“Salnaməfilm” studiyasında il ərzində bir sıra yeni sənədli filmlər çəkilib
20.12.21

Mədəniyyət Nazirliyinin sifarişi ilə “Salnaməfilm” studiyasında 2010-cu ildən vətənpərvərlik mövzusunda Birinci Qarabağ müharibəsində torpaqlarımızın bütövlüyü uğrunda həlak olmuş Azərbaycanın Milli qəhrəmanları haqqında 40-dan çox sənədli film çəkilib, 10 filmin çəkilişi isə bu il başa çatdırılaraq təhvil verilib.

Bu ekran əsərinin paytaxtda və bölgələrdəki mədəniyyət ocaqlarında, hərbi hissə və hərbi məktəblərdə, ali və orta ümumtəhsil məktəblərində, kino mərkəzlərində nümayişləri təşkil olunub.

Bu il çəkilişləri tamamlanan “Hər şey yaxşı olacaq” filmi Milli Qəhrəman Çingiz Qurbanova həsr olunub. Filmin adı Çingiz Qurbanovun ailəsi ilə vidalaşarkən söylədiyi fikirdən götürülüb. Filmin çəkilişləri Çingiz Qurbanovun boya-başa çatdığı Qusar rayonunda, Bakıda və Müdafiə Nazirliyinin Təlim-Tədris Mərkəzində aparılıb. Film müşahidə janrında çəkilib. Filmdə Çingizin ata-anası, qardaşı, müəllimləri, sinif yoldaşları, məhəllə dostlarının onun haqqında qürurverici, xoş xatirələri yer alır. Filmdə qəhrəmanın şəxsi arxivindən və kinoxronikadan da istifadə olunub. Ekran əsərinin ssenari müəllifi və rejissoru Kamran Qasımov, operatoru Mirzə Ələkbərov, icraçı prodüseri Azad Axundov, prodüseri Nazim Hüseynovdur.

“Torpağına baş əyərəm” sənədli filmi Azərbaycanın Milli Qəhrəmanı Fikrət Hacıyevə həsr olunub. Filmin ssenari müəllifi və rejissoru Aydan Əhmədovadır.

“Oğuz elinin qəhrəmanı” filmi Milli Qəhrəman Rafiq Alıcanov (1965-1993) haqqındadır. Rafiq Alıcanov zabit kimi Qazax, Ağstafa, Tovuz, Gədəbəy, Kəlbəcər, Ağdam, Tərtər, Füzuli, Zəngilanda və Naxçıvanda döyüşlərdə iştirak edib, qəhrəmanlıqlar göstərib. Filmin çəkilişləri Milli Qəhrəmanın doğulduğu Qazax rayonunda və Bakıda aparılıb. Filmin ssenari müəllifi və rejissoru Kəmalə Musazadə, operatoru Rüfət Süleymanov, icraçı prodüseri Azad Axundov, prodüseri Nazim Hüseynovdur.

“Oğlumun gündəliyi” Milli Qəhrəman Cəlil Səfərova həsr olunub. Filmin ssenari müəllifi və rejissoru Elnaz Əblucdur.

“Poladın iziylə” Milli Qəhrəman Polad Həşimova həsr olunub. Filmin ssenari müəllifi və rejissoru Zamin Məmmədovdur.

“Artilleriyanın atası” sənədli filmi də “Azərbaycanın Milli qəhrəmanları” silsiləsindən olan sənədli filmlərdəndir. Film Milli Qəhrəman İlqar Mirzəyevə həsr olunub. Filmin ssenari müəllifi və rejissor Kəmalə Musazadədir.

“Hər şey müharibə ilə qurtardı” sənədli filmi isə Milli Qəhrəman Qasım Rzayevə həsr olunub. Filmin ssenari müəllifi və rejissoru Namiq Qurbanovdur.

“Salnaməfilm” studiyasının çəkdiyi növbəti sənədli film “Bizim komandir” adlanır. Ekran əsəri Azərbaycanın Milli Qəhrəmanı Sahil Məmmədov haqqındadır. Filmdə Birinci Qarabağ müharibəsinin iştirakçılarından örnək, nümunə götürən qalib ordunun əsgərlərinin döyüşə hazırlıqlarından, Zəfər paradından götürülmüş fraqmentlərdən istifadə olunub. Filmin ssenari müəllifi və rejissoru Namiq Ağayev, operatoru Rüfət Süleymanov, icraçı prodüseri Kamil Məmmədov, prodüseri Nazim Hüseynovdur.

