Olesya Dmitriyeva - Gəl mənə ilham ver, ey qoca rəssam
20.09.21



Avanqard.net  Rusiya Federasiyasının Buryatiya Respublikasından olan şairə Olesya Dmitriyevanın şeirlərini təqdim edir.

Hörmətli baş redaktor!

Olesya Dmitriyeva gənc şairdir. 1982-ci ildə Rusiya Federasiyasının Buryatiya (Buryad) Respublikasının Baykal gölü ətrafında Xilok çayının sahilində yerləşən Tobalqa kəndində anadan olub. İxtisasca iqtisadçıdır və ali iqtisadi idarəçilik təhsili alıb. Gənc yaşlarından poeziya ilə maraqlanır və şeirlər yazır. Şeirləri yerli ədəbi orqanlarda çap olunur. İstedadlı şair O.Dmitriyeva poeziyanı həyatının bir parçası hesab edir: “Şeir mənim üçün üzümə toxunan isti günəş şüasıdır, ruhumun nəğməsidir, dənizdən gəlib saçlarıma toxunan küləyin nəfəsidir. Şeir mənim üçün gücdür; yaşa və qalib gəl... Şeir mənim üçün sevgidir, sevgi isə həyatın başlanğıcıdır. Düşüncələrimdə daim doğma kəndimizin üstündə uçuram və şeirlərimə mahnı oxuyuram...”

Olesya Dmitriyevanın bir neçə şeirini şair Nurafizin tərcüməsində “Avanqard”ın oxucularına təqdim edirəm.

Bədirxan Əhmədli, professor



*** 
Gəl mənə ilham ver, ey qoca rəssam,  
Süzül qaranlıqdan nur tək qəsdimə. 
Yol keçən bu yüzün, minin içində, 
Həyatımı köçür kətan üstünə... 
 
Çox çətin olsa da indi hər nə var,      
Xoşbəxtliyə oxşar bir söz yoxdu ha. 
Mayakımsan mənim, ey qoca rəssam, 
Zəfərimə talismansan sən daha...   
 
Gəl mənə ilham ver, ey qoca rəssam, 
Sən götür fırçanı küləkdə fırla. 
Ömrüm əvəzləndi daim çiçəklə, 
Əsməcə tutmamış məni qucaqla... 
 
                    

*** 
Toxundum düşüncə naxışlarına, 
Ruhun uçuşu yox... eşq  yoxdu - laldı... 
Tütək kölgəsində ehtiras qaçaq, 
Notlar havadaca asılı qaldı. 
 
Zərflərə qoyulmuş həsrətlər ki var, 
Mumla möhürlənib sarğısı-səsi. 
Yalnız  yaxşılarçün müdrik əhd ilə,  
Nurda dövr eləyir bir səs haləsi... 
 
Həsrət göynək çəkir qəlbin təkində, 
Ürək alınmaz ki, şəkillə ələ.  
Hər şey olduğu tək getmir, üstəlik, 
Payız da hörümçək torudu belə...  
 
Çağırıb, gözləyib, yola salmıram 
O nuru - umurdum üz-üzə gələk. 
Soyuqdur, qucuram çiyinlərimi, 
Yalnız mən özüməm və... bir də külək... 
 


*** 
Şərabın ip-incə dadıyla nəfəs 
Alırdı şipşirin məxməri gecə. 
Arfanın boyunca  uzanan kölgə 
Ruhu oxudurdu simin dilincə... 
 
Bəlkə də ilğımdır... bəlkə həqiqət, 
Bəlkə də nəfəsdi cənnət donunda. 
Ya da bir ömürlük kitab kimiydi, 
Həyat vərəqləndi burda bir anda... 
 
Sayrışan, sürüşən boz parıltılar, -     
Bir də cisimlərin aramsız rəqsi. 
İkimiz bir yerdə elə gerçəyik, 
Bizlə dan üzünün gəncləşər səsi... 
 


*** 
Sən mənim əlimdən bərk yapış, bərk tut, 
Nüfuz et, sıx məni əsrlər boyu. 
Səninlə uçmağım asan olacaq, 
Səninlə yox olur qorxunun hoyu... 
 
Səni istəyinlə nəfəs alıram, 
Ruhla bədənimin bütövlüyündə... 
Qaranlıq soyuğun rütubətində, 
Əbədi qalxansan ağrım önündə... 
 
Ürək döyüntünün ritmi boyunca, 
Tarazlıq saxlarıq eyni dalğada. 
Fırtına qopsa da sınan deyilik, 
Bizim müharibə deyildir bu da... 
 
Şübhə tozundan və zamandan keçib, 
Külək gülləriylə qovuşar tənim... 
Sən mənim əbədi  müdrikim, gəncim, 
Xəyal aləmində səsimsən mənim... 
 


*** 
Yolar yarpaqları bu erkən payız, 
Çoşğundur, asanca küsdürər, fəqət. 
Olanı dəyişmə - köməyi dəyməz, 
Ona göz yaşını göstər, ya gizlət... 
 
Yaşamaq, yerimək və xəstə düşmək, 
Yığsın var gücümü sağ qalmaq meylim... 
Xoşbəxtlik naminə növbəti ödənc, 
Daxıla atılır... lazımdır... neylim... 
 
Külək yelləyəcək sınıq qəlbini, 
Bir az da dayanıb... gedəcəm ora. 
Tezcə yamaq vurub, mahnı deyəcəm -  
İstərdim tez çatım oktyabra... 
 


*** 
Haqlısan, həyasız saç sancağıtək, 
Yox, mən ağlamıram... sən - sınaq  yeri. 
Səbəbsiz qəm  isə yalnız bəhanə, 
Toxunmaz eyhamlı təbəssümləri. 
 
