Xorvatiyanın sabiq prezidenti Nizami Gəncəvi Beynəlxalq Mərkəzində olub
15.07.21
Nizami Gəncəvi Beynəlxalq Mərkəzinin üzvü, Xorvatiyanın sabiq prezidenti Stjepan Mesiç Azərbaycana səfəri çərçivəsində mərkəzdə olub.
Nizami Gəncəvi Beynəlxalq Mərkəzinin baş katibinin birinci müavini İlahə İbrahimli qonağa mərkəzin son fəaliyyəti barədə məlumat verib.
Bildirilib ki, Nizami Gəncəvi Beynəlxalq Mərkəzi 2012-ci ildə Azərbaycanın dahi şairi və mütəfəkkiri Nizami Gəncəvinin irsinin araşdırılmasl və onun dünyada təbliğ olunması məqsədilə yaradılıb. Mərkəzin əsas məramı müxtəlif xalqlar və mədəniyyətlər arasında dialoq, tolerantlıq, anlaşma və müştərək cəmiyyətlətlərin təbliğ edilməsi, Nizami Gəncəvinin əsərlərindəki ümumbəşəri dəyərlərim daha geniş miqyasda yayılmasıdır. Mərkəzin həmsədrləri Latviyanın sabiq prezidenti xanım Vaira Vike-Freiberga və Dünya Bankının sabiq birinci vitse-prezidenti İsmail Serageldindir.
Stjepan Mesiçi Xorvatiyanın Azərbaycandakı səfiri müşayiət edib. /Azərtac/
|
