Mərahim Nəsib - Əllərim göy üzündə, dodağımda dualar
13.12.21

Şeirlər
 
***
Axşam düşdü, şər qarşıdı yolda qaldı gözlərim,
Ay da batdı, gün də çıxdı amma yenə gəlmədin.
Vaxt da keçdi, il də ötdü yenə gördüyün kimi
sənsiz adam olmaq olur, sənsiz olmur, bilmədin.
 
Üstüm-başım tör-töküntü, ev-eşiyim dağınıq,
Həyatım da darmadağın, bütün nizam qarışıb.
Görən deyir, nəsə olub, qocalmısan, amma ki,
Solan çöhrə, ağaran baş sənə yaman yaraşıb.
 
Bu da deyil olan-bitən, darıxmaqdı ən pisi,
Unutmaq da olmur axı ötüb, keçən günləri.
Gecə demir, gündüz demir həsrətindən mən sənin,
Dolaşıram yorulmadan küçələri, tinləri.
 
Amma daha gecələrin sükutunu pozmuram,
Kimisə də incitmirəm, tükənmişəm, bom-boşam.
Sən gedəli mən o qədər dəyişmişəm bir bilsən,
Səndən başqa hər nə varsa, ona qarşı dam-daşam.
 
İmtahanı çətin olur, ağır olur sevməyin,
İndi bildim niyə belə dəyişmişəm nə vaxtdı.
Səbəbi də sən imişsən, başım sənə qarışıb,
Amma yenə dolmur zaman, nə qəribə həyatdı?!
 
Tərgitmişəm səndən sonra bütün pis vərdişləri,
Gülməyi də unutmuşam, susmağı da bilirəm,
Nə olsun ki, indi hamı, hər kəs məndən razıdır,
Mən yenə də darıxıram, sənin üçün ölürəm.



***
Əllərim, qollarım kəsildi, qaldı,
Ruhum yetim oldu qucaqlarımda.
Yenə şər qarışıb, axşam düşəndə,
Bir körpə uyudu ayaqlarımda.
 
Yarpağa susayan boş ağac kimi,
Qalmışam yollarda naəlac kimi.
Eşqinə ac, susuz, yalavac kimi,
Qopuram durmadan budaqlarımdan.
 
Sən edam kəndiri, hazır ol, gəlim,
Keçirib boynumu, biraz dincəlim.
Quruyub qalsa da ayağım, əlim,
Süzülüb gedirsən yanaqlarımdan.



***
Birinci axşam düşər, sonra mənim ürəyim,
Ayrılığın küləyi üzümü qırışdırar.
Canımı boğazımdan çıxardar intizarın,
Səni görmək istəyim fikrimi qarışdırar.
 
İntizarın nəğməsi səslənər dayanmadan,
Yenə niyyət elədim sənin üçün ölməyi.
Ürəyimi üşüdən bir yola iz qoyandan,
Gözlərimin özü də yadırğayıb gülməyi.
 
Əllərinin istisi, nəfəsinin oduna,
Gecə, gündüz darıxır boş qalan çiyinlərim.
Saçlarını üzümə dağıtsan külək kimi,
Bəlkə belə çözülər bəxtimin düyünləri.
 
Dərd odur, səndən qabaq mən özümdən gedirəm,
Gəlişinə darıxır səhər, axşam ürəyim.
Sənə qovuşmasa da əllərimin zirvəsi,
Amma toxunur yerə, dərd daşıyan kürəyim.
Ancaq səni görməkdi, vallah mənim diləyim


***
Gəl-çıx hələ ömür payım,
İlim, günüm, fəslim, ayım.
Tut əlimdən, yıxılmayım,
Ay ömrümün əsası!
 
Sən ki, mənim varım, yoxum,
Doymadığım şirin yuxum.
Nə gözəldir, yenə baxım,
Gözlərinin qarası!
 
Bilmirəm heç kiməm, nəyəm,
Az qala dərddən əyiləm.
Vallah həmən mən deyiləm,
Ay başımın bəlası!
 