Boz tellər... amma ki onlar səbəbmi? 
Gözəl qocalanlar zor xoşbəxt olar. 
Şəkil və ehtiras maskalarına 
Möhtacdır demirəm, nə ki, kişi var... 
 
Sakitcə gedəcəm, aldıqlarımdan 
Artıq xərcləməmək haqqımı tanı. 
İnan ki, inadkarlıq yaman güc verir, 
Sıxır bir qapıya oyun adamı... 
 
Sevgi və səadət diləməyəcəyəm, 
Arzu etdiyinə layiqdir hər kəs. 
Ömrünün sahibi, canım... Gözləmə, 
Tövbəsiz, bildiyin kimi yaşa, gəz... 
 


*** 
Pis havalar əsəbləri gərəndə... 
Dalğalar da kükrəyəndə qayada, 
Eşq yolunda oda, suya girirəm... 
Azdı qadın qəlbi üçün dünya da... 
 
Gecə yağış seltək axıb... uçuş yox.. 
Qismət yoxmuş, səfərim baş tutmadı... 
Uçmaq həvəsiylə qəhvə içirəm, 
Sizin görüşünsə iş olub adı... 
 
Asma hücrələrdə yatır süpürgəm, 
Dövr etsin yuxuda, oyanar haçan. 
Büküb çiyələyi zərif söz ilə, 
Ay nurunda bir bəxt falı açacam...

Yenililklər
15.05.24
Ülvi Babasoyun “Ədəbiyyatda postmodernizm: oyun estetikası” kitabı təqdim olunub
09.05.24
Həcər Atakişiyeva - Məhəmməd Füzulinin poeziyasının dili və üslubi xüsusiyyətləri
06.05.24
Həmid Herisçi: Öz adıma ədəbiyyat müharibəmi bitirdim
06.05.24
Kino Agentliyi “Qızılalma” Festivalında mükafata layiq görüldü
06.05.24
Kino ictimaiyyəti narahatdır: 38 nömrəli qərar ləğv olunacaqmı?
04.05.24
Cahid Camal “Xalq Əmanəti” layihəsinin 24-cü nəşrində
03.05.24
Gülnar Səma - Ramil Mərzilinin “Qadağan olunmuş şeirlər”i
03.05.24
Asif Rüstəmlinin “Cümhuriyyət məfkürəsi” kitabı çap olunub
03.05.24
Azad Qaradərəli - Şəhid toyu
02.05.24
ARKA-nın Apellyasiya Komissiyası müraciətlərlə bağlı qərar verdi
02.05.24
“Əlyazma abidələri: ənənə və müasirlik” kitabı çapdan çıxıb
02.05.24
Məşhur yazıçı Pol Oster vəfat edib
02.05.24
Azərbaycanlı alimin beynəlxalq konqresdə məruzəsi dinlənilib
02.05.24
Türkiyənin bütün bölgələrində Azərbaycan Mədəniyyət Günləri keçiriləcək.

01.05.24
Orhan Aras - Bedirhan Ahmedov: Yorulmaz Bir Bilim Adamı...
01.05.24
Cavanşir Yusifli - Gənc şairlərə məktub - Sözün ayağı dəyməyən yerlər
01.05.24
Türkiyədə Məhəmməd Füzuliyə həsr olunan beynəlxalq konfrans keçiriləcək
01.05.24
Nar ağacı - Kənan Hacının yeni hekayəsi
30.04.24
Ömür gəlib keçər, qalan əməldir
29.04.24
Qulu Ağsəs - 55
29.04.24
 Yazıçı Eyvaz Zeynalovun “Nadir şah” romanı nəşr olunub
26.04.24
Mahir N. Qarayev - Mənə o dünyanı göstər, İlahi
25.04.24
Bakıda Çingiz Aytmatovun abidəsinin açılış mərasimi
25.04.24
Abbasqulu ağa Bakıxanovun “Riyazül-qüds” əsəri nəşr olunub
25.04.24
Mədəniyyət Nazirliyi “Nəşrlərin satın alınması müsabiqəsi”ni elan edir
24.04.24
Azərbaycanlı rejissorun ekran əsəri Kann Film Festivalının qısametrajlı filmlər müsabiqəsinə seçilib
24.04.24
IV Kitabqurdu Müəllimlərin Oxu Marafonu elan edilir
24.04.24
Nazir: Bakıdakı Qırğız Mədəniyyəti Günləri mədəni əlaqələrdə yeni səhifə açacaq
24.04.24
TRT-Avazın Baş koordinatoru: AzTV ilə birgə çoxlu layihələr reallaşdırırıq - MÜSAHİBƏ
24.04.24
İntiqam Yaşarın yeni şeirlər kitabı çap olunub
24.04.24
Həmid Herisçinin yeni kitabı çap olundu
24.04.24
Saday Budaqlı: Yazan adam gərək sözü hiss eləsin
24.04.24
Bakıda Qırğız kino günlərinin açılışı olub
15.04.24
Qulu Ağsəsin yeni kitabı çap olunub
04.04.24
Kino Agentliyi gənc kinematoqrafçılara dəstək məqsədilə Alternativ Kino  Akademiyası təsis edib
15.03.24
Türk mədəni irsinin qorunması üçün vahid mexanizm formalaşdırılmalıdır
15.03.24
Gülnar Səma - Ulucay Akifin “Pul axtaranlar”ı
13.03.24
“Kinomuzu yaradanlar, Kinomuzu yaşadanlar” layihəsinə start verilir
13.03.24
Mehriban Ələkbərzadə: “Əsrə bərabər gün” tamaşası dünən, bu gün, sabah kontekstində yaşadığımız əsrə baxışdır
13.03.24

Azərbaycan London Beynəlxalq Kitab Sərgisində təmsil olunur

©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.