“Vətənin sipəri, mərdin təpəri” filmi isə Milli Qəhrəman Fərhad Hümbətova həsr olunub. Filmin ssenari müəllifi Rəfiqə Məsud, rejissoru Elşən Zeynallıdır.

“Yarıda Qalan uçuş” adlı sonuncu film Milli Qəhrəman Hikmət Muradova həsr olunub. Filmin ssenari müəllifi və rejissoru Yavər Rzayevdir.

Bundan əlavə 2021-ci il üzrə “Salnaməfilm” studiyasında müxtəlif mövzulara müraciət olunub.

Bakı Media Mərkəzi və “Salnaməfilm” studiyasının birgə istehsalı olan 2020-ci ildə Qarabağda gedən 44 günlük savaşa həsr olunmuş “Şuşa, sən azadsan!” sənədli filmi istehsalata buraxılıb və təhvil verilib. Film noyabrın 5-də Heydər Əliyev Sarayında nümayış olunub. Filmin ssenari müəllifi Rasim İsmayılov, rejissoru Cavidan Şərifovdur.

“O, Xarqo idi” ekran əsəri Azərbaycan Respublikası Prezidentinin Sərəncamına əsasən Azərbaycan xalqının cəsur övladı Əhmədiyyə Cəbrayılovun anadan olmasının 100-cü ildönümünə həsr olunub. Filmin ssenari müəllifləri Şahin Sinaria, rejissoru Tahir Tahiroviçdir.

“Aşıq Ələsgər 200” filmi Azərbaycan Respublikası Prezidentinin Sərəncamına əsasən Azərbaycan aşıq poeziyasını zirvələrə yüksəltmiş el sənətkarı Aşıq Ələsgərin anadan olmasının 200-cü ildönümünə həsr olunub. Filmin ssenari müəllifi Füzuli Sabiroğlu (Elyazov), rejissoru Nizami Abbasdır.

“Həyatın ilmələri” Azərbaycan xalça sənətinin inkişafında, bu dəyərli irsin gələcək nəsillərə ötürülməsində müstəsna rolu olan Əməkdar mədəniyyət işçisi Zəhra Əliyevanın təkrarsız yaradıcılıq yolu haqqındadır. Ssenari müəllifi Şirin Məlikova, rejissoru Mübariz Nağıyevdir.

“Salnaməfilm”studiyası “Lennauçfilm” kinostudiyası ilə uzun illərdir ki, müştərək sənədli filmlər istehsal edir və növbəti “Ulduzların keşikçisi” elmi-kütləvi sənədli filmin istehsalını başa çatdırıb. Filmin çəkilişləri Rusiya Astronomiya Rəsədxanası, Batabat Astrofizika Rəsədxanası və Şamaxı Rəsədxanasında aparılıb. Filmin ssenari müəllifləri Anton Smirnov, Aleksandr Pronin, rejissorlar Anton Smirnov, Valriy İvanovdur.

Azərbaycan xalqının ləyaqətli oğlu, görkəmli neftçi, Tümen neftini ilk kəşf edənlərdən biri Fərman Salmanova həsr olunan “Mən neft tapdım. Salmanov” adlı sənədli filmi də artıq istehsalata buraxılıb. Filmin çəkilişləri Bakıda, onun doğulduğu Şəmkirdə, son çəkilişləri isə Rusiyanın Moskva, Surqut, Neftyuqansk şəhərlərində aparılıb. Filmin ssenari müəllifi Ramiz Fətəliyev, rejissoru Hüseyn Cavadovdur.

Qeyd edək ki, “Salnaməfilm” studiyasında “Qarabağ futbol klubu” adlı tammetrajlı 4 seriyalı sənədli filmin istehsalına başlanılıb. Filmdə arxiv materiallarına istinad olaraq Qarabağ futbol klubunun yaranması, Bakıda fəaliyyəti və dünya futbol komandaları ilə bir arenada oyunları ilə bağlı çəkilişlərin aparılması planlaşdırılıb. Filmin ssenari müəllifi İsmayıl Səfərəli, rejissoru Fuad Quliyevdir. /Azərtac/