Həsrət ölüb-itən deyil,
Gün də keçib ötən deyil.
Bəs, niyə əlçatan deyil,
Məhəbbətin səması?
 
Məndən sənə bircə öyüd,
Gəl, məni eşqinlə böyüt!
Belə olmur, geri qayıt,
Uzun sözün qısası!



***
Hava soyuq, həzin-həzin qar yağır,
Külək qarı bəyaz-bəyaz üfürür.
Sən də yoxsan qollarını
dolayasan boynuma,
Pişik kimi qısılasan qoynuma.
 
Qısılasan, saçlarını oxşayam,
Əllərini barmağımda təsbeh kimi oynadam.
Axşam yatıb şirin-şirin səhər də,
Gözlərindən öpə-öpə səni belə oyadam.
 
Köksüm üstə qara saçın dalğalana çay kimi,
Ayaqların ayağımda, qollarımda əllərin.
Səni öpmək istəyirəm bu dünyanı unudub,
Çünki sənin baldan belə şirin gəlir dillərin.
 
Nəfəsinin istisini ciyərimə çəkib mən,
Çünki məni bu soyuqda sənin sevgin isidər.
Dodaqların dərman kimi, yanaqların şirin su,
Bircə qurtum belə dadsam vücudumu titrədər.
 
Səni belə sevirəm mən,
Dünya boyda əzizim.
Gözlərindən öpə-öpə hər qayğını silərəm.
Bilirsənmi, sənsiz keçən hər saniyə ayrılıq,
Sənsiz keçən hər dəqiqə ölümdü,
Sənsiz olmaq başdan-başa zülmdü.



***
Buludlar yağışlara,
Gülümsəyir bayaqdan.
Dəyir baxışlarına,
Gah yaxından, iraqdan.
Səni az düşünənlər,
Keçib gedir yanından,
Amma mən
Hey uzaqdan, uzaqdan.
 
Qəlbimdə hər aşiqin,
Daşıyıram sevgisin
Eşidirəm astaca,
Məsum dildən, dodaqdan.
Kölgəm də keçib, gedir
Hərdən sənin yanından
Amma mən
Hey uzaqdan, uzaqdan.
 
Neçə ildir əsirəm,
sənin məhəbbətinə.
Əllərim göy üzündə,
Dodağımda dualar,
Yaş tökülür yanaqdan.
Küləklər sığal çəkir,
Meh toxunur saçına
Amma mən
Hey uzaqdan, uzaqdan
 
İntizar bu sevgidə,
sirrə dönüb yox olur.
Sonra da eşq adında,
Qalxır qara torpaqdan
Sonra ruhum toxunur,
sənə sonsuz maraqdan
Amma mən
Hey uzaqdan, uzaqdan.

