“Ustad”ın Novruz sayı çap olunub
16.03.22

“Hədəf Nəşrləri”nin təsis etdiyi ədəbiyyat və sənət dərgisi “Ustad”ın 37-ci – Novruz sayı işıq üzü görüb.

Jurnal bir qayda olaraq baş redaktorun – yazıçı, filoloq Şəmil Sadiqin məqaləsi ilə açılır. Şəmil Sadiq budəfəki – “Kitabi-Dədə Qorqud düşmənləri: İsa Muğanna, yoxsa Kamal Abdulla” yazısında ciddi arqumentlər gətirərək hər iki yazıçını tənqid edir.

Yazıçı-tərcüməçi, dərginin məsul redaktoru Səbuhi Şahmursoy “Ədəbiyyat nədir, nə deyil?” rubrikası altında intellektual romana tərif verərək digər roman janrları ilə oxşar və fərqli cəhətlərini sadalayır.

Şair, ədəbiyyatşünas Qismət isə “TƏK” rubrikasında “Ənənədən qopmanın ədəbiyyatda inikası”ndan danışır, yenilikçi, feminist mətndən söz açır.

Ədəbiyyatşünas və tənqidçi Elnarə Akimova “Azroman” rubrikasında “İsa Hüseynov mətnləri: nəsrimizin dərinlik və dirilik məqamları” məqaləsi ilə böyük yazıçının yaradıcılığına işıq tutur.

Jurnalist Xavər Zahir “Hərəkətdə olan incəsənət – aksionizm” araşdırması ilə “KainART” rubrikasında öz yerini alıb.

Yazıçı Sevinc Elsevər “Gülüb güldürən kino”dan söhbət açır, komediya janrının nəhəngləri barədə araşdırma aparır. Bundan başqa o, “Gəl, uşaq olaq!” rubrikasında “Hədəf” Liseyinin 9-cu sinif şagirdi Selcan Sadıqovanın “Xatırlamaq” yazısını təqdim edir.

Yazıçı-tərcüməçi, dərginin redaktoru Cavid Qədir mərhum Xalq yazıçısı Əzizə Cəfərzadənin oğlu texnika elmləri üzrə fəlsəfə doktoru Turan İbrahimov ilə söhbətləşir. Müsahib Əzizə Cəfərzadənin ana, qadın və yazıçı olaraq portretini cızır, yaradıcılıq mətbəxindən danışır.

Yazıçı, filoloq Nizami Hüseynov “Dəyirman daşı” rubrikasında absurd dil qaydalarından bəhs edir, problemdən çıxış yollarını axtarır.

Yazıçı Ceylan Mumoğlu “Psixotrap” rubrikasında “Şair-psixoloq: Nizami Gəncəvi” yazısı ilə dahi mütəfəkkirin yaradıcılığındakı psixoloji aspektləri araşdırır.

Kinoşünas Hacı Səfərov “Bir il bir kino” rubrikası altında özündə XXI əsrə çağırışlar ehtiva edən “Yeni minilliyə hesablanan kinolar”dan danışır, kinematoqrafiyada yeni tendensiyaların yaranmasından bəhs edir.

“Poeziya” rubrikasında yazıçı Tamerlan İsmayılzadə və şair Tural Cəfərlinin şeirləri yer alır. Müxtəlif mövzulu bu şeirlərdə müharibədən tutmuş sevgiyə qədər bir çox məsələyə toxunulur.

Yazıçı Əlabbas “Hədəfdəkilər” rubrikasında şair Ramil Əhmədin “Orxan Pamukun evində” kitabı ilə bağlı təəssüratlarını bölüşür.

Yazıçı Xəyalə Murad “İkibaşlı” rubrikasında “Nizaminin milli kimliyi” dilemmasına aydınlıq gətirir, onun Azərbaycan şairi olduğunu əsaslandırılmış şəkildə sübuta yetirir.

Yazıçı Ayxan Ayvaz “Qırmızı pəncərə” rubrikasında öz Novruz xatirələrini bölüşür. Eyni zamanda o, “Silahlı şeir” rubrikası altında Vətən müharibəsi iştirkaçısı Elvin İntiqamoğlunun şeirlərini təqdim edir. Dərgidə, həmçinin Ayxan Ayvazın bir neçə lətifəsi yer alır.

Jurnalist Nuranə Abbasova “Kinopasport”da “İnqilab, sədaqət və ehtirasın filmi” olan “Doktor Jivaqo”dan söz açır, film barədə maraqlı anket təqdim edir.

“Yad sətirlər” rubrikasında şair Ümid Nəccarinin tərcüməsində alban şair Jeton Kelmendinin şeirlərinə yer verilib.

Yazıçı Cəmilə Məmmədli “Sərəhədsiz incəsənət” rubrikasında məşhur ABŞ trubaçısı Luiz Armstronqdan danışır. Yazıda, eyni zamanda müğənni Seymur Əliyev ilə qısa söhbət yer alır.

“Ustadyana” rubrikasında Könül Əliyeva və Humay Hüseynli Novruz bayramı ilə bağlı maraqlı iddialar dilə gətirən filologiya üzrə fəlsəfə doktoru Güllü Yoloğlu ilə söhbətləşirlər.

