahdan,
bugünkü duaların yalan.
 
Elə bilirsən ovcunda gizlətdiyindən xəbərsizəm?
Açacaqsan – yalan.
"Yol adlamaq deyil ömür yaşamaq” –
o tərəfə keçəcəksən – yalan.

Qanına qarışan dərdin
zilləti yalan.
sənə nə yaxşılıq etsələr –
fəziləti yalan.
 
Bir şeyi sonradan anlasan –
barmağını dişləməyin yalan.
Hiylə zənciriylə bağlıdır qolların –
nəyinsə naminə işləməyin yalan.
 
Qaranlıq gələn tərəfə çevirsən üzünü, –
işığın yalan,
Bətnindən meyvə dərsən, –
uşağın yalan.
 
Axşamçağı darıxsan –
bürkün yalan.
Nə toxusan ilməsi qaçır –
hörgün yalan.
 
Peşmanlığın məşuqə yanağıdı, –
allığıını tez itirən –
ənlik-kirşanın yalan.
Bu gün dilədiyini sabah qarğıyırsan –
hicranın yalan.
 
Yalanlarından çox yazmaq olar –
oxşar fikirləri uzadıb.
"Dəyişmə, qurbanın olum, dəyişmə”
"Allah bizi sədaqətindən yaradıb".

/Artkaspi.az/

Yenililklər
09.12.23
Səlim Babullaoğlu TÜRKSOY tərəfindən təltif olundu
09.12.23
Səlim Babullaoğlu - Allah və vətən aşiqi, böyük şair
09.12.23
Bakıda “Məhmət Akif Ərsoy. Seçmə şeirlər” kitabının təqdimatı olub
05.12.23
Dünya şöhrətli rumın şairəsi Ana Blandiana Bakıya gələcək
05.12.23
Kənan Hacının hekayəsi - Cin qapını bağlayır
05.12.23
Elçin Hüseynbəylinin hekayəsi - Dərs
05.12.23
Yevgeni Rezniçenko - Çağdaş rus poeziyası
30.11.23
Anar Məcidzadə - Canına dərd düşsün, ayrılıq salan
29.11.23
Həmin işıqlı günlər - Cavid Zeynallının yeni hekayəsi
29.11.23
Musiqili Teatr dekabr repertuarını təqdim edib
29.11.23
Pyes müsabiqəsi qaliblərinə mükafatlar təqdim olunub
29.11.23
Beynəlxalq Türk Mədəniyyəti və İrsi Fonduna yeni prezident təyin olunub
28.11.23
Xuana İnes de la Krus - Günah keçisi kimi görürsünüz qadını
28.11.23
Mahir N. Qarayevdən iki şeir
23.11.23
Fəxri Uğurlu - Uzaqda təkbaşına dolaşan qəhrəmanlar
22.11.23
Kanadada “Yeddi gözəl” musiqi qrupunun konserti keçirilib
22.11.23
Fərid Hüseyn XIV İstanbul Beynəlxalq Ədəbiyyat və Şeir Festivalında iştirak edir
22.11.23
Bakıda Mədəniyyət və Yaradıcı Sənayelər Forumu keçiriləcək
22.11.23
Vaqif Sultanlının “İnsan dənizi” və “Ölüm yuxusu” romanları İngiltərədə yayımlanıb
22.11.23
Elnarə Qaragözova - Ali diqqət və rəğbətin dəyişməz ünvanı: Yusif Səmədoğlu
22.11.23
"Nobel mükafatına aparan yolun dərsləri: mif, reallıqlar, uğurlar və çağırışlar" beynəlxalq elmi konfrans keçirilib
22.11.23
Fərid Hüseynlə kürdəmirli oxucuların görüşü olub
06.11.23
"Mədəni diplomatiya vasitəsilə əlaqələr quraraq müxtəlif sivilizasiyaları bir araya gətirdik"
04.11.23
Astanada “Yıldız Sarayı Foto Kolleksiyasında XIX Əsr Türk Dünyasının Mədəni İrsi” adlı sərgi təşkil olunub
04.11.23
Beynəlxalq Türk Mədəniyyəti və İrsi Fondunun və Türk Akademiyasının rəhbərliyi Qazaxıstanın Xarici İşlər naziri ilə görüşüb
01.11.23
Beynəlxalq Türk Mədəniyyəti və İrsi Fondu Bern şəhərində qədim türk yazılarına həsr olunmuş sərgi açıb
31.10.23
Türkiyə Respublikasının 100 illiyi İsveçrənin Bern şəhərində qeyd olunub
27.10.23
“Netflix” “The Crown” serialının son sezonunun ilk treylerini yayımlayıb
27.10.23
Özbəkistanda Yusif Vəzir Çəmənzəminli adına Azərbaycan mədəniyyəti və ədəbiyyatı Mərkəzi açılıb
27.10.23
Bədirxan Əhmədli - Akademik Kamal Talıbzadənin portret cizgiləri üzərinə
27.10.23
Türkiyədə XX əsr Cənubi Azərbaycanda ədəbi prosesin önündə gedən şəxsiyyətlərdən bəhs edən kitab çap olunub
27.10.23
Beynəlxalq Türk Mədəniyyəti və İrsi Fondu Haaqada yubiley tədbirləri keçirib
26.10.23
Varşavada “Polşa və Türk Dünyası” mövzusunda konfrans keçirilib
25.10.23
Elman Cıvıroğlu - İbranice ve Ortak Türk Dili
25.10.23
İstanbulda görkəmli xanəndə Məşədi Məhəmməd Fərzəliyev haqqında kitabın təqdimatı olub
25.10.23
“Ulduz” jurnalının 650-ci yubiley nömrəsi işıq üzü görüb
25.10.23
Yazıçı-tərcüməçi Nəriman Əbdülrəhmanlı Qazaxıstanın “Dostluq” ordeni ilə təltif olunub
25.10.23
Osip Mandelştamın yaradıcılığına həsr olunmuş poeziya gecəsi keçirilib
25.10.23
Azərbaycanı Tədqiq və Tətəbbö Cəmiyyətinin yaradılmasının 100 illik yubileyinə həsr olunmuş tədbir keçirilib
20.10.23
Qars Kafkas Universitetində “Heydər Əliyev və Türkiyə” adlı multidisiplinar beynəlxalq elmi konfrans keçirilib
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.