Yenililklər
25.04.25
Nərimanovda kitab sərgisi başladı
24.04.25
Bədirxan Əhmədlinin kitablarının təqdimatı keçirilib
24.04.25
“İstəyirəm “Daşa basım bu kəndi”: Musa Ələkbərli - 75
24.04.25
Anar Məcidzadə - Dünya düşüb gözümdən...
21.04.25
Şəfəq işığında bir ömür: Jurnalistikanın və söz sənətinin Şəfəqi
20.04.25
Aşıq Mikayıl Azaflının musiqili-ədəbi, ifaçılıq sənətinin bəzi fəlsəfi məqamları
17.04.25
Yeni sənədli film - “İrəvan qalasında erməni xəyanəti”
15.04.25
Karakasda poeziya həftəsi - Mahir N. Qarayev
15.04.25
Bədirxan Əhmədli: 70 yaşın işığı
29.03.25
Təkcə sən gəlib çıxmadın
27.03.25
İlqar Cəmiloğlu - Səni məndən soruşana nə deyim?
13.03.25
Professor Bədirxan Əhmədli: Universitetlərdə hələ də sovet dövrünün dərsliklərindən istifadə olunur - MÜSAHİBƏ
03.03.25
Darıxmağın “Təcili yardımı” Kənan Hacı
06.01.25
Sevil İrevanlı - Türkiyat Araştırmaları Enstitüsünün 100. Milletlerarası Kongresinden gözlemler, izlemler
11.12.24
İzzəddin Həsənoğlu və Mirzə Ələkbər Sabirin Türkiyədə nəşr olunmuş kitablarının təqdimatı olub
05.11.24
Azərbaycanlı alim Özbəkistanın Milli televiziya  kanalının məşhur “Shirchoy” verilişinin qonağı olub
29.10.24
Kinonun işğala dirənişi - İstanbulda müzakirə
19.10.24
Bədirxan Əhmədlinin “XX əsr Azərbaycan ədəbiyyatı tarixi” 3 cildlik kitabı çap olunub
15.10.24
Cəfər Cabbarlı Mükafatı təqdim olunub
15.10.24
Füzulinin həyat və yaradıcılığının tədrisinə dair yeni kitab nəşr olunub
11.10.24
Ədəbiyyat üzrə Nobel mükafatı laureatının adı açıqlanıb
10.10.24
XV Bakı Beynəlxalq Film Festivalının bağlanış mərasimi keçirildi
09.10.24
Mikayıl Azaflının “Haqq aşığı yaranıbdı qəm çəkə” kitabı işıq üzü görüb
09.10.24
Asif Rüstəmlinin “Cəmo bəy Cəbrayılbəyli: həyatı və bədii yaradıcılığı” kitabı işıq üzü görüb
09.10.24
Anar Məcidzadə - Nə yaltaqlıq elə, nə quyruq bula...
03.10.24
Azərbaycan dastanlarınıın folklor semantikası
27.09.24
“Əta Tərzibaşı Kərkükün milli tədqiqatçısı” adlı kitabın təqdimatı olub
27.09.24
Lütviyyə Əsgərzadənin “Şeyx Məhəmməd Rasizadə” kitabı işıq üzü görüb
27.09.24
“Azərbaycan ədəbiyyatşünaslığı” jurnalının növbəti sayı çap olunub
27.09.24
Vaqif Yusiflinin “Məmməd Araz dünyası” kitabı işıq üzü görüb
27.09.24
Azad Qaradərəli - Kədərli yazların doğurduğu sevinc
09.09.24
Azərbaycan yazıçısının kitabı Təbrizdə nəşr olunub
09.09.24
“Əbdürrəhim bəy Haqverdiyev. Nəşr edilməmiş əlyazmaları”  kitabı nəşr edilib
09.09.24
Venesiya Film Festivalında “Qızıl Şir” mükafatının qalibi məlum olub
08.09.24
Venesiya Film Festivalında Azərbaycan filmləri nümayiş olunub
07.09.24
Şərqşünaslıq İnstitutunda “Əhməd Nədimin poetikası” kitabı çapdan çıxıb
27.08.24
Azad Qaradərəli - Alman şərqşünasın hekayələrim haqqında yazdıqları
09.08.24
Milli kino günündə “Tənha insanın monoloqu”
08.08.24
Turan Film Festivalı Laçın şəhərində keçiriləcək
02.08.24
Federiko Qarsia Lorka -  Bu çılpaq bədən at nalları dəyməyən...
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.