Mirzə Bartlbi “Sözbaz” rubrikası altında “Balaca adamların hekayələrindən böyük sözə” başlıqlı yazısı ilə yazıçı Ataqamın yaradıcılığından söz açır.

Qeyd edək ki, dərginin qiyməti 7 manatdır.

Yenililklər
25.06.22

Günay Əfəndiyeva: TÜRKPA ilə birgə keçiriləcək layihələrə dəstək verməyə hazırıq

23.06.22
Mübariz Örən - Qum adası
22.06.22
Professor Məmməd Əliyevin “Böyük yolun davamı” kitabı işıq üzü görüb
22.06.22
Azad Qaradərəli - Federiko Qarsiya Lorka və Eldar Baxış
21.06.22
Günay Əfəndiyeva Qazax ədəbiyyatı kitabxanasının təqdimatında çıxış edib
21.06.22
“Mirzə Ələkbər Sabirin sənəti və müasir dövr” adlı elmi sessiya keçirilib
21.06.22
Professor Vüqar Əhməd Beynəlxalq Elmlər Akademiyasının akademiki seçilib
17.06.22
Hədəf STEAM Liseyində EFMF-2022 keçirildi
17.06.22
Vaqif Osmanov - Azad Qaradərəlinin “Ucubuluq” roman-dastanı üzərində düşüncələr
17.06.22
Gülnar Səma -  Dəyanət Osmanlının lirikası
17.06.22
Sabir Mustafanın “Qayıdış” poeması
14.06.22
Zəki Bayram Yurdçunun “Səndən nə gizlədim...” kitabı nəşr olunub
13.06.22
Vyanada Ömər Seyfəddinin “Hekayələr” kitabı təqdim edilib
10.06.22
Vüqar Əhmədin  H.Z.Tağıyevə həsr etdiyi monoqrafiyanın təqdimatı keçirilib
10.06.22
Ədəbiyyat İnstitutunda Əhməd Cavad və Akif Ərsoyla bağlı konfrans keçirilib
08.06.22
Vyanada “Azərbaycan qadın şairlərinin poeziya antologiyası” kitabı çap olunub
07.06.22
Günay Əfəndiyeva Qazaxıstanın Bolqarıstandakı səfiri Temirtay İzbastin ilə müzakirələr aparıb
07.06.22
Gülnar Səma - Fərid Hüseyn “Təkrarın tənhalığı”nda
06.06.22
Azad Qaradərəlinin “Renessans həsrəti” kitabının 3-cü cildinin təqdimatı olacaq
03.06.22
Bolqarıstanda Fikrət Əmirovun 100 illik yubileyi münasibətilə “Min bir gecə” baleti səhnələşdirilib
03.06.22
"Ulduz" jurnalının may sayı işıq üzü görüb
02.06.22
Abdulla Aripov - Nəğmələr oxudu o yara sərxoş
02.06.22
Azad Qaradərəli - Ədəbiyat fahişələri
01.06.22
“Ustad”ın 38-ci sayı uşaqlara həsr olundu
01.06.22
“Azərbaycan-Qazaxıstan ədəbi əlaqələri” mövzusunda seminar keçirilib
01.06.22
Fərid Hüseyn haqqında
31.05.22
Beynəlxalq Türk Mədəniyyəti və İrsi Fondu ilə Bakı Dövlət Universiteti arasında Anlaşma Memorandumu imzalanıb
30.05.22
Xəzər Universitetində beynəlxalq tələbə elmi konfransı keçirilib
26.05.22
Günay Əfəndiyeva “Dayanıqlı sülhün təməli - mədəni irs” adlı paneldə çıxış edib
26.05.22
Qırğız dilində çap olunan “Qarabağ hekayələri” kitabının təqdimatı olub
26.05.22
Azərbaycan ilə Türkiyə arasında mədəni əməkdaşlıq məsələləri müzakirə olunub
26.05.22
“İlyas Əfəndiyev. Geriyə baxarkən” fotoalbomunun təqdimatı olub
25.05.22
AMEA Rəyasət Heyəti aparatının Təhsil şöbəsi fəaliyyətini uğurla davam etdirir
24.05.22
“Əlişir Nəvai. Əsərləri” kitabının təqdimat mərasimi keçirilib
23.05.22
Erməni terrorunun qurbanı olmuş uşaqlara həsr edilən  kitab çap olunub
23.05.22
Günay Əfəndiyeva TÜRKSOY-un Baş katibi Sultan Rayevlə görüşüb
23.05.22
“Mədəni gənclik” layihəsi Musiqili Teatrda
21.05.22
Litva Respublikasının Birinci xanımı Diana Nausediene Günay Əfəndiyeva ilə görüşüb
20.05.22
Ədəbiyyat İnstitutunda Qulam Məmmədlinin 125 illiyinə həsr olunmuş elmi sessiya keçirilib
18.05.22
“Çağdaş ədəbiyyatımızda dil və üslub” adlı seminar keçiriləcək
©2012 Avanqard.net Muəllif hüquqları qorunur. Məlumat internet səhifələrində istifadə edildikdə müvafiq keçidin qoyulması mütləqdir.