Yenililklər
09.12.23
Səlim Babullaoğlu TÜRKSOY tərəfindən təltif olundu
09.12.23
Səlim Babullaoğlu - Allah və vətən aşiqi, böyük şair
09.12.23
Bakıda “Məhmət Akif Ərsoy. Seçmə şeirlər” kitabının təqdimatı olub
05.12.23
Dünya şöhrətli rumın şairəsi Ana Blandiana Bakıya gələcək
05.12.23
Kənan Hacının hekayəsi - Cin qapını bağlayır
05.12.23
Elçin Hüseynbəylinin hekayəsi - Dərs
05.12.23
Yevgeni Rezniçenko - Çağdaş rus poeziyası
30.11.23
Anar Məcidzadə - Canına dərd düşsün, ayrılıq salan
29.11.23
Həmin işıqlı günlər - Cavid Zeynallının yeni hekayəsi
29.11.23
Musiqili Teatr dekabr repertuarını təqdim edib
29.11.23
Pyes müsabiqəsi qaliblərinə mükafatlar təqdim olunub
29.11.23
Beynəlxalq Türk Mədəniyyəti və İrsi Fonduna yeni prezident təyin olunub
28.11.23
Xuana İnes de la Krus - Günah keçisi kimi görürsünüz qadını
28.11.23
Mahir N. Qarayevdən iki şeir
23.11.23
Fəxri Uğurlu - Uzaqda təkbaşına dolaşan qəhrəmanlar
22.11.23
Kanadada “Yeddi gözəl” musiqi qrupunun konserti keçirilib
22.11.23
Fərid Hüseyn XIV İstanbul Beynəlxalq Ədəbiyyat və Şeir Festivalında iştirak edir
22.11.23
Bakıda Mədəniyyət və Yaradıcı Sənayelər Forumu keçiriləcək
22.11.23
Vaqif Sultanlının “İnsan dənizi” və “Ölüm yuxusu” romanları İngiltərədə yayımlanıb
22.11.23
Elnarə Qaragözova - Ali diqqət və rəğbətin dəyişməz ünvanı: Yusif Səmədoğlu
22.11.23
"Nobel mükafatına aparan yolun dərsləri: mif, reallıqlar, uğurlar və çağırışlar" beynəlxalq elmi konfrans keçirilib
22.11.23
Fərid Hüseynlə kürdəmirli oxucuların görüşü olub
06.11.23
"Mədəni diplomatiya vasitəsilə əlaqələr quraraq müxtəlif sivilizasiyaları bir araya gətirdik"
04.11.23
Astanada “Yıldız Sarayı Foto Kolleksiyasında XIX Əsr Türk Dünyasının Mədəni İrsi” adlı sərgi təşkil olunub
04.11.23
Beynəlxalq Türk Mədəniyyəti və İrsi Fondunun və Türk Akademiyasının rəhbərliyi Qazaxıstanın Xarici İşlər naziri ilə görüşüb
01.11.23
Beynəlxalq Türk Mədəniyyəti və İrsi Fondu Bern şəhərində qədim türk yazılarına həsr olunmuş sərgi açıb
31.10.23
Türkiyə Respublikasının 100 illiyi İsveçrənin Bern şəhərində qeyd olunub
27.10.23
“Netflix” “The Crown” serialının son sezonunun ilk treylerini yayımlayıb
27.10.23
Özbəkistanda Yusif Vəzir Çəmənzəminli adına Azərbaycan mədəniyyəti və ədəbiyyatı Mərkəzi açılıb
27.10.23
Bədirxan Əhmədli - Akademik Kamal Talıbzadənin portret cizgiləri üzərinə
27.10.23
Türkiyədə XX əsr Cənubi Azərbaycanda ədəbi prosesin önündə gedən şəxsiyyətlərdən bəhs edən kitab çap olunub
27.10.23
Beynəlxalq Türk Mədəniyyəti və İrsi Fondu Haaqada yubiley tədbirləri keçirib
26.10.23
Varşavada “Polşa və Türk Dünyası” mövzusunda konfrans keçirilib
25.10.23
Elman Cıvıroğlu - İbranice ve Ortak Türk Dili
25.10.23
İstanbulda görkəmli xanəndə Məşədi Məhəmməd Fərzəliyev haqqında kitabın təqdimatı olub
25.10.23
“Ulduz” jurnalının 650-ci yubiley nömrəsi işıq üzü görüb
25.10.23
Yazıçı-tərcüməçi Nəriman Əbdülrəhmanlı Qazaxıstanın “Dostluq” ordeni ilə təltif olunub
25.10.23
Osip Mandelştamın yaradıcılığına həsr olunmuş poeziya gecəsi keçirilib
25.10.23
Azərbaycanı Tədqiq və Tətəbbö Cəmiyyətinin yaradılmasının 100 illik yubileyinə həsr olunmuş tədbir keçirilib
20.10.23
Qars Kafkas Universitetində “Heydər Əliyev və Türkiyə” adlı multidisiplinar beynəlxalq elmi konfrans keçirilib
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.